نهاية الطريق

رُجُـوعْ

اللهم إني أستغفرك وأتوب إليك

.................

عموما أنتبه لنفسك ..

ياخي اشفيه ذاه ارعبيني فلتت يده بقوه وقلت بصوت عالي واناظره ولعيونه :اتوقع تكتب وصيتك انتبهوا لطلال ياخي اشفيك

ضحك بقوه وطاح عالأرض ويده على بطنه من شده الضحك ،قلت بنفرزه وأنا ارفسه برجلي وهو على الارض:فشلتني قم قم الناس تناظرنا .

ناظرني وهو جالس وجهه عليه علامات الضحك وقال بصوت عالي :خلها تناظر يا بعدي انت .

غطيت وجهي بغترتي من الفشله وحاولت انحاش وهو لحقني يجري ونقز فوقي وطحت انا وياه ،عضامي يارب الصبر،صحت وانا ابعده وجيت بضربه كف بس تذكرت انه منهي عليه فمديت يدي لفخده بقرصه وهو انخرش وقام بسرعه يجري بيهرب مني أناا وقمت اجري وراه وهو يجري بسرعه اكبر من سرعته ومسكته من ملابسه من وراه وصرخ متألم بعد ماطاح على كوعه بالأرض وأنا طحت فوقه ثواني وبعدت عنه وجلست جنبه على الارض وقلت بقلق وأنا اناظره وهو عاقد حواجبه ويتحسس كوعه:تعور؟

صاح بصوت عالي قايل لي :احح توجع طلال شكلها انكسرت .

سحبت يده بخفه وهو قال مكشر يبعد يدي :مجنون انت قلت لك تعورني .

قلت له وأنا اعيد سحبي ليده :طيب حركها شوي يمكن مايكون كسر

خفت يوم ناظرته وملامحه متألمه ذي اول مره بحياتي اشوفه كذا خوفني قلت له بقلق :يلا قم نمشي لمستشفى

سحبني من يده إلي تعوره جنبه!عصبت ياخي ليه يكذب ضحك من تعابير وجهي ومد يدينه وشد خدودي بقوه وقال مبتسم: يازينه إلي يخاف علي..

أخدت نفس وبعدت يدينه عن وجهي وقلت بصوت عالي وتعابير وجهي معصبه:طيب ليه تخوفني

ابتسم وقام وقال وهو يمد يده لي :كذا وخلاص

ضربت يده وقمت وحدي وقلت بنفرزه :كذا وخلاص.. وكذا وخلاص.. يامستفز لعد تقولها .

رد مبتسم وحنا نمشي لسيارته :أنا مستفز لا ياحبي انت العصبي .

مو عصبي انا بس ينرفزني كلامه وبروده دايم ما كان عبدالله هو الانسان البارد، إلي يشوف انه الدنيا ممر ليست مستقر، انا مقتنع انه الدنيا ممر ليست مستقر بس ما أمشي على ذا  المبدأ ابد عندي تكبيير في المواضيع ،وهو يوم كنا في الدار كان يقول ابوي جابني لهنا بكلل برود الارض ومعها ضحكه ،كان اكبر همومه يحفظ القران وصلاته بوقتها ودايم يذكر ربه على عكسي انا إلي تلقاني اصيح على اللاشيء.

ضحكت أناظر عبدالله إلي يناظرني عاقد حواجبه ومركز كنه يقرا في افكاري!!

رفعت حاجبي بمعنى 'اشفيك تناظرني كذا'

ابتسم وهو يسوق مرخي نفسه على المرتبه ويناظر لقدام وقال بثقه:طلال تدري أنك اطيب انسان قابلته بحياتي .