🎃 တိုက်ရိုက်ထုတ်လွှင့်ခြင်းဂိမ်း 👣

** Ch 9 **

Unicode:

ရှောင်ထန်ချိုး _ " ..... "

ထန်းမျန်မျန် ဆူပူကြိမ်းမောင်းလိုက်သည်။

" ...... ကြည့်! ငါပြောသားပဲ! "

သူတို့နှစ်ယောက်လုံး တစ်ပြိုင်နက်တည်း ထထိုင်လိုက်ကြသည်။ စုံတွဲဟာလည်း ထိတ်လန့်နေလေကာ ကြောက်လန့်တကြားမေးလာခဲ့၏။

" ဘာဖြစ်တာလဲ? "

အော်သံက ရပ်မသွားပဲ အဲ့အစား ပိုပိုပြီးသာ ကျယ်လာခဲ့သည်။ ၎င်းက သူတို့ရဲ့ကျောရိုးတွေကို စိမ့်တက်သွားစေ၏။ ဒီလောက်ကြောက်လန့်တကြား အော်နေရလောက်တဲ့အထိ ဒီလူက ဘယ်လိုညှင်းဆဲမှုဝေဒနာကို ကြုံနေရတာလဲ ?

ရှောင်ထန်ချိုး တုံ့ဆိုင်းသွားပြီးနောက် ပြောလိုက်သည်။ " တစ်ချက်လောက်သွားကြည့်ရအောင် "

‌လုရှောင်တောက်ဟာ ကြောက်လန့်နေရင်း သူ့အား တားဆီးဖို့ကြိုးစားလာခဲ့သည်။

" အဲ့ဒါက အန္တရာယ်များရင် ဘယ်လိုလုပ်မလဲ? "

" အနည်းဆုံးတော့ ငါတို့ကြုံနေရတာက ဘာလဲဆိုတာကို အဖြေရှာရမယ် "

ထန်းမျန်မျန်လည်း အမှန်တကယ်ကို ကြောက်လန့်နေခဲ့ပေမယ့် တတ်နိုင်သမျှ တည်ငြိမ်အောင် ကြိုးစားရင်း ပြောလာ၏။

" တကယ်လို့ နောက်တစ်ခေါက်က ငါတို့အလှည့်ဆိုရင်ရော? "

စုံတွဲက သွားသင့် မသွားသင့် စဉ်းစားနေတုန်းပင်။ ထန်းမျန်မျန်က ရှောင်ထန်ချိုးရဲ့လက်မောင်းကို ဆုပ်ကိုင်လိုက်ကာ ကြောက်ရွံ့မှုကြောင့် သွားချင်းရိုက်နေရင်း " သွားမယ်။ ငါမင်းနဲ့လိုက်မယ်...! အကြောင်းအရင်းမသိ ဘာဖြစ်နေမှန်းမသိပဲ သေမသွားချင်ဘူး "

နှစ်ယောက်သား အမှောင်ထဲတွင် စမ်းတဝါးဝါးရှာရင်း အခန်းထဲမှ ထွက်ရန်လမ်းကို ဖြည်းဖြည်းချင်းရှာ‌ကြ၏။ အိမ်ထဲတွင် လူတွေပြည့်နှက်နေပြီမှန်း သူတို့ သိသွားခဲ့ရသည်။ အမြွှာနှစ်ယောက်က လော့မန်စုနောက်မှလိုက်ရင်း အခန်းအပြင်ကို ရောက်နေကြပြီ။ လုတာ့သုန်နှင့် ကျန်းကျင်ဖင်းတို့လည်း ထိုနေရာမှာ ရှိနေ၏။ suit ဝတ်ထားသည့်လူကိုသာ ဘယ်မှာမှ ရှာလို့မတွေ့ပေ။