نبدي نحچي بلشخصيات المهمة الي هي ام سجى ونبذه عنها طبعاً هي ايرانية طويلة عيونها كبار ناعسة شعرها ذهبي وطويل بياضها ساطع
چانت كُلش حلوة وچانت مدللة عند ابوها ومايگدر يستغني عنها بحيث هواية ناس تجي خطابة الها وميقبل ينطيها چان معتمد عليها بلأكل مالتة وبلشرب وبملابسة هي چانت مهتمة بكُل هلمواضيع چانت حالتهم المادية زينـه چان الحچي عنده خمس بنات وزهراء من ضمنهم زهراء خواتها كُلهم تزوجو وبقت هي لحد مصار عمرها 30 سنة وابوها چان حيل مَࢪيـض اخوانها
حاولو يزوجوها غصباً عن الحجي ابوها فـ اجة الولد وشافها وشافتة وماعجبها چانو يسووها حافز حتى تاخذه اخواتها يگولولها اذا متاخذيه احنا ناخذه عراقي وخوش ولد وانتِ كبرتي بلعمر ولازم تتزوجين حتى تصير عندج اطفال من وقت فـ قبلت زهراء وتزوجته وراحت ويا للعراق هي ايرانيه اهوازية طبعاً هو چان بأيران يشتغل وتقدملها فـ وافقت علية وتزوجته هي چان معاجبها ابداً بــسہَ تزوجته حتى تخلص من حچي اخوانها
هو چان متزوج ومرته لأولى ميته وعنده منها ولد وبنات هواية ٣ولد و٣ بنات وحالته كُلش فقيرة وبلريف تزوجت زهراء عاشت حياة الحرمان والجوع بعد ماجانت بنت عز ودلال وعافت ناسها وديرتها وبلدها واجت للعراق چان يجيب ناس يعزمهم ويگعدها بٌ ٢ بليل تطبخله چانت تتحسر علمي البارد تروح تشرب من الشط چانو عيالها شادين وياها
قبل الجو حار بلريف وچانت تجي ناس تبيع موطة هي چانت تروح تشتري
زوجها الي هو ايهم اسمة چان يضربها يملخها ويشك بيها ومينطيها فرصه تدافع عن نفسها هي حاولت تتأقلم وي ايهم وماگدرت لحد مايوم من لأيام صارت حامل وراحت للدكتوره گلتلها الدكتوره انتِ حامل والطفل ميت ببطنچ لازم تسوين اجهاض بذاك الوقت مجان عدها فلوس توكع هلطفل
فـ ضلت تصعد درج وتنزل ضلت تشيل اشياء ثگيلة جدريه مي او شغلات حيل ثكيله في سبيل يوكع الطفل وتخلص منة
فـ رجعت مرة الخ هي ومرت اخوها لغير دكتوره حتى توكع الطفل فـ بذاك الوقت جانت الفلوس ٢٥ فٌ الدكتوره گالتلها انتِ حامل والطفل بي نبض وانتِ بشهر الرابع وبيج بنية هنا زهراء حيل فرحت ورجعت وموكعت الطفل رجعت للبيت ضلت تصلي وتبچي وتحمد رب العالمين لأن هلطفل صار بلكوة فـ فتحت القرآن وضلت تقرى الا ان وصلت السورة الضحى
وچان مكتوب بسم الله الرحمنٰ الرحيم ،
والضحى والليل اذا سجى وما ودعك ربك وماقلى
هنا زهراء قررت تسمي الطفلة الي ببطنها سجى ،
أنت تقرأ
الملاك الضائع
Romanceطَفلة تبلغ مَن العمر 4 سنوات تقوم والدتها بلتَخلي عنها لتواجه العالم وتضيئ طريقها بلنور منذُ 2003 ،
