الملاك الضائع

بارت 7 .

أهي كسّرة عظُم مَا تجبُر بيَوم
وَلا دُورة سَنة.. وآثارهَا ترُوح
كسْرَوا واهسِي .. وخَلونِي مالُوم
وخَايف عَلى عيُوني بالبَچي ترُوح؟.

مرت لأيام والسنين واني عايشة وي بيبيتي يومياً تروح للشغل واگعد الصبح اخذ مصرفي اقفل غرفتنة واروح للمدرسة هلحچي اني بلسادس ابتدائي وعمري 12 سنة چنت متفوقة وادرس الليل ماانامة ومحد يساعدني چنت ارجع قبل بيبيتي وافتح الغرفة انضفها وارتبها تجي هي تسبح وتسويلي غده ونتغده سوية وتنام الضهرية واني اطلع ملاعيبي والعب چانن عندي هواية لعابات كُلش هواية وبليل اصعد فوك السطح انضف السطح وافرشلنه فراش
وننام فوك السطح اني وياها وچنت انام بحضنها وتحچيلي علنضام وعلى كُلشي صار وعلوزراء القديمين چانت تحچيلي قصص تحمس عن الجن
والطنطل وهواية شغلات .

سجى: بيبي احچيلي شَـلون جانت حياتچ قبل ؟
زهية : شحچيلج بيبي كُلش تعبت حتى شترينا هذا البيت
سجى : بيبي تزوجتي جدو على حب لو تقليدي ؟
زهية : لچ شنوو هاي سوالف الحب نوب منين متعلمتها ؟
سجى : لابيبي ولله موقصدي بــسہَ سألتج سؤال
زهية : اي تزوجتة على حب يابيبي .
سجى : زين شگد عمرج وتزوجتية ؟
زهية : عمري 19
سجى : زين هم جان يحبچ؟
زهية : ولله يابيبي چان يخون بيه
-ارجع من الشغل الكاه وي وحده
سجى : شَـلون يعني بيبي ؟
زهية : يخوني وي نسوان واذا حاجيته يضربني ويأذيني
-منا لمنن تزوجلة وحدة عراقية وجابانة للعراق الي هسة هنه خالاتچ الـ٤ وامچ اختهن الخامسة امهن ماتت واني ربيتهن !
سجى : زين بيبي ليش يخونچ يعني شناقصج انتِ
زهية : ولله يابيبي الزلمة مثل الچلب تصيحيله يجي تهشينه يروح !
-هنه ينطنه مجال والزلم مايملي عينها بــسہَ التراب
سجى : زين بيبي اني شَــۅن راح يصير شگلي من اكبر عود،
زهية : بيبي راح تصيرين بنية شابة وحلوة وكلها تتمناچ لأن انتِ تربايتي ،
-ومايجي فد يوم واخذليج تنذلين لوو احد يمد ايده عليچ
سجى : زين بيبي يگلولي تزوجي حسون هاي امي (مرت خالي ) رضية
تگلي اخذي حسون واني اضل ابجي مااريد لأن هو مثل اخوي .
زهية : موبكيفهن ولابكيف احد بكيفچ انتِ مادامني اشم الهوى محد يتقربلچ
سجى : بيبي شَــۅטּ واحد يعرف زوجة المستقبلي .
-عود منوو راح اتزوجج ووين راح اروحح؟
زهية : گولي ياسبيت السبوت راويني نصيبي قبل مااموت،
- بيوم السبت راح تشوفين شكل زوجج؟
سجى : بيبي اصلاً مااتزوج اني اكره الولد ايعع
زهية: قابل تضلين دوم اني مادايمتلچ محد يدوملچ وين تردين اخليچ
-عد هاي النسوان ؟؟،
سجى : منن تموتين اموت وياچ مااريد اعيش بحياة انتِ ماموجوده بيها
زهية : يابعد روحي عمري على عمرچ !
سجى : بيبي من اكبر راح اصير دكتوره واني اعالجج ببلاش واعوضج ولله
زهية : ههههههههههههه ان شاء الله احلى دكتورة
سجى : واجت امتحانات السادس ابتدائي وضليت ادرس لصبح وبيبيتي تنام يمي واضل سهرانه والحمد لله ماراح تعبي طلعت 97 معدل
بدون ميساعدني احد چنت حابه اوصل واعوضها على تعبها ويايه