الملاك الضائع

بارت 5.

- غايتي أن أعود حرة، أن أرمي خارجي هذا الثقل الذي في داخلي، و كلّ ما أقوم به يسير في هذا الاتجاه.
- ‏أبحث عن كلمة تصف تعبي، أنا مستهلَك تمامًا، كأن يدي ممدودة للسلام منذ خُلقت، وأنكرتني كلّ الأيادي.
- ‏مررتُ بأشياء كثيرة، وأحزان أشد وطأة، لكنّي لم أجد ثقلًا يؤكِّد أن الروح قد تغور في ظلامها الأبَدي مثل الثقل الذي يُولِّده الفقد.

بعد مامرت الفاتحة وكفت الناس بيبي نكسرت كسره موطبيعيه ضلت تنعي فقيدها لليل ونهار حتى عيونها راحت ضلت ماتشوف بيها كُلش تعبت
بعد ماعدت فتره بقى نفس الروتين هي تطلع للشغل تخليلي مصرف جوه المخده وتبقيني نَاެيمههِٰ بلغرفه اكعد ابدل واروح للمدرسة هلحچي بلصف الثاني ابتدائي عمري 7 سنوات بدلت الصبح ورحت سريع چان قميصي وصخ بس غلست ،اول مادخلت للمدرسة كمشتني المعاونة وضربتني راشدي ،

المعاونة : هاي ݪِيش هيج قميصچ وصخ ماكوو مي ؟؟؟
سجى : دموعي تصب واباوعلها ،
-لوت اذني حيل وضليت اعيط واناشغ
- ست ... ست امي امي عافتني واتزوجت بخنكة وبجية
- و و ماعندي احد يغسلي ملابسي ولايمشطني ،
اشوف ملامحها تغيرت منن العصبيه للشفقه
المعاونه : ديلا حبيبي روحي الصفچ ياعيني ،
- اوي شهلأمهات هاذي الي تفكر براحتها وتترك اطفالها
- شِـنۅ ذنبها هلطفله ياعيني شعرها مكفش وملابسها وصخه

سمعتها وغلست ورحت للصف چانت دموعي تصب حيل مقهوره وضجت من امي بسبب هلموقف وضليت احقد اضم بگلبي اوفف ياربي
- هسه هي ليش تزوجت يعني اله تعوفني هيچي هاي البنات يوميه امهاتهم يجونهم واني لااا دموعي يصبون واني كاعده اخر رحله

المعلمة : سجى .
سجى : ۿــا ست
المعلمة : تعالي ليش دتبجين ؟؟
- اكوو احد اذاج اكوو وحده ضربتج
سجى : لاا ست بس...بس
المعلمة : بــسہَ شنو؟
سجى : ست ليش الامهات يعوفون جهالهم ويتزوجون ؟
- يعني اله يتزوجون يلا
المعلمة : ياعيني عمرچ ٧ سنوات ودتحجين هيچ ليش شكوو؟
سجى: موامي همين تزوجت وراحت وضليت ابجي واناشغ حيللللل
المعلمة : شوو تعالي احضنچ ياعيني فدوه الوجهچ هذا الصغيرون
عبالك وجه لعابه
سجى : تخيلي يعني لو امي موجوده جان اجتي اخذتني منن المدرسه مثل هذولي البنات ومجان نضربت ﺂليَۅم ونلوت اذني ؟
المعلمة : ݪِيش منوو ضربج ولوه اذنج ؟
سجى : هايي ( المعاونه ) لأن قميصي ملثك بي عصيرر
المعلمة : ياروحي صغيرة وعقلچ چبير معرف شحجي وشكول !
سجى : يلاا ست حروحن بيبيتي تنتضرني هسة !
المعلمة : روحي حبيبي بس دربالج على نفسج !
سجى : رجعت ركض للبيت لگيت بيبيتي استو جاية مہטּ الشغل تلاكينه بلشارع
سجى: بيبيي بيبيي ركضت عليها وحضنتها ،
دخلنه للبيت ولغرفتنه ، گبل طلعت الكتكوت الي بلكارتونه وسويتله خبز بمي ووكلته وضليت اجعص بي
بيبي ضلت تطبخلي غده لأن كُلش جوعانه چانت تطبخ تمن مجعوص حيل وعلي دجاجه الذ ﺂڪُݪ كليته بحياتي ، طبخ عجايز بعد
غدتني وكملت الجو بارد ثلچ حيل بارده چابت طشت وجدريه مي
وخلتني بلغرفه وسبحتني ،
ونشفتني مشطت شعري ضفيره وحده ودفتني وياها بلفراشب بلديباج حضنتها ونمت ،
سجى : بيبي
زهية : هاا حبيبتي
سجى : تبقين وياي ماتعوفيني للموت خوش
زهية : شَــلون يعني يابيبي
سجى : بيبي ابقي ويايه مااگدر بدونج
لاتعوفيني ابدد وين متروحين اروح وياج
- حتى منن تموتين اريد اموت وياج
زهية: صمله عليچ يروحي عمرج طويل
-اެݛيِـډ اشوفج دكتوره ومتزوجه وعندج اطفال
-تكبرين وتصير عندج عائله صغيرونه
سجى : بيبي ... عود شلون راح يصير شكلي من اكبرر
زهيه : يمة فدوه الهذا الحلك تصيرين تخبلين
سجى : بيبي خلي انيم التكتوك يمي خطيه خاف يبرد ،
زهية : لاا خاف تجعصينه بليل ويموت خطيه خلي بلكارتونه
سجى : بيبي بــسہَ شويه ،
زهيه : ديلا روحي جيبي
سجى : ركضت للكارتونه وجبته خليته صاعد عليه وغطيته ويايه بلبطانيه
- بيبي عود ليش لونه وردي اكوو تكتوكات ورديات
زهية : هههههههههههه ولله عليچ سوالف عيون بيبي هذا صبغ يصبغون بي الكتاكيت حتى يصير لونهن حلو
سجى : خطيه چااا خذو منن امة يعنيي هذا مثليي
زهية : اني امج واني ابوج واني كلشي الج مادام اشم الهوى تبقين وياي
سجى : بيبي لتخلين هذاك الرجال يجي ماريد اشوفه اخاف منه فدوه
زهية : متدري هذا يوميه يجيني يهددني ياخذها واتعارك ويا (ايهم )
- هاا لابيبي شحده الياخذج مني اكسره تكسر
-نامي نامي ....
سجى : بيبي اقريلي قصة
زهية : كان يامكان في قديم الزمان اكو امرأه عندها ولد واحد وهمة حالتهم تعبانة وفقيره فـ الولد قرر يشتغل ويتعتمد على نفسة بيوم منن لأيام ودع امة وراح يشتغل ......
صادف بلطريق امرأه عابره سبيل وطريقين ...
سألها حجيه على ياطريق اروح واسترزق
گالتله هذول طريقين واحد يوديك التهلكة
وواحد زين تسترزق منة ويفيدك ....
روح علطريق الزين واتوكل على الله .
سألها زين ݪِيش مااگدر اسلك هذا الطريق الموزين ؟
گالتله هذا الطريق اي شخص يسلكه مايرجع لأهله