رائحة المسك🤍🥺♡ ~•باللهجة الجزائرية~•

01

بيسووو🤍🩷

الحب وعد ، والوعد دين ، والدين لا يوفيه إلا الرجال 🤍💍

01
كي تكون صغير دير حوايج تندم عليهم بصح كي تكبار تعرف بلي هدوك لحوايج لي ندمت عليهم جاو غير باه يعلموك دروس جامي تنساهم، ولي يحبو ربي دايما مايديرلو ابتلائات المؤمن تاع صح ديما يصبر ويقاوم حتا ربي يفرج عليه فرج عظيم صح يعديو علينا بزاف اوقات صعاب بصح الفرج راح ينسينا في كلش هذا وش صرا مع نرجس
نرجس طفلة عاشت صغرها كامل في دار فلبلاد كانت تحب دور تلبس تماكيي تشري كيما اي طفلة بصح مكانتش عارفة بلي كلش يخلص عند نقطة كانت ناسية انو يجي نهار لي راح تتبدل فيه حياتها وتعود مسؤوولة،
كامل كانو يقولو بلي هي جامي راح تكون من عايلتهم، مكانش ذنبها انها تموت مها جيست جات على هدي الحياة بصح كل واحد كيفاه كان يتهمها وش ذنب طفلة صغيرة ماتت مها بسبة مرض خبيث، كلش كان مكتوب، كيما يكون المؤمن ميرضاش بقدرو ويتهم عباد معندهمش ذنب فالحياة، بزااف حوايج في مجتمعنا لازم يتبدلو هكا نرجس كانت تعيش حياتها لبخص وضرب بلا مننساو بلي كل يوم تتخرب متنكرش بلي باباها كان يحبها بزاف، ومينساهاش في صغيرة وكبيرة بصح حنان الام ميعوضو حتا حاجة
نرجس كانت طفلة قوية بزاف مكاننش طيح دمعتها بسهولة بصح الا دعات علبك اعرف بلي درت غلطة في حياتك، كامل نعرفو بلي دعوة اليتيم صعيبة، بصح هوما جامي دارو لهدي لهدرة قيمة
كيما قلنا بلي نرجس كانت يتيمة صح صح بالحرف والمعنى كانت تقرا وتروح تفرغ كامل جهدها فلقراية حاجة متخصها من عند باباها لحاجة لي تسحقها تجيها، جابت لباك بمعدل مليح وكانت حابة تخدم اي مهنة ميهمش وشي هي ليسونسيال متقعدش فدار هديك لي كرهولها حياتها فيها، وهنا قررت انها تقرا في ولاية اخرى باه متسمعش مرت عمها وجدها والإهانات تاعهم كل يوم، بصح مكانتش تعرف واش راهو يستنا فيها كون غير قعدت لرخس تاع جدها ومصراش لي صرا..... يتبع

~~~~~~~~~~~~~~~~~~~~~~~~~~~~~~~~~~سلام لبنات كيما تعرفو هدي رواية جديدة من تأليفي عليكم بالتفاعل عليا بالكتابة، عدت بعد غياب طوويل قليل لي منكم يعرفني بيسك هنا جامي حطيت رواية لمهم اتفاعلو حبيباتي 🤍🥺واعطوني رايكم فالتعليقات، بارطاجيو ثاني علابالي طلبت بزاف بصح نورمال 😂
_________________________________________