الحب وعد ، والوعد دين ، والدين لا يوفيه إلا الرجال 🤍💍
بيسو🥺🤍
شحال صعيبة تكون مغدور من عايلتك ويصرا فيك لي يصرا، شحال صعيبة تفقد حنان الأم، وتتيتم، وتتحڨر، المرأة فالحياة ديما مظلومة، نرجس كانت ديما تسكت على حقها مش خوفا منهم تخاف على ناس ومشاعرهم ونسات روحها هي، تخمم فناس كثر من روحها كلما تقول ننطق تسكت تفكرت كي جات ودارلها حسان لجاست هداك باقية تتسائل علاه مقالتش لخالتها وزعما خالتها رح توقف معاها باباها لي من لحمو ودمو وموقفش راح تصدقها يعني محال راح يصرا لي في بالها وكون تقول لخالتها راح تخرب لبيوت برك اصلا هي مش راح تعيش هنا ليومين هدو برك وتروح تروح استغفرت وناضت قالت لخالتها
نرجس: خالتي نخرج نشري شوي حوايج ونروح نشوف وحد لخدمة ونجي
رجاء: هاكي جيبيلي معاك لخبز
نرجس: اها خلي درك نشري معايا
رجاء: مطوليش متخلينيش نخاف عليك
نرجس: اوك
خرجت وهي معلابالعاش بدنيا لحاجة لوحيدة لي علابالها بيها انها لازم تقوي شخصيتها متبقاش بضعف هذا، راح ياكلوها فلا فاك وصلت للمحل لي راح تولي تخدم فيه قبل متدخل ليه هبطت راسها لقات خاتم صغير معرفتش كيفاه هزتو وبدات تقيس فيه مبعد،خباتو خافت يحطوها سرقتو ولا ودخلت
نرجس: السلام عليكم اذا عرفتني انا هي لي عيطت لبارح على لخدمة نحتاجها لازم
رابح: ايه بنتي على الراس ولعين كيما تقاهمنا وكل شهر تدي سلاكك
نرجس: هيا اوك عمو
بدا ينعتلها فسومات وش لازم دير ولحوايج ومنا كي خلصت شكرتو وخرجت وعطاها مفتاح لحانوت لغدوة، شرات لخبز وجات مروحة مبعد تفكرت هداك لخاتم زعما تعمن، سير كشما طفلة طاحلها خلي كي نبدا نبيع نسقسي عليه منيش اصلاا مطولة هنا ولا ومبعد روحت عند خالتها،
تعشات ورقدت صباح لمت حوايجها وراحت تروح،دات حوايجها يروحو وحطتهم فلبيت وعاودت خرجت بلا متهدر مع حتا واحد حكمت طاكسي وحد ربع ساعة وصلت للحانوت
بدات تسيق ودير وش قاللها رابح، باعت بزاف حوايج وبقات قاعدة، وصل وقت الغدا وهي ميتة جوع قفلت لحانوت وراحت تشري كش حاجة تاكلها، شرات شاورما، وجات راجعة للحانوت حتا لقات راجل واقف ومدور منين لحانوت يحوس على حاجة باينة
تفكرت ديراكت لخاتم لي معاها
نرجس: خويا بعدلي دقيقة ندخل
اووس: سمحيلي ختي مشفتكش
لام كلش تبدل في هذيك لحظة رجعت 5 سنين لورا تفكرت وش صرا معاها
شافت معاه
نرجس: هذا نتا
اوس: نرجس معقلتكش خلاص
نرجس: امشي من هنا منيش حابة نشوف خلقتك
اوس: وشبيك نتي، جيت نحوس على خاتم خطيبتي ورايح منيش حاب نشوف وجهك فهمتي
نرجس: هههه خاتم خطيبتك عندي اصبر تشوف نمدهولك مبعد منحبش نشوفك هنا فهمت
اوس: وعدتي تسرقي تان مليح اصلا هداك وش يليقلك غير سرقة وت....، تصدمت من هدرتو معلابالهاش كيفاه طلعت يدها وعطاتو بكف اقوي ملي كانت تتوقعو بقات تشوف مع روحها ومع جرأتها شافت مع يدها مبعد مع خدو مدتلو لخاتم وقفلت لباب خافت كش مايديرلها بصح حو حكم لخاتم ركب طاكسي وديمارا
قفلت لحانو وقعدت فيه معلابالهاش وش ثصرا فلحظة هديك بعد بكات بكات كرهت حياتها ناس لي تحبهم كامل جامي بينولها بلي حبوها
كامل تتساءو شكون اوس، اوس هو اول حب ليها كانت تحبو صح صح، بصح هو كان مدايرها ختو ويشفق عليها كي عادو يضربوها بصح كي عرف وش صرا مع مها بعد منها، هي لتم قررت تنساه ومديرش عليه بصح زاد خرجلها وهو خاطب دنيا ظالمتها مزالت صغيرة بصح تتأمل يجي واحد يحبها.،يخاف عليها،يحن عليها مجرد اهتمام برك فتاة تحوس غير على حاجة تخليها تحس بالأمان لي جامي حستو مع باباها وعايلتها لي كانت ضدها في كلش حلت لحانوت وبدات تبيع حتا وصلت 5 قفلتو وراحت روحت عداو ليامات ومبعد شهر وهي على هديك لحالة تخرج تخدم تاكل وتروح حتا جا وقت التسجيلات لي لازمها ديرهم وتروح للولاية لي راح تقرا فيها مناش رايحين نذكرو اسم الولاية بصح هي ولاية كبيرة بزاف كانت اجمل ولاية كانت تحلم باه تزورها سلكها رابح،وجات مروحة غدوة نهار جديد حياة جديدة ناس جدد لازم كلش يتبدل لحاجة جديدة هزت دراهمها شرات بيجامة وشرات باه تدخل تقرا مكانتشش مسحقة حتا حاجة غير انها تروح لمت قشها كرارسها اقلامها.وراحت طل مطاقة زعما وش راح يتبدل في حياتها كيفاه راح تولي بعد خمس سنين لهن كيفاه بعدما تتخرج خرجت من بيتها ديراكت عند باباها
نرجس:صح جامي قسرت في حقي راك مسامح يابابا اعرف بلي بنتك تحبك حتا لليوم لخر في حياتها
رائد:وعلاش تهدري لهدرات هدو يابنتي،شاف معا عينيها وسكت علابالك منين جبتي هدوك لعينين من مك كنت نعشق نشوف مع عينيها،بصح الله غالب راحت حبيت نقلك بلي جامي ديري كونفيونس فلعباد ومتكونيش نية بزاف بيسك راح يعفسوك اي حاجة تسحقيها راني هنا بلاما نهدرو وتولهي من روحك ومتخالطيش
نرجس:بابا متخافش بنتك مرا،ومش راحا توسخلك شرفك
رائد:ارواحي هنا
لتم جاتها دمعة،ومبعد ولاو دموع ........ يتبع
يوم جديد وحياة جديدة ركبت فلبيس متجهة للولاية لي رايحة ليها معاها غير ربي سبحانو كانت طريق كل وهي تستغفر مبعد رقدت حتا وين سمعت صوت روتسوفار
.....: هيا ابنتي رانا وصلنا
نرجس: ايه والله مافقت خلاص
ركبت فلبيس تاع لجاميعة عطاولها لمفاتح تاع بيتها، دخلت وياريتها مدخلتش طابلة مكسرة سري مكسر ريحة لغبرة كلش تالف قعدت فلرض رتحت شوي وبدات لميناج لبيتها لي كانت نص بيت سيقت ودارت شوي روائح حلت طاقة وغلفت مطرحها وقعدت تخمم يعني يجيو يسرقوني، مبعد بدات تضحك على افكارها يسرقوها وهي حالة لباب ناضت قفلت لباب، وتكات رقدت معلابالهاش بالوقت ناضت جواية 2 تاع ليل، تسمع غير فصوت تاع كرشها ناضت تحوس على حاجة تنحي بيها لجوع بصح والو مكاين تفكرت شيكولا لي جابهالها باباها قبل ماتروح جبدتها كلاتها وعاودت رقدت.... يتبع
~~~~~~~~~~~~~~~~~~~~~~~~~~~~~~~~~~
بمبم جيتكم بأقوى رواية فالعالمية اجماعة ماعليكم غير بالتفاعل 🤍
في رايكم وش راح يصرا مع نرجس؟ 🙂
وصح راح تحقق حلمها؟ 🙂
وواش حكاية اوس وحسان؟ 🌚
برطاججيو لكرونيك لصحاباتكم، خالاتكم بنات خالاتكم كل مايطلع لكرونيك نتحمس ونكتب اكثر هيا متبخلونيش، والله راح تشوفو احداث مشوقة صح صح
أنت تقرأ
رائحة المسك🤍🥺♡ ~•باللهجة الجزائرية~•
Romanceقادر تكون حياتك صعيبة بزاف بصح جامي طلع راسك لفوق قادر يتعوج ومتهبطوش بزاف، في حياتنا كامل عداو علينا حوايج صعاب بزاف كي نتفكروهم نحيرو كيفاه خرجنا منهم بصح لمهم تكون عندك الارادة لي تخليك تقدر تخرج منهم🤍
