رائحة المسك🤍🥺♡ ~•باللهجة الجزائرية~•

06🩵☄️

الحب وعد ، والوعد دين ، والدين لا يوفيه إلا الرجال 🤍💍

Bisou🔥🫶
كيما قلنا تلاقات لعين بلعين ولتما نرجس قلبها عاد يخبط معرفتش كيفاه تهدر
نرجس: خالتي حليمة راهي هنا
حليمة: ادخلي ادخلي بنتي ازربي راح لحال
نرجس: اني جيت متخافيش خالتي
اما عند سند مزالو مشوكي فلي شافو ، مو وين تعرف بنات كيما هك تبان متربية، بصح قال في قلبو كاين لي ييلعبوها برك
دخلت وبدات طيب فلعشا وسند يخمم شكون هدي وكيفاه تعرف يماه، دخل للبيت لقا طفلة في عمرها وحد 12 سنة متكية فوق لكانابي وتبكي من لوجاع
سند: وشبيكي كش حاجة توجع فيك
شافت معاه محببتش تنطق ماعرفتوش
سند: متخافيش مني انا ولد حليمة
بقات باهتة فيه قالت في قلبها يعني هذا هو خويا من يما، دورت وجها وبدات تبكي خرج قلبها هي الوحيدة لي علابالها وش دير يماها، مسكينة الله يعلم حالتها
غاضتو خلاص
سند: شوفي كشما تسحقي اني هنا ومتخافيش خلاص اني ديما لهم فهمتي كشما تاكلي
دارتلو براسها لا لا
خرج وقفل لباب ورراه وحاس بلي كاينة حاجة مخبيتها عليه مو صح
راح يتعشا هو ومو لقا نرجس راحت،
سند: يما محكيتيليش شكون لي جات طيبتلنا لعشا
حليمة: امم نسيت مقتلكشش هدي نرجس بنت
وسكتت
سند: لاه سكتي بنت شكون
حليمة: ني غلطت شفت صباح خي حكيتلك على خدامة هدي هيا
سند: من وكتاه ولينا نخدمو لبنات صغار يما
حليمة: شوف معايا مليح مليح عندك عندك تعجبك مهيش كيما راك حاطها هديك طفلة سم جبتها غير كي عاد طيابها بنين سينو متدخلش داري (منافقة هدي)
طلع حواجبو قدرت تجرب تقنعو بزوج كلمات بصح هو مهوش من رجال لي يتقنعو ليه ليه تعشا وكمل رقد تفكر كي حل لباب وشاف نرجس، تفكر واش قالت مو، وتفكر طفلة لي فلبيت، مداتلهاش تاكل، حل لباب بشوي وراح عندها طل شوي على لباب سمعها ايه مو لي موقفتش معاه وهو صغير
خليمة: كولي كولي يابنتي باه ترتاحي
حار هدي هي لي حرمتو من حنانها تمد فيه لناس ولدها مقدرتش تكون ليه ام، خرج ودمعة في عينيه تفكر صغرو لي بلا بيها كي كانو صحابو يجيو امهاتهم يدوهم وهو يجيه باباه كان يتمنى ترجع
زير يدو وقال بشوي
سند:جامي نسمحلك جاممي راح نعرف واش دررتي مبعد ندي دار
ورقد
اما عند بطلتنا لي مقدرتش ترقد خافت يكون عشاها مجاش مليح، تفكرت نظرة هذاك السيد ليها صح خوفها بصح مفهمتش علاه قلبها كان يخبط هكك، حتا كي كانت تحب اوس ومخبطش هكك نحات تخمام هداك من راسها وراحت ترقد،
فصباح ناضت تقرا، راحت للجاميعة كي لعادة وليوم صح اكتسبت صديقة، صديقة جربتها شحال من مرة بصح كانت وفية بزاف امينة هي صديقة نرجس كانت ديما تجي عند نرجس وتقولها انا حابة نكون زميلتك ونقراو كيف كيف، نرجس عطاتها كلمات وجربتها كانت صديقة بزاف وفية راحو هيا وياها للمكنبة وبداو يقراو، اما عند البطل تاعنا لي راح يسجل فهديك لجاميعة سما يبدل ليها، صدفة لمح نفس الحجاب ونفس النظرة حس روحو يتوهم بصح، نن شافها وهي تضحك مع طفلة معاها، ضحك لا اراديا مبعد مشا وبدا يفطن روحو
سند افطن جينا هنا على جال حاجة وحدة وهي الإنتقام متفسدهاش عليك
كمل طريقو بدل، ورجع عند امو قالها اني خارج وبقا تحت دار يستنى يشوف وش دير من ورا ما خرج سند مدار قررت حليمة تروح عند جارتها تعيط للمجهول
وهو كي شافها خرجت حب يسمع وويعرف واش راهي دير
حتا وين تصدم كي سمع هدرتها كامل
حليمة: علابالك ياسيد حق ربي درت لي عليا مي طفلة واقيلا حابة تقرا، كل خطرة نشغلها وهك وتقرا فليل
المجهول: واش قتلك انا سلكتلك حقك ومعرفتيش تديري وش قتلك شوفي هدي لخطرة راني سمحتلك، خليها تجيك برجليها عيطيلها وقولها بلي زعكتيها ديري اي سبة
اما هو وقت سمع هكك عروقو خرجو معرفش وش يعمل خرج ديراكت من لبلوك وركب طوموبيل وخرج معلابالوش وين رايح
حليمة: اوك راح ندير كيما قتلك
خرجت رجعت لدارها كي شغل حاجة ماصرات
عيطت لنرجس

حليمة: شوفي معايا مليح وركزي فهدرتي انا جبتك على نيتي لداري وكلتك ملحي مع لخر تسرقيلي وتحطي لحار بدمة قتلك قداه مرة بلي عندي حساسية راكي مطرودة مزيديش تجيني حوسي من بلاصة خلاف
وكوبات
لعبت لعبتها وضحكت، نشوفو كيفاه حديرلك قرايتك يابنت
اما نرجس بقات مشوكية مخلاتهاش مام با تهدر
نرجس: خي ناس يخي انا منيش راجعة للخدمة هديك خلي دير وش دير مريضة هدي وراحت هي وامينة كملو يقراو، اليوم قررو انهم يخرجو يبدلو شوي لجو راحو للمول لي كان منين للجاميعة شراو وش حابين........ يتبع

تصبحو على خير لبنات هذا وش قدرت نكتب ليوم غلبتوني
بارطاجيو لكرونيك
في رايكم وش دخل حليمة في حياة نرجس،🙂 والمجهول هذا علاه حاب يخربلها حياتها😂
سند صح راح يكتشف الحقيقة ولا راهو يتوهم برك 🔥
هدو الأحداث كامل نشوفوهم فالحلقات الجاية اتفاعلو وطلعو لكرونيك. و لازم نلقاكم حرقتوها راني نشوف في تفاعل صغير خلاص