اسير القمر الازرق العملاق

الفصل الاول

يا بت يا صفية تعالى هنا سريع انا وابوك عاوزنك في موضوع.
اي يا امي بسم الله خير ان شاء الله ...
لا خير يا بتي بس انا وامك عاوزين نعرف رايك في حاجة.
على عيني يا ابوي..(وجلست في الارض جمب ابوها وبتعاين بلهفة ومحتارة من الشورة شنو).
(ابوها عاين ليها كدا وقال)شوفي يا صفية بتي تجاني ود عمك احمد قال دايرك على سنة الله ورسوله فقلت خلى النشوف رايك قبل ما نرد.
(صفية وجهها حمر ونزلت راسها وقالت)البتشوفوا يا ابوي ، وتجاني كل البنات دايراتنوا رجلا بتحمل ولحنية بقبل.
ضحك ابوها لمن رجع ورا وامها كمان حتي ضربتها خفيف على كتيفها .
صفية مشت على اوضتها وضحكة ابت كان تفارقها وبتقول في نفسها،(تجاني انا زولا بريدوا في قليبي شديد وكنت بدعي اني اكون معاه في بيت واحد).
(صفية مع صحباتها  ومع الونسة والفرحة)
وااااي لكوااااي لكن يا صفية انتي ما محظوظة عديل تجاني قال دايرك  تجاني المكسر البنات.....ووااااي انا وتانيي واي ي..
اي يا صفية منى ما كذبت نحن ميتات وراء تجاني وتجاني رادك انتي ...
احسان مالك قلتيها كدا شكلك غيرانة من صفية؟
ولي اغير منها ياسلوى ، انا وصفية اخوات عديل من ما قمنا سوا انتي اصلا يا سلوى بتحبي تعملى المشاكل...
سلوى قامت فوق وردت ليها :منو دي انا ..انا يا احسان...
منى قاطعتهن ..هييي يا بنات كفاية كدا انتوا جايني تساعدوا صفية ولا تشاكلن ولا شنو رايك يا صفية..
(لكن صفية كانت في عالم تاني وما كانت سامعة صحباتها بقولن في شنو).
بدن يضحكن اتلفتت ليهن صفية وقالت ليهن مالكن في شنو بتضحكن؟
بنتضحك على سرحة عيشتك المع تجاني هههههه وضحكة صفية معاهن.
جاء علي اخوي صفية الصغجاء علي اخوي صفية الصغير وعمره 10 سنوات.
صفية صفية ...اجرى.. صصصفففيية...
صفية قامت على حيلها مالك مالك يا علي اخوي قلبي وقف....
ت ت ت تجاني...
ماله تجاني يا على خوفتني..
صحباتها كلهن بصوت واحد..تجاني ماله...
علي ..ماا تخافي هو بس جايب اهلوا وجاين علينا قومي البسي توبك جاين يشوفوك...
صفية دنقرت ووجها حمر من الخجل.
صحباتها قامن يتكبكبن وحدة اخدت تكنس في الحوش ووحدة العصير والباقيات اتوزعن الخدمة وقالن ليها امشي اتسمحي وسرحي.
صفية يابتي...
اي يا امي .
طبعا تجاني دا...
صفية خجلت..
امها عرفت وقالت طبعا علي كلمت، خلاص شوفي ليك توبا وشبش والبسي.
ططق..طق..طق..طططااق
صفية امي يا امي الباب بطرق...
سمح يا صفية اصبري تقول جاي حية قصادك خايفة كدا..
صفية دخلت جوا .
وابوها فتح الباب..
اهلا اهلا..يا مرحبا نورتونا..اهلا حاج احمد وحاجة سعدية واهلا بولدي تجاني...
دخلوا الضيوف على الصالون...
وصفية طايرة من الفرحة.
بعد ما ضيفوا الضيوف ..
ابوها ناداها ..صفية يا صفية تعالى يابتي .
صفية جات والمشية مشيت خجل والكلام بطلع مكركب.
اي اي ياابوي.
تعالى اقعدي جنبي هنا .
صفية حاضر يا ابوي.
تجاني يا ولدي دي صفية بتي القلت دايرها.
تجاتجاني اتبسم وقال ليه والله يا عمي يا ابو صفية بتك عاجباني من وهي بنية وانتظرتها لحدي ما تبقي صبية منعت نفسي اكلمها او اشوفها وكنت بدعي ربي تكون لي براي عشان كدا كنت بحافظ عليها من نفسي.
يا عمي انا صفية خلاص درتها لنفسي وهي اسي عمرها 17 وانا عاوزها تتم ال19 بالوقت دا بكوز جهزت حالى، يعني كدا بالحيل انا عاوز سنتين.
ابو صفية على كيفك يا ولدي ولو درت نتقد ليك اسي بالبلحتين بديها ليك.
ابو تجاني والله انا موافق بس تجاني راسوا قوي .
تجاني ما كدا يا ابوي بس انا صفية درتها لنفسي وبحب اعزها لانها هتكون ملكي.
ابو صفية خير يا ولدي تجاني ويا حاج احمد صفية الحين ملك ولدك واي زول بدق بابنا صفية محجوزة .
على بركة الله.
تجاني يلا يا عمي نحن نمشي خلاص ولا شنو يا ابوي.
ابو تجاني اي ياولدي  نمشي..
ابو ابو صفية كان تتغدوا معانا الغداء جاهز  نتم الكرم.
ابو تجاني لا والله كدا انت اكرمتنا كتير والله كتر خيركم.
وطلعوا  على باب الشارع يلا السلام عليكم.
اهل صفية وعليكم السلام.
عند اهل تجاني....
تجاني يا ولدي لي اخرت العرس قدر دا ..
والله ساي يا ابوي البنت شكلها صغيرة.
صغيرة شنو يا تجاني هو قال ليك ببلحتين بديك ليها شكلوا بنته بايرة وما زول دايرة.
كيف يا امي ماف زول دايرها ناس حاج مضوي (ابوي صفية). ديل ناس ما شاء الله عندهم قروش والناس كلهم متمنين يعرسوا بتوا دي وما شاء الله هي اسي شاطرة وشالوها تمريض ماف اي بت في الحلة قدرت عملتها.
والله يا ولدي قيتوا الشايفوا انت وانا مالى...
مالك يا سعدية اسي زعلانة كدا اها قمنا لحق النسابة من اسي..ههههه
حق نسابة شنو يا حاج  انا زاتي قايمة اخت الغداء.
سسمح سمح يا سعدية هههههه
تجاني اها يا ابوي رايك شنو بالبت صفية تستاهل تكون مرتي .
والله يا تجاني يا ولدي هي الحاجة دي ما محتاجة راي زول غيرك دي حياتك لو مامرتاح فكر وما تسمع كلام امك دا وتملا بيه راسك ساي.
حاضر يا ابوي...
يلا يا ابوي انا اقوم استحمه عشان احصل الغدا.
خلاص يا تجاني وانا كمان اقوم اشوف امك عملت شنو لغدا وهي زعلانة كدا هههههه.
سعدية يا رايقة عملتي لينا شنو غدا..
مابعرف يا احمد انا بختوا ليكم وبعدين بتعرفوا.
مالك يا سعدية زعلانة كدا الولد حابي يكمل نص دينوا وكمان ما تنسي ولدك ما صغير والبت ماشاء الله بت حلال وحلوة ومتعلمة.
انا ما زعلانة انا خايفة عديييل يا احمد نسيت الحصل ونسيت نحن جينا هنا لشنو اصلا وهربنا لي وتجاني زاتوا  اتغير ما معروف لى اتغير وبدا اتجاهل ماتنسي دي بت ناس يا احمد والله بسألنا منها...
خلخلاص كدا كفاية يا سعدية ( ازهج فيها وصر وجهوا) الفات فات ما تكرهينا.....
دا شنو الظلام دا يا احمد...ما يكون بس..
اي يا هووو الكنت خايف منو يا سعدية عشان كدا دايما بقول ليك امسكي خشمك عليك...
تجاني..تجاني..ياود....

                      يتبع......