اميرااااااااااااااااااااااااااااااااااا........
يلا يلا بسرعة جيبوا تراب اطفوا النار ما تخلوها تتنفجر.
اي اي يلا شدو الهمة يا رجال....
ياجماعة انا سامع صوت!
صوت!؟
اي والله زي صوت تجاني ود احمد وهو بنادي اميرة.
شنو؟؟؟؟
اي كدي ركزوا
تجانى،اميرا يا بت قومي ....
رجال الحي، تجاني دا انت يا ولد؟
اي اي دا انا وهو ببكي ،عليكم الله تعالوا سريع طلعوا اميرا هي نايمة من قبيل ابت ترد لي،،
قلت شنو يا تجاني ؟ اميرة بتي مالها...
تجاني ياولدى انت كويس ؟
اي يا ابوى بس اميرة ...
يا جماعة كدا خلوا الكلام وطلعوهم سريع من الحاجة الوقعت دي .
جروا جروا ...
تجاني يدك يا ولد.
لا يا ابوى طلع اميرة الاول.
اي اي يا احمد طلع بتي سريع اشوفها مالا نايمة .
خلاص يا تجاني كدا مديدك وجر اميرة ..
قلت لا يا ابوى امسك دي يد اميرة.
خلاص يلا جروا يارجال
يلا يلا بسم الله.
اميرة طلعت .
يلا طلعوا تجاني سريع.
اميرة اميرة يا جماعة اميرة بتي مالا .
يا موسي اهدا دقيقة نشوفها
يا جماعة مالكم انا ولدى لسا جوا.
اميرة اميرة ماتت يا جماعة،انا اقول لامها شنو يا بتي يا اميرة....
يا جماعة ولدى ولدى....لسا جوا اميرة ما ياها بره..
تجاني جيب يدك يا ولدى .
سمح يا ابوي ...
احمد ارجع لورا الشيء دا داير ينفجر.
لا لا ما بزح ولدى لسا ما طلع
تاني ما نقدر نطلعوا
خلاص انا بموت معاه سوا
يا جماعة جروا بس.
ما تجروني ولدي حي وانا شايفوا تخلوا يموت كدا.
انتوا جنيتوا يعني...
بوووومم...بوم ...طااااخ....
يالله الله اكبر رجال الحي باعلى صوتهم
ولدى تجاني تجانييييييييييييييي
فكوني فكوني...
فكوا خلاص خلوا يمشي ...
احمد خلاص تجاني فات ما تمشي المحل هناك مسخن
احمد جرى باتجاه الانفجار وهو بنادى في ولده.وبدا يحفر ويفتش وينادى..تجاني تجاني..انت وين؟؟؟
يا جماعة شكلوا احمد راسوا فات خلاص.
ابو اميرة مشي لحقوا وقعد يفتش زيوا وينادى.
رجال الحي : الله يعوضهم كان...
فجأة كدا سمعوا..
تجاني ..تجاني ..الحمدلله كدا قوم يا ولدى الحمدلله انك حي .
حي ، يا جماعة ارح نشيل معاهم.
اي اي يلا .
قلت شنو يا موسي اميرة مالا
يا ابوي اختي مالا مالكم غاطينها كدا
دي اختي الصغيرة يا ابوى البدلع لى اولادي مالا نايمة كدا.
موسي كدا صحي البت دي العدة ما غسلتها لسا
سماح خلاص حماتك الوحيدة الحنونة ماتت
مؤيد ورؤى عمتكم البتحبكم ماتت
سماح، ياسر انا منعتك من هظار الموت دا كيف اميرة ماتت قالت لي ماشة وجاية نمشي البوتيك
هزاها انا ما بهظر في اختي الوحيدة يا سماااح اخ اه يا قلبى الاتجرح .
ياسر ، اختك صحيها العدة راجياها
اميرة البت البتحب الناس زي نفسها وعمرها ما خسرة زول ولا ضايقت زول خلاص عمرها حدوا هنا .
ام تجاني ربنا يصبرك يا سلوى ما غالية عند ربها.
وكانت مشاركاهم الحزن وما عارفة ان ولدها مع اميرة الا سمعت ليك الرجال بقولوا يا جماعة واحد يسوق العربية لاحمد عشان تجاني يلحقوا .
سيده، تجاني ؟؟
يلحقوا ماله هو كمان.
والله يا سيده تجاني دا كان مع اميرة ...
شنو شنو اسي هو وينو ولدى ؟؟
في المستشفي...
والله يا جماعة الولد دا تعبان شديد كدا زحوا ماتعملوا لي زحمة .
يا ممرضة لو سمحتي دخلي على العمليات طوالى.
حاضر دكتور..
سيده ، واااي انا وااااي ولدى الوحيد على حافة الموت.
احمد، يا سيده ما تقولى كدا ، قولى ربنا يقوموا بالسلامة.
ابن شاء الله يا سيدة ويا احمد ، تجاني ولدكم بطلع منها وبعيش بس انتوا ادعوا ليه.
بعد 3 ساعات....
احمد داك الدكتور طلع امشي على اسألوا .
اها يا دكتور الولد كيف.
والله.. كدا انت بتبقي ليه شنو.
انااا ابوه
خلاص تعال معاي .
عند الدكتور..
والله يا ابو تجاني كدا احكي لي قصة الحادث بالتفصيل.
كويس يا دكتور..كنا........................................
وجينا بيه المستشفي طوالى.
انت متاكدا دي القصة كدا
اي والله يا دكتور
طيب يا احمد
هو ولدك كويس وما لقينا فيه اي شيء خطير واسي ممكن تسوقوا وتمشي البيت.
كيف الكلام دا يا دكتور.
والله انا زاتي عاوز اعرف كيف لكن ربنا وعندو معجزاتوا.
طيب يلا دكتور.
لكن بديك ادوية كدا بسيطة عشان الصدمة ولو في وجع وكدا.
تمام يديك العافية يا دكتور.
اها يا احمد الدكتور قال ليك شنو ؟
قال الولد نصيح وممكن نشيلوا ونرجع البيت.
شنو كيف الكلام دا.
والله انا زاتي ما عارف.
تجاني ولدي.
سيدة مالك بسم الله تجاني ماله ما كويس.
لا قصدى ياهوا طلع بره وماسي على رجلينوا
تجاني؟؟؟
ابوى امي ويا جماعة خلونا نرجع البيت انا كويس خلاص.
كلهم اتخلعوا وسكتوا ساي وبعاينو ليه. وهو طالع قدامه كان ما شي عديل وكأنوا ما كان في انفجار .وكان حفيان ولابس ملابس الانفجار زاتها.
ركبوا في العربية وكانو راجعين لحي.
تجانى، اميرة طلعت قبلي من المستشفى ولا شنو؟
ماعرفوا يقولوا شنو.
واحد منهم يا تجاني اميرة بقت عند ربها.
تجاني:اها يعني ماتتت خلاص.وسكت.
والناس كلهم بقت تعاين ليه ومنتظرين ردت الفعل بس ما سمعوا شي.
فجأة..
تجاني:اميرة الغبية الضعيفة ماتت وخلتني خلتني خلتني وقام كدا يبكي بهستريا ويقول ليهم ماتت وخلتني براى كله بسببكم يعني شنو انا عشرين وهي تسعة وعشرين يعني شنو يعني شنو انا لي ما متت زيها لي اه اه
تجاني لا اله الا الله محمد رسول الله
استغفر ربك خلاص دا ربنا قدر ليكم كدا
اي ربنا قدر اسي ما معروف الدعا ليها منو تموت. عشان ما اعرسها وتكون لي يا ابوي ويا امي انتوا السبب انتوا
يا ولد يا تجاني ديل امك وابوك استغفر ...
لا لا لا لا كلكم موتوا خلونا نلحق اميرة .
امسكوا يا جماعة شكلوا مصدوم لسا.
طلع الحقنة من الكيس واديها ليه يا ادم لانك بتعرف تطعن .
سمح وينا يا احمد. ثبتوا يلا بسم الله
الحمدلله كدا نام
مسكين ياخ يا احمد كان تخلى يعرسها اميرة هادية ورضية.
احمد ياريت يا ادم ياريت لو كنت وافقت.
بعد 3 شهور...
تعالوا تعالوا اسمعوا....نشرة الاخبار.
هذا وقد اكد الباحثون بان تلك لم تكن طائرة بل كان جزء صغير من القمر قد سقط ولكن لا يزال سبب السقوط مجهول حتي الان والامر غريب ومرعب وقد...
ياجماعة كيف الكلام دا يعني اسي الوقع في اميرة الله يرحمها وتجاني.
اي قالوا كدا .
قدر من ربنا.
شوف شوف عليك الناس ديل كيف جزوا من القمر يقع...
اي والله الناس ديل كضابين وبس...
شكلهم دايرين يخوفونا بس..
اي والله...
قيتوا ربنا يهون..
يتبع.........
أنت تقرأ
اسير القمر الازرق العملاق
Randomسمعتوا عن المقولة البتقول ان الشخص اذا مات روحه بترجع تتكتب من جديد في جسم جديد لكن الروح دي بتخسر ذكرياتها القديمة، لكن البحصل شنو لو ما فقدت كل الذكريات وبقي جزء منها كيف بتكون حياتها مع الجسم الجديد في ليلة القمر الازرق العملاق؟الاحداث المتراكمة...
