اسير القمر الازرق العملاق

الفصل الثالث

صفية...
اي يا امي.
مالك قال وجهك دا اصفر كدا ، انتي عيانة يا بت.
لا يا امي والله ان كويسة وشديدة.
يابتي مالك قولى الحاصل عليك شنو؟ احكي لي انا امك يابت...
  والله يا امي انا.....
(جاء اخو صيفية جارى وقطع كلام صفية وامها)
علي: امي ...امي...تجاني جا
خلاص يا صفية اقوم اشوفه وبعدين نتحاكة .
صفية ختت يدها على صدرها وخافت زيادة وقالت في سرها الله يستر يارب دا شنو الحاصل معاي دا..
سمعت امها بتناديها صفية يا صفية..
اي يا امي..
كدي تعالى هنا ، تجاني قال عاوز يسلم عليك.
وهي في سرها، يارب
اي اي خلاص يا امي البس توبي واجي.
والله ياولدى  ما كان تتعب كدا ..
والله يا خالتى دي حاجة بسيطة ، وخصوصا وانتوا اديتوني صفية ، صفية دي غالى شديد ومهما جبت ليكم اظن ما اقدر اكفيكم ثمنها.
ربنا يحفظك ياولدى...
اهااا صفية زاتها جات، تعالى ادخلى.
صفية:تجاني كيفك وحمدلله على السلامة .
تجاني :اهلا يا صفية الله يسلمك، اخبارك شنو وكمان امك قالت لي انك عيانة اسي بقيتي كيف.؟
صفية : اي كنت تعبانة لكن اسي الحمدلله.
تجاني:هوي يابت يا صفية حاولى حافظي على نفسك عشاني لانك انتي اوكسجيني انا جادي ما بهظر ههههههههههه.
صفية، ضحكت  لكن ما من قلبها .
يا تجاني كدا لحظة اشوف على دا وارجع.
خلاص يا خالتي اتفضلي.
تجاني وصفية قاعدين هم الاتنين وصفية خافت زيادة من تجاني ، تجاني كان حاسي بصفية.
تجاني: صفية ما تخافي مني عليك الله انا ما بقدر اؤذيك.
صفية بخلعة ، كيييفين ااانا اخاف منك .
تجاني: اسمعيني كويس يا صفية ، انا بعرف انك خايفة مني بس عليك الله ما تخافي مني انا والله ما بقدر اؤذيك بس عليك الله حافظي على وما تتخلى عني مهما حصل والمحبس خلى باصبع ماتطلعي عارفه بوجعك بس اصبري على عشان انا.....
جات امي صفية داخلة ، طوالى تجاني غير النبرة وقال ليها وهو بضحك زي ما قلت ليك يا صفية مع السخانة دي ما تطلعي كتير عشان صحتك.
امي صفية: ههههه سمعتي يا صفية اسمعي كلام تجاني .
صفية اخدت تضحك معاهم وهي مخلوعة من الود دا منو ولا هو شنو ما معروف...
تجانى: يلا بعد كدا يا جماعة انا اقوم امشي .
يا تجاني يا ولدى ما كان تنتظر عمك ابو صفية يجي من الشغل.
والله يا خالتي كنت متمني الاقيه بس لسوء حظي  واسي لو ما عندي شغل كان استنيتو.
خلاص ياولدي تصل بالسلامة وربنا يحفظك ويغطيك.
امين يا خالتي ، اها يا صفية ماف حاجة حاجة حلوة تقوليها لي.
صفية:اااانا اقووول شنو ونزلت راسها تحت
ضحك تجاني وام صفية، وصفية ابتسمت.
تجاني: اه اتذكرت ياصفية (وطلع كرتونة صغيرة مغلفة وفيها وردة حمراء).هاك يا صفية تعالى جنبي هنا وما تخجلى دي هدية صغيرة ليك بمناسبة دخول الجامعة عارفها ما بتكون من مقامك بس اقبليها.
صفية: لي ما من مقامي ما تقول كدا يا تجاني الكبير رب العالمين، ومقبولة منك وشكرا ياتجاني.
العفو يا صفية .يلا استودعكم الله.
صفية وامها ، مع السلامة.
صفية جرت امها من يدها وهي فرحانة يلا يا امي خلى نشوف الهدية بتاعة تجاني دي.
براحة براحة على يابت...
صفية قعدت في السرير جمب امها واخدت تفتح فيها فجاة كدا امي امي شوفي ..شوفي
اها كدي يا صفية  دا شنو..
دا موبايل يا امي شكله حلو وغريب وكمان كبير دا مميز ياااه تجاني دا عزاني بجد...
ما بقدر انتظر  لمن اكلم صحباتي...
تكلمي صحباتك لشنو يا صفية. دا حاجة بينك وبين خطيبك .
خلاص يا امي زي ما عاوزة. يا سلام وكمان الجامعة باقي ليها اسبوعين وهانزل بالموبايل الجديد.
طيب والجابو ليك ابوك هتعملى بيه شنو؟
هاديه لعلى اخوي وانا بشيل حق خطيبي.
خلاص يابتي .
طق طق..طططقق ..طاق
شكلو دا ابوك جا، كدا اقوم افتح الباب.
اهلين يا ابو صفية  نورت بيتك.
اهلين يا ام صفية.هاكي الاكياس دي جبت ليكم الاكل جاهز عشان جيت متاخر قلت ما اتعبكم بشغل البيت .
الله يخليك يا ابو صفية.
اها صح يا فايزة اسي لاقاني تجاني وسلمت عليه .
اي اسي كان عندنا وطلع.
اهااا يا سلام ياخ ولد ممتاز ياخ.
اي وكمان جاب حجات كتير جاب فواكه وحلويات ولبسة لعلي  ولصفية اداها موبايل.
ماشاء الله ، بس ان شاء الله اكرمتو كويس.
معقولة يا ابو صفية ، نحن الكرم جارى في عروقنا العدو بنكرمو خلى الزولا معروف.
ابوي ي ي .......حمدلله على سلامتك. وحضنت صفية ابوها وباسته على راسو.
بتي الحلوة الدكتورة.
وانا يا ابوى كمان قول لي حلو.
ههه اي انت اصلا حلو يا علي.
يلا يا مضوي غير ملابسك واستحمم وتعال الغدا على بال ما افضي الاكل.
تمام يا فايزة.
يلا يا اولاد ارح ساعدوني.
صفية واخوها حاضر يا امي.
امممم ابوي جابو لينا جاهز ولا شنو يا امي.
اي يا صفية جاهز .
علي: انا حاسس انه جداد لاني بحبه.
صفية: معناها الليلة في زول هيستمتع بالاكل هههههه.
جهزوا الصينية وكل زول جلس على كرسيه في السفرة بتاعة الاكل.وماشاء الله السفرة ملانة دجاج بالرز واقاشي ولحمة مشوية وشوربة ومخلل وفول وعصير المانجو واللبن.اسرة غنية عايشة حياتها بالاستمتاع رغم انهم في حي بعيد من المدينة بس حاج مضوى شغله بالمدينة ولمن يمشي ما بنسي اولاده بجيب ليهم من الخيرات.
الحمدلله انا شبعت.
صفية:على انت ياتو يوم قاعد تشبع ههههه.
علي: ابوي شوفها اتكلم معاها.
صفية خلى اخوك.
حاضر يابا هههههه
وضحكوا كلهم مع بعض...

...عند تجاني...
امي ابوي انا جيت.
امه وابوه ساكتين ماردوا عليه.
تجاني خت الاكياس ومشي على امه وابوه ونزل على الارض وبكي وقال ليهم اعفوا لي عليك الله انتوا املى بالحياة وما عندي غيركم ولو عاوزني اموت عشان تعيشوا بسلام والله اموت واريحكم.
امه وابوه بصوت واحد ، دا كلام شنو يا تجاني.الله يهديك.
بس الليلة ماف شيء لاكل عشان كدا ماعارفين نعمل شنو ونأكلك.
معقولة يا ابوي ويا امي تعالوا معاي لبرى شوفوا انا جبت ليكم شنو .
طلعوا وهم مخلوعين وراه.
دخل تجاني وجاب الصينية وختاها في التربيزة وفتح الاكياس وملى الصينية سمك محمر  وخت عليه العيش ، وقال اكلوا يلا الليلة لازم نستمتع مع بعض .
امه وابوه، تجاني ما تكون بس...
تجاني ، اي يا امي بس ولا يهمكم خلينا نستمتع ولا شنو يا ابوي.
اي يا سعدية خلينا نفرح.
حاضر يا احمد.
تجاني ، هاا وكمان نسيت حاجة مهمة جبت معاي عصير فراولة وباسطة لتحلية.
سعدية واحمد، ما قصرت يا ولدي.
تجاني، يلا بسم الله.
امه وابوه ، بسم الله نبدأ.
وبدوا الاكل وهم مستمتعين ونسوا هم كل شيء واخدو يحكو نكات مع بعض ويضحكو.كان داك احلى عشا رجع اسرة احمد لزمن الجميل.
يا ابو انا قررت شيء وقلت اكلمت انت وامي.
اها يا تجاني ولدي قول.
قررت اعجل من زواجي من صفية.
مالك في شنو؟
انا قررت اثبت نفسي.
ابوه قام على حيلوا وامه كمان بكت ، تجاني اوعك يا ولد.
والله ياابوي مانفسكم ترتاحوا ، وانا نفسي ارتاح.
نحن كدا مرتاحين مش يا سعدية.
اي يا تجاني والله مبسوطين يا ولدي انا واحمد ما بنقدر نعيش بلاك.
تجاني كسر الحزن بضحكة وقال : يلا ابوي يلا امي امسحي دموعك وخلينا نحلى ونشرب العصير.
وبعدكم ما بخلى دموعكم تنزل انا ماياهو قاعد جنبكم اسي كدا يلا عليكم الله خلونا نستمتع.
قعدوا وبدوا ياكلوا ويشربوا ولكن بلا نفس .

                   يتبع......