تجاني...تجاني...ياود...
تجاني واقف وبعاين على امه وابو وما برد عليهم..
ياولد انا بتكلم معاك..
امك كانت بتهظر بكلامها، معليش يا ولدي امسحها لي في وجهي وخلي امك.
تجاني فجأة كدا اتغيرت ملامحه وبدا يضحك هستيري وما شي على امه وابوه. وهم كانوا خايفين منو شديد ، لمن قرب عليهم قال ليه يابوي مالك خايف كدا وانتي كمان يا امي انا بس جيت اقول ليكم خليت الحمام وعاوز اتغدا الاول ممكن واتبسم وشال ليه قطعة عجورة وطلع وخلى امه وابوه مخلوعين .
كانت سعدية بترص الكسرة على الصينية مع ملاح الخضرة المفروكة والسلطة الخضرة والشطة على صينية صغيرة كانوا اسرة فقيرة بملكوا الاكل باليوم ومرات ماف بس كان بصبروا على حالهم لانهم عارفين نفسهم هاربين فكانوا بقدروا يعيشوا في اسوأ شيء بس ما يرجعوا حلتهم.
تجاني كان بعاين لامه في سكوت لكن كانت عيونه مخيفة خلى امه تتتراجف لحدي ما رمت صحن الملاح الحار في رجله.هي خافت عليه لانها امه وجرت عليه تحضنوا هو لزاها وقال ليها قلت احسن تقتليني مش لكن افهمك انا ما بموت اسي وما عاوز اكل حاجة يمكن مسموم.
احمد مشي على سعدية وقال ليها معليش ..خلاص..بالاول والاخير بكون ولدنا الوحيد الله يصبرنا ويحل لينا المحنة دي.
......في بيت صفية.......
اه..اه..اه..بسم الله يالله يا امي ...اميييي ..تعالى...
ام وابو صفية جوا جارين ، مالك يا صفية في انصاص الليالي بتكوركي كدا ..؟؟؟
صفية ما بعرف والله بس شعرت كدا فجأة زول خانقني وما قدرت اقوم...قولى بسم الله ..كدا اقرأ لكي ايات...
واخد ابو صفية يقرأ صورة البقرة لحدى مانامت صفية وشغلوا ليها قرأن ومشوا ناموا هم كمان.
الصباح صفية مع صحباتها ...
والله يا يا بنات انا ما عارفة لكن عاوزة افسخ الخطوبة دي .
صحباتها بصووت واحد..خطوبتك من تجاني يا صفية.
صفية اي والله ما بعرف بس انا من يوم خطبني وانا بقيت ما مرتاحة وبشوف كوابيس والدبلة حقتوا دي هي صح حلوة وغالية لانه جابها لي من بره ، بس والله كل ما البسها بشعر بيها بتعصرني شديد ولكن ما بشوف كابوس وبكون مرتاحة لكن من العصرة بشعر اصبعي عاوز يتكسر والله وكانوا الولد دا مسحور والله اعلم.
منى صحبتها، ياصفية دا عادي جدا دي ربكت الخطوبة وتاني لانك ماتعرفي بس تتعودى عليه بتعيشي معاه قصة حب يا حب انتي ولا شنو يا بنات؟
اي كلامك صح يامني .
وانتي كمان يا صفية لسا ليكم شهر بس ما تفرفري زي الفار .
ما دام دا كلامكن خلاص اصبر واشوف ،صفية قالت الكلام دا وقلبها ما مرتاح.
يتبع.......
أنت تقرأ
اسير القمر الازرق العملاق
De Todoسمعتوا عن المقولة البتقول ان الشخص اذا مات روحه بترجع تتكتب من جديد في جسم جديد لكن الروح دي بتخسر ذكرياتها القديمة، لكن البحصل شنو لو ما فقدت كل الذكريات وبقي جزء منها كيف بتكون حياتها مع الجسم الجديد في ليلة القمر الازرق العملاق؟الاحداث المتراكمة...
