عهد الـكواسر ( متوقفة مؤقتاً )

pr, 3: نيران المشاعر

عهد الـكواسر

للكاتبة: مِـرسال أحمد

pr, 3: نيران المشاعر

مُمكن: تصويت، تعليق حلو و ل
طيف بين الفقرات و
... 💝🌸

"" "" "" "" "" "" "" "" "" ""

مرت فترة قليلة على الصار آخر مرة
باوعت للمرايا اشوف علامات الغرور تتجسد ملامحي
السلطة الإمتلكتها خلتني برسالة وحدة اطلع من مصيبة

أجاني خبر موت الگاطع لكل مغرور يكسر غرورة الموت
و لكل قاتل يتبشر بالقتل..

استقريت وحدي هل فترة بشقة
شعور الوحدة يخنگني و يرجع لي ذكرياتي البائسة ...
لذالك اني كاعدة بحديقة متونسة وحدي
بدون عائلة بدون اصدقاء بدون أحد بس وي نفسي

قربت العصير لشفايفي لـ اباوعلة متعجبة
كعد على الكرسي گبالي گال:
_ ليش سويتي هيج؟ ما همج سمعتي؟

حركت اكتافي بمعنى لا

كمل:
_ ما أهتميتي من دمرتي عائلة كاملة؟
دمرتي تبارك و اخلاص و امهن من ضربتيهن
  بـ سمعتهن؟
دمرتي عمامج من سجنتيهم و حكمهم سنين؟
ماهمج سمعة الولد؟ ما هتميتي بمستقبلهم؟
ليش سويتي هيج؟

رديت ببرود تحت ثورة غضبة:
_ سويت الما گدرت تسوي اخذت ثأرها!

لا تنسى هم أذوها و حرگوها حست بالوجع بسببهن شوهن جمالها، اندفنت بين التراب و ما همهن اجي اني اهتم.؟

يستاهلن...  ما تذكر من اتهمني أخلاص و تبارك
بشي اني ما سويتة؟
ما تذكر الولد المهتم بيهم شسوو بيه؟
لو التسميهم عمامي شلون ﺟـاي يضربوني و يأذوني؟
، بدال ما اعيش حالي حال البنات اني كل يوم انضرب و اتأذى، كل يوم أثر بجسمي كل يوم اهانة كل يوم تحرش..

حجه بوهن:
_ ما جانو يستاهلون...!

_ لا يستاهلون قتلو المرة الحبيتها و دفنوها!،
هم سوو هاي الشخصية و هم يتحملون شسوت بيهم..

وگف على حيلة يباوعلي بطرف عينة:
_ خليها ببالج حنين ما راضية عليج و لا على تصرفاتج.!

عرف شلون يأذيني و يضرب گلبي و يوجعه.
عافني آكل بروحي
مر الوقت فرغ المكان من الناس لأن تأخر الوقت..
و بقيت وحدي
ما عضيت اصبعي ندم على تصرفي
لا... عضيت گلبي من الندم الصابني..