هلوو حبايب شلونكم حبيبيني ان شاء الله بخير
نبدي بالقصة ان شاء الله تعجبكم القصة والسرد
★★★★★★★★★★★★★★★★★★
بمرة چنت نايمة والا اسمع امي تصحيني علمود اروح للمدرسة گمت سبحت على السريع وفرشت اسناني وغسلت وجهي وطلعت
حضرت الجدول وبدلت ملابس المدرسة واخذت الجنطة ونزلت ....
تريكت وخلصت وطلعت ضليت امشي لحد مّوصلت للمدرسة وما اسولفلكم شگد انسمطت بالشمس، وصلت لباب المدرسة وشفت سُندُس صديقتي
شَمس: سُندُس سُندُس
سُندُس: لچ هلا شّمس شلونچ حُب
شَمس: والله زينه انتِ شلونچ شعجب نقلتوا هنا
سُندُس: چا غير مدرستنة طايحة حظها تلعب ستين نفس واخويَّ ما رضه وچان يدور مدرسة وگتله اريد اروح لَـ مدرسة ***** بيها صديقتي ووافق
شَمس: اي والله احسن شي سويتي ، شني حنضل بالباب تعالي خلي ندخل لصفنا ، صدگ انتِ يا صف؟
سُندُس: اني صف ثاني
شَمس: اها لا انا ثالث
سُندُس: ياا حرامات يلا عادي عود ردت نكون اني وياچ بنفس الصف
شَمس: بعد شنسوي ، ودخلت الصفي وسُندُس راحت الصفها وهيچ كملنة وخلصنا كُل المواد وطلعنا وتلاگينا بالساحة.
سُندُس: اخخخ يمهه هلكتت اريد انامم
شَمس: خاب دنجبي وين تنامين، صدگ انتِ منو يجي عليچ؟
سُندُس: اني يجي عليَّ اخويَّ حازم
شَمس: اهاا عندچ اخو حلو
سُندُس: اي عندي اخو بس شلونَّ خطير بعلي
شَمس: ليش توم كروز مثلاً
واجا صوت من وراهم
حازم: واحسن من توم كروز انتِ منو حتى هيچ تقارنيني ما تعرفين انا منو
شَمس: هههاايي ومنو انتَ حتى ما اقارن بيك شنو انتَ الحلبوسي ههههاااايييي
سُندُس بصوت ناصي: لچ سكتي لا يدفنچ بمكانچ
شَمس: ههههه منو يدفني ابتر ايدة الي يرفع ايدة علي!!
حازم: اني الضابط حازم ***
شمس بصدمة: چذابب معقولة انتَ ابن اكبر رجال الاعمال المشهور ***
حازم: ههههههه ايي اني بشحمي ولحمي شوفي انتِ ندگيتي ويامن ههههع
شَمس: اسفة بالعظيم بعد ما تتكرر
سُندُس: لچ شسويتيي يبووو
شَمس: بت العسل غير تگليلي رفعت ايدي وغميتها بنص وجها من كون غمة التغمج غم ياغمة
شَمس: هسة انا شسويي وين اروح من هاي الورطة 🙂
ورحت للبيت وتلگتني امي صعدت حطيت الجنجة وسبحت وبدلت ملابسي ونزلت لگيت امي تصب غدا
شَمس: يمهعععع جعتتتت
خميسة: وجعا وغمة هسة مداتشوفيني داصب غدا انجبي وگعدي
شمس: ترا يمهه ما يصير هيچ الثالث صعبب شدعوة هيچ ولو تشوفين المُعلماتت يبوو مصعباتها ينطنا مواد تشيب الراس
خميسة: يلا يمة مَيخالف انتِ گدها واكيد راح تنچحين وتخلصين يبعد امش وشمرتلي بوسة بالهوى.
شَمس: شسويتي غدة يست الحبايب يَحبيبة؟؟
خميسة: لگيت دجاجة بالمُجمدة وطلعتها سويتها
شَمس: عاشت ايدچ، وگعدنا نتغدة بين السوالف والضحك وما ادري هاي اخير مرا راح اضحك واسولف وياها !!!!...
بعد مرور فترة …
شمس: احححح شبعتت
خميسة: بالعافية يگلبي يلا گومي غسلي وروحي نامي علمود تگعدين تدرسين
شَمس : چا والماعين؟
خميسة: مالچ غرض بيهن سوي مثل ما گتلچ
شمس: خوش يوم، صعدت الغرفتي صحيح احنا بيتنا شوي صغير مُجرد غرفتين ومطببخ وحمام واستقبال صغير بس بي حنان وطيبة ابوي شاف امي بالجامعه وعجبته بس جدي ما رضا يتزوجها لإن مو من طبقتهم المخملية وچان رافض رفض قطعي لحد ما تزوجوا بالسر بس جدي عرف واني بكتها عمري ٥ سنوات وخلى ابوي يطلك امي ويعوفها وصدگ عافنا وراح وراح تزوج بت عمة سُمية وهسة عدها ٣ اطفال ثنين بنات توأم ولد واحد.
صعدت ذبيت نفسي على السرير وغطيت بالنوم.
كعدت الساعة ٥ صحصحت وسويت فواكه وكعدت ادرس ومرت اربع ساعات واني ادرس ضهري تكسر گمت سبحت ومشطت شعري وحطيت لب قلوس ونزلت ساعدت امي بالعشة والترتيب الى ان خلصنا وتعشينا ونمنا
والى هيج مرت الايام نفس الروتين لحد بيوم صار شي غير متوقع !…
يا ترا شصار وليش شَمس گالت اخر ضحكة وسالوفة وليش بعد متشوف امها توقعاتكم للبارت
دمتم سالمين
