"ခွန်းသုတရေ၊ ခွန်းသုတ ကျောင်းသွားရမယ်မဟုတ်လား၊ ထတော့ သေနာလေးရဲ့၊ တတိယတန်းတောင်ရောက်နေပီ၊ ကျောင်းသွားရမယ့်အချိန် နပ်မမှန်သေး "
ခွန်းသုတဘ၀မှာ ကျောင်းသွားခြင်းဆိုသည့် အရာကို အလွန်ကြောက်ရွံ့တာလေ၊ တစ်နေ့တစ်နေ့ စာလုပ်ရ၊ စာလုပ်ရနဲ့ လူရုပ်မပေါက်ချင်တော့ဘူး၊ တတိယတန်းကြောင့် တော်သေးသည် ပြောရမယ်လေ၊ နောက်နှစ်ဆို အစိုးရစာမေးပွဲဖြေရအုံးမည်မဟုတ်လား။
ဒီဘ၀၊ ဒီနွံထဲကထွက်ရအောင် ဘလိုကြိုးစားရမယ် စဉ်းစားရင်း ကျောင်းသွား၊စာလုပ်ရမယ့် အသိုက်အမြုံက မလွတ်ကျွတ်နိုင်ဖြစ်နေလေရဲ့
" သားထပီအမေရယ်၊ နည်းနည်းလေးပဲ အိပ်ရသေးတယ်၊ တကတည်း အဖေကအမေ ဒီလောက်ပွစိစိပြောနိုင်တာ ဘလိုစိတ်နဲ့ယူထားတယ် မသိဘူးတော် "
" ဟယ် ကြားလို့မှ ကောင်းသေးရဲ့လား အရပ်ကတို့ရယ်၊ နင့်အဖေနဲ့ငါယူထားလို့ ဒီအရွယ်ရောက်လာတယ်မှတ်၊ နောက်ထပ်ပြောရင် ကြိမ်လုံးစာမိပီမှတ်ထားတော့ "
"ဟီးးးးးစတာ စတာ၊ မျက်နှာသစ်ပီးတာနဲ့ ကျောင်းသွားပီ "
" ဟဲ့! ဒါနဲ့ သိုက်လက်ရာလေး ဒီနေ့ကျောင်းသွားဖို့ လာမခေါ်ဘူးရော "
သိုက်လက်ရာဆိုတာက ကျွန်တော်နဲ့ နှပ်ချီးတွဲလောင်း အရွယ်ကတည်းက ဒိုးတူဘောင်ဖက် တွဲလာတဲ့ငယ်သူငယ်ချင်း အရင်းကြီးတွေလေ
" အ့ကောင်က မနေ့ကကျောင်းနောက်ကျမယ်ပြောသွားတယ်၊ သားကိုရှေ့က သွားနှင့်လေတဲ့ "
" အေးပါအေ၊ မနက်စာစားပီး ဂရုစိုက်ပီးသွားကျောင်းကို "
" ဟုတ်၊ ပွစိစိအမေကြီး "
"ဟဲ့! သေနာ၊ မသာလေး၊ ငရဲအိုးထဲ ဇောက်ထိုးကျမယ့်ကောင် "
မကြားအောင်ပြောတာကိုတောင် အမေဒေါ်မြသန်း ကြားဖြစ်အောင်ကြားပါလေရဲ့
" အမေ၊ ကျောင်းပိတ်အောင်ပါ ထည့်ဆုတောင်းပေး၊ အမေဆုတောင်းတွေက အရမ်းပြည့်တတ်လို့ "
ခွန်းသုတရဲ့ အဖြစ်ချင်ဆုံးဆန္ဒပိစိလေးက ကျောင်းမဖွင့်နိုင်အောင် ပိတ်စေချင်တာပဲ
" ဆုတောင်းပေးလိုက်ပါတယ်တော်၊ စနေ၊တနင်္ဂနွေတောင် ကျောင်းမပိတ်ပါစေနဲ့အေ "
အမေရဲ့ဆုတောင်းလေးသာ ပြည့်ရရင်တော့ ကျောင်းမတက်ပဲ လမ်းသွားခွက်ဆွဲ တောင်းစားတော့မယ် ဟီးးးးး၊ စိတ်ထဲကပဲပြောရဲတယ်၊ အမေသာကြားရင်တော့ ပြောလိုက်မယ့်စကားလုံးတိုင်းနဲ့ ဖိသတ်ရင်တောင် ခွန်းသုတဆိုတဲ့ ကျွန်တော်က ပိပြားပီးသတ်စရာမလိုပဲ သေလောက်တယ်
" ဆုတောင်လေး လွဲချော်ပါစေအမေရေ၊ သား ကျောင်းသွားဖို့ပြင်ပီ တာ့တာ့ "
ကျောင်းကိုသွားရမယ့်အစား ကစားကွင်းတွေဘာတွေ သွားရမယ်ဆို နှိုးစရာမလိုအောင် နိုးနေမှာပေါ့၊ ခုကတော့ ပျော်စရာမရှိတဲ့ လောကစီသို့ အသစ်တစ်ဖန်ထပ်သွားရပီလေ၊ ကျောင်းမှားလည်း သူငယ်ချင်းဆိုလို့ သိုက်လက်ရာပဲရှိတာ
ကျန်တဲ့သူတွေက ကျွန်တော့်ကိုချေမိုးကြတယ်လို့ ထင်ကြတယ်၊ ကျွန်တော်ကလည်း ကျွန်တော်ပဲလေ၊ ကျန်တဲ့သူတွေနဲ့ဆို ရောနှောပီး မနေတတ်ဘူး၊ သိုက်လက်ရာကလည်း သူနဲ့ပဲခေါ်တာ သဘောတွေ့နေတဲ့ပုံ၊ အ့တာလည်းကောင်းပါတယ်၊ တစ်ခုခုဆို သူ့ကိုအားကိုရတာပဲ
" ခွန်းသုတ၊ မင်းကျောင်းအဆောကြီးရောက်မယ်ထင်နေတာ၊ နောက်ကျမယ်ပြောတဲ့ ငါတောင် အရှေ့ကကြိုရောက်နေသေးတယ် "
" ဟုတ်တယ် သိုက်ရာ၊ အိမ်ကမာတာမိခင်ကြီး ဩဝါဒတရားချွေနေတာ နားထောင်ရင်း နောက်ကျကုန်တာ "
" အေးအေး၊ မနေ့က သုတစာတွေနောက်ကျထားတယ်မလား၊ အ့တာသိုက်ကူးပေးမယ် အားနေတာနဲ့ "
" ဟီးးးးးအ့ကြောင့် ဘေဘီသိုက်လေးကို ချစ်နေရတာ "
ရိုးရိုးသားသားအချစ်ဆိုရင် မင်းဆီက မလိုချင်ဘူး ခွန်းသုတရာ၊ ငါ့မသိစိတ်တိုင်းကို မင်းက လွှမ်းမိုးလွန်းနေပီ
" ဒီကပိုချစ်ရပါတယ်၊ ကူးပေးမယ်နော် စာအုပ်ပေး "
ခွန်းသုတ၊ ငါဆိုတဲ့ သိုက်လက်ရာကလေ မင်းစေစားရာ အရုပ်လေးပဲဖြစ်ချင်တာ၊ လိုအပ်တဲ့ အရာတိုင်းအတွက် ငါ့ကိုသုံးနော်၊ မလိုတော့ရင် အမှိုက်စတစ်ခုလို စွန့်ပစ်ရင်တောင် ငါကျေနပ်ရပါတယ်
YOU ARE READING
မောင့်လပြည့်၀န်း
Non-Fictionစိတ်ကူးယဉ်ဇာတ်လမ်းတစ်ခုသာဖြစ်၍ မည်သူတစ်ဦးတစ်ယောက်ကိုမှ ထိခိုက်လိုခြင်းအလျင်းမရှိပါ
