بسم الله الرحمن الرحيم نبدا روايتنا الاولى واتمنى انكم تدعموني وتعجبكم الروايه
نوره: يلا تكفين بسرعه بنتأخر
حنان: بسرعه وقسم ابوي وعمي يهاوشونها عجلوا
عائشه: بنروح نصلي صلاه العيد صح
سلمى: اكيد
عائشه: طيب على السريع بروح اشوف مهنى
نوره: عيوش تكفين لاتورطينا
عائشه: والله بسرعه واجي
شوق: ياغبيه بتصير ريحتك كلها ناقه
عائشه: انطمي بروح اشوفهم
سلمى: يلا اعجلي
راحت عائشه وناظرت نوره بيان: بيان عطيني العطر هاذا
بيان: خذي
مدته لها بيان واخذته نوره وتعطرت به: يلا انا بلبس عبايتي ونقابي وبطلع قبلكم
ليان: بجي معك خالصه انا
نوره: يلا امشي
ناظرت ابوها وعمها بعيد عند السيارات ولفت لمهنى اللي واقفه بعيد نزلت بفستانها الاصفر تركض لمهنى قربت مهنى لها من عرفتها
عائشه: يالبى هالشوفه
قعدت تلمس فيها ومبتسمه: شخبارك ، طيبه ، اسمعي ماعليك مانسيتك اول مانرجع من الجامع اجيك على طول
ابتسمت لها ومشت تاركتها وراحت عند البنات: جيت
حنان: قربي
قربت منها عائشه: وش
رفعت يدها حنان وقعدت تروشها بالعطر الثابت: ريحتك كلها ناقه
عائشه: ماعليك اول ما ارجع من الجامع بروح عندها
شوق: ماتتوبين
عائشه: كيف تبيني اتوب وهي مهنى قلبي
بيان: لك الحمد والشكر
دخلت عليهم نوره: يلا وربي عمي يهاوش
سلمى: يلا خلصنا
ناظرت سلمى روان وكملت: روان جيبي جوالي وشنطتي بسرعه
هزت راسها روان وراحت تجيبهم
نزلوا البنات قبل نوره بيان
بيان: يلا امشي
نوره: اسبقيني جايتك
بيان: يلا لاتطولين
هزت راسها نوره وراحت بيان تاركتها
نزلت نوره من الغرفه ومشت نازله من الدرج الا وتصدم بخالد وتطيح مسكها خالد من خصرها وقومها وناظر فستانها الوردي الي باين من طرف عبايتها: بسم الله عليك بيان قومي ، وقفلي عبايتك زين
ماردت عليه نوره وخرت يده عنها ومشت تركض بكعبها
ركبت السياره وناظرت بيان اللي جنبها ونطقت بيان: شفيك نفسك مو طبيعي
نوره حاولت تهدي نفسها وتنسى اللي صار: ولا شي
بيان: اهدي اهدي
وخرت نظرها نوره عن بيان وناظرت عمها ابو سعود اللي نطق:
يلا يا خالد اعجل
ناظرت بيان: مين خالد
بيان: اخوي
نوره: كم اخو عندك انتي
بيان: اثنين سعود وخالد
نوره: اها اوكيه
ام سعود: يلا يابنات انزلوا
ابو نوره: اتركيهم يعرفون ينزلون
ام سعود: زحمه راح يضيعون
ابو نوره: بزارين هم اتركيهم
ليان: ماما خلاص روحي مع عمتي مانبي مشاكل زياده
مشت ام سعود تاركتهم رايحه لام رائد
نوره: بنات وين اروح انا
شوق: وين يعني نصلي
نوره: بس ما اقدر ماتشوفين حاطه مناكير
حنان: ايه انا بعد شوفي حاطه زيتي
سلمى: اجل اجلسوا على الكراسي ذيك
نوره: يلا مشينا
مشوا البنات وحنان ونوره جلسوا على الكراسي والبنات الباقي بدو يصلون مع الحريم
ناظرت نوره حنان: يابنت ابغا مويا
حنان: اتوقع مافي
نوره: طيب شوفي واحد من العيال انا ما اعرفهم
حنان: ما اعرفهم انا بعد
نوره: واخوانك
حنان: ايه خالد هاذاك بروح اشوفه
قامت حنان وناظرتها نوره رايحه لخالد دققت في ملامحه الى ماعرفته
نوره: اما عاد لايكون هو غمضت عيونها شوي شوي تدقق بملامحه
: الا والله هو ، يعني انت خالد
حنان: خالد نبي مويا انا ونوره من فين؟
خالد: من نوره؟
حنان: بنت عمي
خالد: خلاص ارجعي انا اجيب مويا بس وين جالسين انتم؟
اشرت حنان على مكانهم: هاذاك
هز راسه سعود ومشت حنان تاركته
ناظرتها نوره جايه: هاه وش قال؟
حنان: بيجيب لنا
نوره: زين والله بموت عطش
