نوره: بنات تعشيتوا
شوق: لا
بيان: لا ماتعشينا
حنان: اصبري ادق على خالد
مسكت جوالها حنان واتصلت على خالد ورد عليها: هلا
حنان: انت وين؟
خالد: بالمطعم ليه؟
نوره: عطيني
اخذت نوره الجوال من حنان ونطقت: خالد اسمع انت بالمطعم صح
خالد: ايه
نوره: تكفى جيب مضغوط من زمان ما اكلته
خالد: ابشري تبين شي ثاني
نوره ابتسمت: ابد سلامتك ، اسمع العيال تعشوا؟
خالد: كلهم ماتعشوا
نوره: اجل تمام بنتعشى سوا بالمكان الي قال عنه سلطان
خالد: خذوا راحتكم انا شوي واجي
نوره: تمام
قفلت المكالمه ومدت الجوال لحنان: راح يجيب مضغوط
ليان: الله عاد من زمان ما اكلته
نوره: بنات تعالوا نروح عند العيال حتى هم ماتعشوا وبنروح للمكان الي قال عنه سلطان
بيان: وش من مكان
نوره: بتعرفينه بعدين
قاموا البنات كلهم ونطقت شوق: بنات اجيب الكيرم والاونو نلعب هناك
حنان: تم يلا والله نفلها
نزلوا كلهم برا وراحوا الملحق الي فيه العيال
دخلت عائشه اول وحده ونطقت بصوت جمهوري: هاي
سلطان: هلابك شبغيتوا
حنان: يلا قوموا كلكم
متعب: ليه وش صاير
شوق: بنسهر اليوم وبنتعشى سوا
وليد: في فعاليات؟
شوق: ايه جبت كيرم واونو
عبدالله: اوه عاد جوي الاونو
سعود: يلا امشوا
عائشه: رايد وين
متعب: نايم ببيته احسن لايجي
في طريقهم وقفت عائشه والتفت سعود من وقفت: علامك؟
عائشه حطت اصبعها على فمها(🤫) وهمست: سعود تعال معاي لمهنى
سعود: وش تبين فيها بهاذا الوقت
عائشه: بس بسلم عليها
ضحك سعود ومشى معها لمهنى
قربت عائشه من مهنى وقعدت تلمسها وتبوسها
ناظرها سعود كيف تمسح عليها: الحين ماتخافين
عائشه: تبي بنت هاشم تخاف؟
سعود: ونعم يلا تعالي سبقونا ذولي
عائشه: خلهم
سعود: صدق يوم كنا هنا مع العيال ليه قلتي نخلي السهره بعد عرسنا؟
عائشه: لان ما ابي اكون بعيده عنك بالجلسة يعني تقدر تمسك يدي
سعود: وغيره
عائشه ابتسمت: فهمت مقصدي صح؟
هز راسه ونطق: قريب تجربين
عائشه: يلا نمشي
سعود: تعالي
ناظرته فاتح لها يده وابتسمت ورفعت يدها تمسك يده
ابتسم من حس بنعومه يدها وكيف تشد على يده
وخرت عنه من وصلوا للجلسه وجلسوا بجانب بعض
نوره: وين كنتوا
عائشه: عند مهنى
نوره: اهاه
ناظرت حنان وكملت: متى بيجي خالد
حنان: ما ادري
نزل خالد من السياره ودخل للملحق ولا لقى العيال وتذكر ان نوره قالت له راح يروحون للجسله
مشى ومعه اكياس المضغوط والعصير ناظرهم جالسين على الجلسه ويسولفون ويضحكون
خالد: جيت
وقفت نوره واتجهت له ومسكت يده: اجلس ترا بناكل وبعدها بنلعب
خالد: تلعبون وش
نوره: كيرم او اونو
سعود: يلا طلعوا السفره
طلعت ليان السفره وفرشتها وحط خالد الصحن الي فيه الرز على السفره
نوره: وين الدجاج
خالد: هاذا
نوره: يالبيييه!!
ضحكوا عليها وسمو بالله وبدو ياكلون
بيان: عبدالله عطني اللبن الي عندك
مد لها عبدالله اللبن: هاك
بيان: شكراً
عبدالله ابتسم: العفو
