#_قمر_بني_تغُلب
بـ قلمي: #قمر_الحمدان
---------------------
:ما زال صوتك في ثنايا مسمعي
والخوف في صدري يفتت أضلاعي"
قـمـر.... صرت أرجف وسادة أذاني ماتخيلت يوكف الضرب وكلنا ركضنا لـ علي....
شفناه كاعد هادئ ولام رجليه لصدره ومخلي أدينه على أذاناته ركضتله حضنته وأجت امه حضنته وتبجي كلنا نرجف من الخوف عبالنا صارله شي
أجة داغـر كومه كـال;
داغـر.... شو كوم خلي اشوف بيك شي
داهـر.... ول ماكاعد تشوف مابيه شي
داغـر.... بلكي مزروف واحنا ماندري
قـمـر.... جنا كلنا الدموع على خدنا بس حجاها داغـر الكل ضحك ورجعنا نزلنا جوا نكمل نومتنا
داغـر.... يلا يمعودين خل نام ورانا غدوية من وقت
أيـڤ.... ولايستقر يريدله غدوية من وقت
قـمـر.... نزلوا كلهم وأم علي أخذت أبنها شربته مي ونيمته يمها وأني هم رجعت نمت كعددت على صوتهم وهمَ كاعدين يحضرون كتلها لـ أيڤ;
- وين رايحين أم علي وأم أحمد
- رايحين نخبز لأن ماكو خبز
- انتِ هم ترحين؟
- أي أروح
- لعد انيهم أروح
- لأ قـمـر دنروح نخبز أبيت مكشوف ومو أمان
- لعد ما انتِ دترحين
- قـمـر اختي كاافي امشي اكعدي يم جدو لحد مانكمل
قـمـر.... حضرو وكملوا وراحوا طلعوا يخبزون أبيت الي شوية قريب علينا لأن بيه تنور طين تأخروا شوية وبديت أبجي وخايفة عليهم اريد أيـڤ
حجي داهـر.... بنتي قـمـر هسه يجون بعدين عمج كلشوي رايح يشوفهم ويجي هسه بس يجي اكله روح وديها تشوف أيـڤ بس ترجعين مو تضلين؟
قـمـر.... تمام ما أضل بس أطمن عليهم حجيتها ودخل عمي جدي كالـه;
- ودي قـمـر لـ أختها تشوفها وترجع
- محد ماكو هناك ولا واحد بس همَ
- حتلو هيَ تريد تشوفها
- ياب افهمني هسه بس أخذها كلهم يريدون يجون
- كتلك وديهاااا يعنيي وديهاااا والي يجي وياك أكسر أعظامه
قـمـر.... حجاها وعدلت شعري ولبست نعالي وطلعت ويا عمي وصلت للبيت دخلني عمي شفتهم جاي يخبزون ركضت لـ أيـڤ حضنتها حيل
أيـڤ.... شجابج
قـمـر.... أجيت
أيـڤ.... وليش مو كتلج مكان مو أمان
أنت تقرأ
قمر بني تغُلب
Randomأتسائلَ هَل أنا حَقًا أنا ؟ أعيشُ عَجوزاً في عُمر مُراهِق ، أختلف عَن أبنَاءَ جيلي إختِلاف تام تفكيري مُختلف عَن تفكيرهم بِمراحِل أقوَالي وأفعالي ليسَت بِمثِل أقوالهم وأفعالهم لا أعلمُ لمَاذا لَكن " أشعرُ أنني ولدتُ بزَمن لا يليقُ بي " اسمي غر...
