قمر بني تغُلب

البارت 3

#_قمر_بني_تغُلب

بـ قلمي: #قمر_الحمدان

-------------------------

الله أنطاني القوة ومشيت شوية وكلشوي أعثر من خوفي أمشي واباوع يمين ويسار طلعت لفوك شفت منظر الغرفة.....

شفت الغرفة كلها مكسرة زجاجها والأغراض والتحُفيات واكعات ومكسرات ومنظر يخوف
باوعت للأهل عيطت بأعلى صوتي

- كوموووو...صرت أبجي فزوا خايفين أجتني أيـڤ تركض

أيـڤ.... شبيج شكو شكو صارلج شي

قـمـر.... ماكدر أحجي لحد هسه خوفة بداخلي احجي حرف اغص بحرف ثاني أشرلها للغرفة وأرجف

عمو إبراهيم.... شكو بنتي شصار

قـمـر.... غاصة بالكلام ولحد هسه أباوع للغرفة ومنظرها وأبجي ومستغربة شون الأهل ما متأذين
كُلهم جانوا النومة بعينهم وبس يباوعولي

غيث.... ياب صاير أنفجار قوي

قـمـر.... واخيراً أحد حجة لأن جنت مكدر أنطق بس أرجف گلبي صار يوجعني وأرجف لا أرادياً

عمو أبراهيم.... شون صار كل هذا القصف وأحنا ماحسينا

قـمـر.... شوية وهدأت ووكفت رجفتي وركضت
لـ أيـڤ أصيح عليها واضربها احجي وياها وهيَ ساكتة مصدومة

- شوون تتركيني شووون

أيـڤ.... كلتت ماريد أكعدها خليها نايمة

قـمـر.... و ولج أيـڤ مو كلكم مو كلكم تتركوني

أيـڤ.... قـمـر والله كعدنا ميتين حر وطلعنا نمنا فوك

قـمـر.... عساكم أتاذيتوو بالقصف

حجي داهـر.... جيبولها مي خاايفة

قـمـر.... صرت اااحجي وأصرخ عليهم كُلهم بدون وعي من خوفتي الي خفتها ومن خوفتي عليهم

داهـر.... قـمـر باعي احنا ما تأذينا وانتِ هم باعي حالياً أنتِ يمنا

قـمـر.... هدأت شوية وكُلهم استوعبوا المنظر الي همَ بيه وشلون صار هيج أنفجار قوي ومحد حس وأتاذئ وهمَ الغرفة الي نايمين بيها أطل على الحديقة

حجي داهـر.... الحمدلله والشكر ياربي كلنا بخير

قـمـر.... أخزرهم كُلهم وبنفس الوقت خاايفة عليهم مو بأيدي هذا الشي من خلقت على الدنيا أخاف من الوحدة والظلام والأهم اذا أشوف مكان مامتواجدين بيه جدي واخواني وزوجة عمي ابجي واخاف وتبقى بية ما أنساها صاحني جدو للسرداب رحت نزلت وياه أشرلي أكعد كعددت بصفه وكــال;

اولاً.. صياحج على الكل جان عيب بحقهم

ثانياً.. اعتذري من أختج لأن مديتي أيدج عليها

ثالثاً.. ماكو شخص مايخاف وينرعب بس الا أنتِ من صغرج قوية ومتخافين ولحد هسه راح تصيرين بصف أول بس بنظري بنية جبيرة واعية وفاهمة وقوية