#قمر_بني_تغُلب
بـ قلمي: #قمر_الحمدان
--------------------------
قــمــر.... طلعت زوجة عمي تركضلنا وتصيح وتكول;
أم علي.... رجال جاي علية بس لمن شافني مصلخة أستحى والتفت لغير جهة
قـمـر... حجتها وسمعنا صوت أغاني كُلنا التفتنا صوت أغاني الجيش العراقي
أم غيث.... لحد يفرح ويطلع صدكوا فخ هذا من الدوا*عش
أم علي... اي والله هاي طريقتهم الي يكتلون بيها الناس الأبرياء
داغـر.... روحي جيبي البااس مال جدج الأبيض درفعه أشوف جيش لو لأ
أيـڤ... ول أكعد أستر علية ماناقصني يگتلوك
داغـر.... دنجبي هوَ شني جباان مثل أخوج حتى ماأرفع راية بيضة
داهـر.... هسه أني شجابني بالنص
قـمـر.... رحنا كُلنا تقربنا يم جامة أطل على الشارع وشفنا نرفع العلم العراقي والأغاني كاعد يرتفع صوتها
أم علي.... أتحررنا
قـمـر.... حجتها بغصة وتعب وأيدها على گلبها وكُلهم يدعون
أم غيث.... ياررب يكون فعلاً الجيش العراقي
قـمـر.... حجتها وباوعنا الجيش جاي ألنا من الفرحة كُلهم أنجمعوا سوا و واحد حضن الثاني وهوسة وأباوع لخالة هيفاء تبجي وتحضن بـ أيـڤ وعمة أم علي
داغـر.... أروح أسلم عليهم وأجي
أيـڤ.... بس تعاال هسه لاتسوي نفسك رجاال
أم علي... خلي كُلهم يروحون هذوا هذا الجيش مو دواع*ش مايحتاج نخاف
قـمـر.... طلعوا الشباب على الجيش والنسوان بعدهم يكمزون و وحدة كاعدة تسجد والثانية تبجي وأيـڤ مامصدكة تطلع بخير وسلامة وتشوف خطيبها
أيـڤ.... خالة فدوة سمعينا هلهولة
قـمـر.... حجتها وخالة هيفاء ماجذبت خبر رادت تهلهل بس ماطلعت وكعت من طولها تبجي كُلنا ركضنالها
أم علي.... أم غيث أستهدي بالرحمَن أتحررنا جان هسه تهلهلين مو تبجين
أم غيث.... والله مو بيدي تعبت نفسيتنا وبس ردت أشوف أهلي أبتعدت عنهم فترة طويلة كلش
أيـڤ.... دسمعينا هلهولة عاااد
قـمـر.... مسكتها خالة تبوسها وتهلهل وأني مجمدة صافنة مامستوعبة شجااي يصير شافتني أيـڤ وأجت علية
أيـڤ.... قـمـر شبيج بنتي
قـمـر.... مابيه شي
أيـڤ.... بسم الله شو لاضحكة لا أبتسامة لافرحة
خالة هيفاء.... أتركيهااا البنية ممصدكة خطية
أم علي.... هههه أي خطية
أنت تقرأ
قمر بني تغُلب
Randomأتسائلَ هَل أنا حَقًا أنا ؟ أعيشُ عَجوزاً في عُمر مُراهِق ، أختلف عَن أبنَاءَ جيلي إختِلاف تام تفكيري مُختلف عَن تفكيرهم بِمراحِل أقوَالي وأفعالي ليسَت بِمثِل أقوالهم وأفعالهم لا أعلمُ لمَاذا لَكن " أشعرُ أنني ولدتُ بزَمن لا يليقُ بي " اسمي غر...
