💙✨ المغوار ✨💙
💙✨ بقلمي :- الكاتب أطلس ✨💙
💙✨ ATLAS_1995 ✨💙
لاتنسون التفاعل والتعليق بين الفقرات 🔥
خاف اموت ولسه ما طايبلي خاطر.
وخاف اموت وجبت عمري شامر أحلامي على باجر.
✨_______________✨
التفتنه على رتل الجيش الي دخلو للأنبار.
الكل فرح بيهم وطلعو من البيوت ويدحكون عليهم.
ومتوقعين التنظيم يوم يومين ويطيحون بأيد الجيش.
ويرجع الوضع مثل قبل وتهدأ الأمور.
بعدنه بوكفتنه نعاين عليهم.
وما هجسنه غير الطلق صار مثل المطر فوكانه.
عاينت بتجاه الشارع العام اريد اعرف شكو.
وتفاجئت من شفت اربع سيارات لدواعش.
اجوي بكل سرعتهم متوجهين على رتل الجيش.
و يرمون عليهم رمي عشوائي.
الكل انخبصو و يعيطون ركضو لداخل بيوتهم يحتمون من الطلق.
ضليت بوكفتي ما مستوعب شنو يصير وبس الهوسه ترن بأذني.
من بين الأصوات كلها وعياط الناس سمعت صوت امي تعيط بأسمي.
شهلاء :- ذياب !
التفتت عليها وفتحت عيوني بصدمة من دحكتها تنزف !
وطاحت طلقة بگتفها ثواني مرت بعدني ما مستوعب شنو يصير.
وجمد الدم بيه من وكعت بحضن ابوي اغمى عليها.
ابوي من دحكها فقدت تخبل صار يضرب على خدودها بقوة.
يريدها تصحه ويعيط ويصيح.
من الصدمة والخوف وتفكيري على امي لا يصير بيها شي.
بالكوه يلا كدرت اتحرك واركض بتجاهم اول ما وصلت يمهم.
كعدت ركبة ونص وأعاين عليها مديت إيدي تلمست أيدها.
وعطت بصوت عالي.
أنت تقرأ
المغوار
Mystery / Thrillerمقاتل شديد المِراس يقتحم المخاطر. بدون تردد غير هياب للموت. لقب ببطل مغاوير الجيش. تصبح له مهمة وسط تنظيم داعش. ماذا سيحصل مع المغوار ؟!
