المغوار

PART 15

💙✨ المغوار ✨💙
💙✨ بقلمي :- الكاتب أطلس ✨💙
💙✨ ATLAS_1995 ✨💙

لاتنسون التفاعل والتصويت والتعليق بين الفقرات 💙

وآنا بروحّي حِزن ديرة.
‏ومَلامح خوف وحَرب چذبة.
وحِلم تايه ونَهر ثالث حُفر خَدي.
‏غَريب بكاع مَتلمني چم ليلة.
‏اذب دموعي ع المامش ولا ادري .

✨_______________________✨

زادت صدمتي وفتحت عيوني مذهول.
من دحكت اجتي وحدة من الطيارات توجهت علينا وصارت بالضبط فوك بيتنا.
من دحكتها فوكانة شهكت بخوف وصدمة.
بعدني ما مستوعب شنو يصير وفزيت مرعوب من صوت القصف العالي.
الي اخترق مسامعي والي زيد صدمتي صوت رتيل رن بأذني.
رتيل :- ذيااااااب.

سمعت صوتها وصوت القصف ونخبصت خبص.
گلبي صار يدك ويرجف بطريقة همجية.
كل الي ببالي انقصف بيتنا ومتنه.
بالكوا رفعت راسي وعاينت على الطيارة.
ارتاحيت من دحكت ما نقصفنا.
والطيارة قصفت بيت ضابط يبعد عن بيتنا ببيتين فقط.
عرفت هاي طيارات الدواعش بس ما فهمت عليش هيج سوو.
سيطر علينا الخوف وكلشي ما افتهمنه.
من الهبطة والصدمة وعيوني تراقب بس الطيارات.
نسيت رتيل ونسيت اهلي الي عياطهم رج البيت كلشي نسيت.
وبس عيوني تراقب الطيارات ما ارتاحيت إلا راحن واختفن عن نظري.
كملو مهمتهم بقصف بيت الضابط وراحو !
صافن والتفكير ماخذني ، ما فزيت إلا سمعت صوت شهكات رتيل.
التفتت عليها ورحت اركض متلهف واسئل بيها بخوف.

ذياب :- شبلاج رتيلي يول عليش تبجين ماكو شي راحو ولله ماكو شي لا تخافين.

رتيل :- قص.. قصفو قصفو اني اني سمعت صوت القصف ذياب سمعتو.

ذياب :- يروحو لذياب يول ماكو شي عدت على خير يول لا تخافين عش ترجفين رتيلي مو زين على گلبج بسج عاد ولله ماقصفونا راحو اصلاً راحو دحكي ماكو راحو وعد ليوم نطلع منا وبعد ما تسمعين هاي الأصوات ولا تخافين من التنظيم وعد بس اسكتي عن البجي رتيلي.

رتيل :- ذيااااب مااا اكدر اسكت يول گلبي راااح يوگف.

ذياب :- عش تخبليني بسج عااااد بسج يول رااااحو.

ضلت ترجف وتشهك بالبجي.
واني اسكت بيها واحاول بكل الطرق وما سكتت.
حرت شسوي من جهة اهلي جوا اريد ادحك شنو وضعهم.
ومن جهة رتيل الي انتهت من البجي.
زفرت نفس بتعب احاول اهدأ نفسي.
رفعت أدية گضبت رتيل من أكتافها أهز بيها بخفه أيدي.
واحجي بنبرة هدوء حتى تسكت.