المنتقبة الحسناء ♥️.
الكاتبة أيه أنور.
في احدى الاحياء المتوسطة في السيدة زينب استيقظت فتاه جميلة للغاية رزقها الله جمال ولكنها أرادت أن تخفي هذا الجمال خلف رداء العفة و الطهر " النقاب " و أن تظهر جمالها لمن يستحق أن يكون زوجها .
كانت سارة تقيم مع خالتها في المنزل حتي تنتهي الدراسة فهي وتسافر إلي بلدها كفر الشيخ.
خرجت سارة من الغرفة وجدت خالتها تضع الطعام على السفرة وقالت بابتسامة من أسفل الغطاء: يا صباح الخير يا خالتو ؟
خالتها : صباح الخير يا عيون خالتو تعالي افطري يا حبيبتي .
جلست سارة على السفرة بجوار خالتها ؛ ورفعت غطاء وجهها لتستطيع أن تأكل منه .
نظرت لها خالتها بعدم رضا وقالت : مش شايفة لسه بدري عليه النقاب دا يا سارة و انتى متجوزتش يا بنتي .
شعرت سارة بالغضب من ذالك السؤال الذي يتكرر كلما يجلس بجوارها أحد ولكنها تكلمت بكل هدوء
_ : مين قالك يا خالتي كده ؛ النقاب عمره ما كان ولا هيكون سبب في تأخر او منع الزواج ؛ النقاب طاعه والزواج رزق ؛ ومفيش طاعه بتمنع رزق .
خالتها : ربنا يكملك بعقلك يا حبيبتي ؛ بس أنا مقصدش حاجة أنا عايزالك الخير ؛ مدام أنتي شايفة راحتك فيه ؛ ربنا يكرمك .
وقفت ناهضة و نزلت غطاء وجهها وقالت بجدية وهي تحمل حقيبتها : انا همشي بقى عشان اتأخرت على الجامعة يا خالتو .... عايزة حاجة قبل ما أمشي .
خالتها : لا يا عايزة سلامتك ؛ خلى بالك من نفسك يا حبيبتي.
وصلت سارة إلي الجامعة وجدت صديقتها تقى تنتظرها أمام البوابة وهي تنظر إلي الساعة بغضب من تأخرها .
تقى بغضب : إيه التأخير دا كله يا بنتي ؛ شكلنا هنطرد من المحاضرة بسببك .
سارة : راحت عليا نومة يا تقي ؛ أن شاء الله مش هنضرد متقلقيش .
اتجهوا إلي داخل البوابة الرئيسية للجامعة وأثناء سيرها وجدا شابين ينظرون لهم.
_بس إيه القمر إللي جاي علينا هناك دا قالتها تقى وهي تنظر ليوسف بهيام .... مفيهوش غلطة .
سارة بضيق : وبعدين بقى يا تقى أنا مبحبش كده ؛ ربنا أمرنا بغض البصر .
تقي: دا للشباب مش لينا يا سارة .
أطلقت تنهيده قوية وقالت سارة : أمر غض البصر دا للجميع مش للرجال بس لنساء برضو يا تقى ؛ غض البصر دا واجب مش فرض .
هزت تقى رأسها بضيق : إيه التشدد دا يا بنتي ؟
قالت سارة بهدوء : مش تشدد ولكن امتثال لأوامر الله ؛ ربنا لما أمرنا بغض البصر لانه يعلم الفتنة الموجودة حالياً ؛ ويعلم فتنة الرجال بالنساء .
أنت تقرأ
سكربتات بقلمي المتواضع أيه أنور 📜
Romanceقصص وحكايات مختلفة و رومانسية وكلها مفاجاءات و بتناقش فكرة جديدة عن إللي قبلها ؛ بقلم الكاتبة أيه أنور....إياك والاقتباس والنشر في مكان آخر ؛ ومن يفعل ذالك سيتعرض للمسألة القانونية ✋❌❌⁉️.
