أشعلي جمر العناد قربي معاد أشوفك

البارت3

في الصباح الباكر نزل نايف اخو رماح الذي يبلغ من العمر 30 سنه ليرى امه كانت تعجن حناها بفناء منزلها الواسع وجلستها الشعبيه : سليمه دقي لي على رماح خل اشوف وينه هالرجال
‎صارلي يومين ماشوفه غدا شغله عاله علينا الله يحميه
‎سليمه بلكنتها الاندنوسيه: ماما كيف كلم ويدينك وصخ ؟
‎لتثور عليها ام رماح ب انفعال : وصخ؟ تقولين عن الحنا وصخ خلف الله عليك؟ قومي قومي على كثرتكن بهالبيت الا انه مامنكن منفعه
‎قومي خوذي هالحنا وجيبي لي شي اغسل به ايدي
‎ليخاطبها نايف من اعلى الدرج : اوه اشوف مهره اليوم مبكره بالقومه , ليشر لها بيده صبحك الله بالخير ام نايف
‎ رفعت رأسها من اسفل وهي ترفع خيزرانها له : انزل انزل ان كان بك خير قل مهره قدامي وبعدين انا موب ام نايف,
‎انا ام رماح الله يخلف عليك انت الثاني
‎تسمع صوت قهقهته وهو نازل من الدرج ليقبل عليها وهو يقبل راسها : صباح الخير يمه
‎ام سياف وهي تعاود رفع خيزرانها ب اتجاهه : حلات من يمردغك بهالعصا " يمردغك بمعنى الضرب "
‎نايف وهو يسحب دلة القهوه ليتقهوى معها : افا وش حنامزعلينك به يامهره؟
‎ام رماح : لا تعمم انت اللي مزعلني ولا رماح الله يحفظه مرضيني , وانا كم مره اقولك لاتناديني ب مهره مايناديني مهره الا المرحوم رحمة الله عليه
‎نايف وهوَ يشير الى انفه: على هالخشم تامرين امر رضيتي؟
‎ام رماح وهي تبعد نظرها عنه وتكتف يديها بحظنها كا طفل : لا مارضيت
‎نايف وهوَ يرى وضعيتها : اوا حلات من اكلك والله
‎لتردف ام رماح وهي تنغزه بعصاها : لا مابيك تاكلني ابيك تاكل هالمسيكينه زوجتك اللي فوق
‎ ضحك من وصف امه : انتي الظاهر مايروقك الا ابو مجاهد
‎ام رماح برضى على نايف ومن طاري رماح: اي بالله دق عليه خل اتطمن
‎بعد 3 اتصالات لم يرد عليها اعطت نايف هاتفه بقلق : مايرد
‎نايف وهو يدخل هاتفه بجيبه : الغايب عذره معه يالغاليه وان شاف جواله بيدق
‎ما ان انتها من جملته الا وسيارة رماح تركن بالكراج
‎نايف وهو يرا سياف مقبل عليهم : هه وهذا ابو مجاهد جاك
‎رماح وهو يقبل رأس والدته: صبحك الله بالخير يمه
‎ام رماح : صبحك الله بالنور يايمه , وينك ماعاد نشوفك زوجتك واهلك بيشوفونك ياولدي نبي نتطمن عليك
‎رماح وهو يأخذالفنجال من نايف : مشاغل يايمه مشاغل
‎فز نايف واقفا ما ان رأى ان الساعه تشارف على وقت دوامه : نستأذن بشوف الاهل قبل مانطلع , تجلسون بالعافيه
‎ام رماح وهي تنادي نايف : يا نايف
‎نايف: سمي يمه
‎ام رماح بضحكه: سم الله عدوك بس لا اوصيك ب اكلك يايمه وتحلا به زين
‎نايف ببتسامه وهو يلقط مغزى ماترمي له والدته : تامرين امر

‎ما ان غادر نايف الجلسه الا وتردف ام رماح بجدية : رماح والله ان قلبي يوجعني
‎فز رماح وهو يعتدل بجلسته : وش تشكين منه جعله بي ولابك يالغاليه
‎ام رماح : قلبي مع بنت عبدالعزيز , احس ماني مرتاحه من لما عرفت انها طبت الرياض
‎رماح وهو يعود لجلسته ويلعب بالفنجال بيده يمينا ويسارا : بنت عبد العزيز موضوعها سهل فلاتشغلين بالك ياالغاليه واردف بسخريه:وبعدين وش باتقدر تسويه بالنهايه هي بنت ضعيفه مالها احد
رماح:يالله يمه انا بااصعد اتروش واغير ملابسي ما أن وقف حتى رأى زوجته مقبله عليه بجلابيتها الميدي ليفتح لها ذراعه فهو يقدرها اشد التقدير فهي ام ابنائه وتكبره بسنه او كم شهر !
‎قبلت كتفه لتهمس له : اشتقنا لك , انا والعيال فاقدينك
‎لم يجبها غير انه شد على حضنها اكثر
‎جواهر وهي تكمل : حاول تخفف من شغلك اذا مو عشانا عشان نفسك
رماح سكت قليلاً واردف بجمود:جهزي ملابسي انا باادخل اتروش

‎ما ان دخل دورة المياه وانت بكرامه الا وتنهدت بألم