« نـيـران الـحارث »
« بقلم: نور سمير »
« ارجو التصويت والتعليق ومُتابعة الحساب »
°°°°°°°°°°°°°°°°°°°°°°
تنظُر للسماء التي يُنيرها القمر وتُحاوطُها النجوم الجميلة، ابتسامتُها اللطيفة تُزين ثُغرها، تطاير شَعرُها الطويل ؏ أثر الهواء العالي، عَيُونها البريئة تتنقل بين القمر والنجوم وهيَ تحبُ تلك المَناظر التي تجعلُها سعيدة للغاية.!
،
سحبت نفس وزفرتة بهدوء مستمتعة بالگعدة مالتي والمنظر الي يحبة گلبي،
ارتفع ثُغري ؏ أثر ابتسامة خفيفة لمن شفتة اجة يمشي من بعيد،
عدلت گعدتي وهوَ گعد بصفي باس راسي وگال بأبتسامة لطيفة
: ــ شلونها بنيتي الحلوة.؟
بعدت شعري الي صار ؏ عيوني وگلت
: ــ الحمدلله بابا وانتَ شلونك.؟
طُبع قُبلة ؏ خدي وگال
: ــ انه زين اذا انتِ زينة حبيبتي، روز بابا عندي موضوع وياچ
باوعتله بأهتمام منتظرتة يحچي وهوَ تنهد وگال
علي : ــ بابا انه راح اروح عندي شغل طالبيني واتأخر اقل شي شهر او شهرين
شهگت وگلت بصدمة وزعل
روز : ــ لاا بابا عفية وين تريد تروح وتعوفني هلگد لعد اني وين اروح.!
باس راسي وگال بقهر
علي : ــ والله لو بيدي ما اعوفچ دقيقة بس هذا شغلي يا بابا واريد اخليچ يم عمچ بالبصرة
فتحت عيوني بصدمة وهزيت راسي بنفي أكثر من مرا
روز : ــ لا لا لا بابا فدوة الگلبك خليني وحدي بالبيت ولا توديني يمهُم
عگد حواجبة مستغرب من رفضي وگال
علي : ــ ليش حبيبتي.؟
بلعت ريگي وگلت بتشرُد من الموضوع
روز : ــ مو تدري بيه اضوج من بنات عمي لأن بس يتعاركن ويايَ وبعدين اني عندي امتحانات شهرية ما اگدر اروح خليني هنا ما عليه شي الحُراس محاوطين البيت والمنطقة ليل ونهار مضواية والكُل موجود
سكت يفكر وبعدها هز راسة مقتنع بكلامي
علي : ــ خوش وعود اگل الصديقي يدز مرتة يومية تجي يمچ هيَ وبناتها
أنت تقرأ
نـيـران الـحارث
Acciónوَسط حياة هادئة وخالية من المشاكل، تعيشُ فَتاة ذات روح جميلة و وجهَ بريئ، ولكن.!، لن يدوم هدوء حياتُها.!، ظَهِر ذاكَ الشيطانُ الطَاغِي، انتشلها من هدوئها الى قاعهَ المليء بالمشاكل والصعوبات، عاشت المُعاناة، تعذبت كثيراً، هل سَيدوم عذابُها.؟ ام...
