في ذلك المنزل الجميل العائلة الكريمة قاعدة تتعشا فامان الله
سارة : جااااي
جاي: مفهمتش انا عندك مكبرات الصوت في فمك ياك راني قدامك
سارة : هذا العام نقرا معاك
جاي: طرطقتيلي وذنيا بأه تقوليلي بلي راح تقراي معايا ومن ضرك انساي بلي راني خوك منيش حابك تجبدي سيرة خويا فالليسي سمعتيني ومذابيك متريحيش قدامي
لينو: علاه وليد بوتين نتا بأه متريحش معاك
جاي: منيش وليد بوتين انا وليد كيم جونغ اون
جين: استغفر الله استغفر الله يا اخوتي ماهذا الهراء توقفوا عن الحديث في الطاولة احمدوا ربكم على هذه النعمة وكلوا صامتين
سارة: جين فيق لروحك ولا روح داوي راك كاريثة
نزيهة : علاه واش داركم وليدي راه يربي فيكم يالي متصلوش يالي شادين ذلك التليفونات صباح وعشية يالي مخليني وحدي نهار طول وانا خالي ديري اعملي
سارة: انا ماشي اطلع من هالكوكب تسما راكي تديري كلش وحدك قسما بالله غير صبعك محركتيه عندك عامين غير انا لي نخدم نتي لي سيقتي ولا طيبتي ياك انا لي راني ندير كلش بصح كي عادت هكذا والله طبسي منزيد نمسو وخلي جين يديرلك حل كي ولا هو يربي فينا وهو لي طايعك خليه يمسدلك رجليك على 12 تاع الليل وخليه هو لي ينقي الدنيا وخملها
جين : إياك ورفع صوتك مرة أخرى
سارة: اي بلع يخي حالة يخي روح كمل الفتوحات الإسلامية فبلاصة وحدوخر متجيش تتفلسف عليا هنا صحا عشاكم
لينو: علاه تديرولها هكا علاه ياك راهي ختكم
جيمين: وعلاه كاشما درنالها
هيونجين : لا درتولها درتولها فوق الحد صيف كامل وهي بونيشة عنكم
جونغكوك: ماما
نزيهة: مسكينة بنتي والله غير هي لي حاملتني روحوا جيبوها روحو
جونغكوك: اوموني
نزيهة: ضلمتها والله تضل تخدمني عمرها محلت فمها
جونغكوك: اومااا
نزيهة: ماااالك واااش ثاني ماماماماما ها خلاص
جونغكوك: بن عميي عطيتلك بأه تزيديني برك
