بعدما خذاو قتلة من عند طاطا نزيهة طلعوا دوشوا ولبسو وعادوا هبطوا بأه يستقهواو
الميلفاي بكامل الأذواق الكرواسو البتي بأن البيض الطوماطيش الخيار الزيتون الجو القهوة الحليب وطبعا من صنع سارة
ايان: ماما سربيلي كأس jus
سارة: تقول راكم ناسيين حاجة
هيونجين: فكرينا
سارة: قعدتوا فالصالة بلا متقولولي صحا وقيل والفتوا التقلاش
هيونجين : اييه صحا صحا
لينو: شكون جاب الميلفاي
سارة: ختك لوكان عطا ربي لوكان انا لي راني نوض ونتكسل فبلاصتكم ونتوما تشروا وجيبوا
لينو: طوال لسانك
سارة: بصح عييييت
جين : شحال من مرة قتلك متهدريش والماكلة في فمك متعرفيش آداب الاكل ولا واش
سارة : ونتا وش حشرك ياك الكلام موجه للينو ماشي ليك
جاي: عندو الحق متزديش تهدري والمشكلة في فمك
قناة النهار : أولياء يستفسرون حول الدخول المدرسي بعضهم يشتكي من ارتفاع الأسعار وبعضهم قد باشر في تحضير أولاده
سارة: ويااااااااا الدخلة نهار الحد
لينو: وين قريتيها
سارة: هاهي في الشريط الأحمر
ايان : والله غير صح
سارة : عندك بااااااااااااك راك تسمع باااااااااك
جاي: تسما نبدأ نوجدوا
نزيهة: عيييت انا كل عام نديكم لتيكنو تشروا تاخذو راؤ نكومونديلكم وجيبوا واش تسحقوا
سارة : قصدك نشروا واش نحبو
نزيهة: مبدئيا الكلام راه موجه لخالتك بيسك نتي راكي فاتحة مكتبة بدون اسعار عندك كلش واش خصك
سارة: مراكش فاهمتني ماما هذا الشغف هو لي يدير هكا لازم لازم
نزيهة: هاذي نقولوا بلاك ايه الشغف وراهي تقرأ مليح وكامل اشري واش تحبي بصح ادواتك والستيلوات لخرين وين تديريهم
سارة : نستعملهم
لينو: كل حرف بلون
