قبل ما نبدأ المشاهد عزيزي القارئ احب أنوه على
شغلة بسيطة " الرواية مستأصلة من أرض الواقع "
من تشوف أشياء غريبة على الأنترنيت أشياء لا تُصدق
ولا تدخل العقل تُصدقها لكن من تطبق على حياة
أحد البشرية تُنكر وجود مواقف كهذا " ليش "
إذا كُنت شكوك وما تصدگ بالأحداث العَميقة
أترك الرواية القارئيها وخَلينا مستمتعين بيها
لا تعكر صفوة مزاجنا بـ شكوك وحقدك
الي ما يحب الرواية لا يقرأها وبس يتفضل يقرأ غيرها
ألف رواية ثانية أكو اقرأ الي تُناسبك !
ما مليتوا من الروايات التقليدية الي مختصرة
داخل بلد واحد ! داخل ثنائي واحد ! داخل قصة وحدة !
هُنا كُلشي غير !
قصص الحُب غير قصص الكره غير الأماكن غير
الناس غير " الشياطين " والملائكة " هُنا متساوين !
مُستعد القرأة هيچ رواية !
أحزم الرحال وهيا بنا لنغوص دواخلها .
عزيزي القارئ أنتَ قارئ ما لك حق تحكم
على أي تصرف بدر من اي شخص داخل هالرواية
الجميع أخذوا استحقاقهم أحنا ننقل واقعهم ونقراه
لا نأيده ولا نفعل نفسة فقط نقرأ ونتعلم من تجاربهم
ونرفه عن أنفسنا 💋🤍 "
أتمنى كُنت واضحة بكلامي
رواية الرياف راح تتوقف " السبب من أحد الأبطال "
ننتظر الوقت المُناسب ويجينا أذن من أحد الشخصيات
نكمل بيها حاليًا متوقفة رغم چنت حابتها بشكل
بس ما بإيدي شي !
_ _ _ _ _ _ _ _ _ _ _ _
واخيرًا من بعد مُعاناة وظُلم وقهر حاليًا واگفة
بالمحكمة أنتظر أصدار القرار الي لطالما كُنت أنتظرة من زمن طويل
القاضي : حَكمت المحكمة على الطلاق بين **** و **** أطلق اليمين عليها حالاً
يباوعلي بغضب شديد
هاي 4 جلسة من بعد تعب واخيرًا صار الي حلمت بي
أيدي ترتعش وتُرجف باوعت بعيونة حُمر دم
نزلت عيوني وهو نطق كلامة
- أنـتِ طالق طالق طالق
نزلت دموعي وكانت دموع الفرح باوعتلها بأمتنان
هزت رأسها تصفق
كرهت نفسي شگد عاملتها بسوء وشگد چنت أكرها
بس ساعدتني ووكفت وياية ومستحيل أكدر
أحط عيني بعينها من خجلتي من نفسي
أستحقرت نفسي كُلش
طلع ضايج وعيونة حُمر من المحكمة
اجت اُمي تحضني وتهلهل وكُل أهلي فرحانين
ويباركولي أول طلاق كُلنا نفرح بي أول طلاق الأهل ما تعيل بي كُلنا ردنا هالطلاق لان الكُل شهد على دماري
كانوا يتللذون بـ أذيتي والحمد لله اليون نزعت الطوق الي كان محاوط رقبتي
