Back: الينا: ككيفاش ندير دوكااا ودموعها يهبطو بقاو على هاديك الحالة شي 15د الينا: الينا خلاص خلاص لليوم خطبة خوك ولازم متخسريلوش نهاروا راحت دارت روتوش للمكياج وتخبي ملامح البكا اللي يفهمها برك يفيقلها هبطت من الدروج وكامل يسناو امير يهبط مع اميرتوا شوية برك بدأت الغنا Dance story
هي جاية كي الأميرة مع لاغوب وشعرها كيوووت اريام: واووو بعتتلهم بوسة فالهوا أمينة: مشاء الله غانية يمات سيرين:يا يما على بنتي الشابة الينا كانت واقفة بعيييد حتى شافت باباها جاي ليها محمد: وعلاش بعدتي روحي شوفي عرس خوك وتعلمي كيفاش ترقصي غدوا الينا: نتا البارح مت فهمت كانت عيون تشوف كلشيييي محمد: ندبي ولا واش حبيتي ديري انا خلاص مديت كلمة الينا: نشوفوا وراحت قدمت لصحاباتها ميسة: الينا وعنقتها حبيبتي وين كنتي سالي: شابة مشاء الله الينا بضحكة مزيفة :مرسي نت ما الشابات الله يبارك الينا: ميلي ميلي:...الينا ميليسا ميلي: ااا واش الينا: وين رحتي الي ميلي: لا اني هنا الينا: كنتي شاردة ميلي: اريس جا ليا و قالي Flash back: اريس: ميلي سمعيني دقيقة برك بلل مندوروا ورانا كبرنا وجابوا سنين ميلي: واش اريس: ندي دقيقة من وقتك برك ميلي تنهدت:ايا اهدر مالا اريس:انا معنديش ذنب مع الأول لانوا معلاباليش واش صرالك لانو فهاداك الوقت حطمتي ليسونتيمون ديالي دونك انا نتر شعلت فيا بالاك قلت عفتيس غلطت ومحوشت نفهم لانوا معلاباليش كنت مفكر حسبتيني كي خوك وهكا وكي قلتلي واش صرا معطيتيليش حتى شونص نهدر ونبررر ميلي: ايهه علابالي لانوا لحتى دوكا اني خايفه لانوا باي لحظة يجي يسرقني نورمال هذاك مهبول محبيتش نبني علاقة بلاك تفرقها حاجة خايبة يعني هو اللي حيغلط معايا و اللا منبعد يصراو ديبروبلام ف لحد هاد اليون مزال هاد الخوف غارس فيا كون عندي دليل كنت تهنيت مي الله غالب أريس: اني حاس بيك مي معلاباليش اذا حتقبلي ليكسكوز ديالي وتعطيني فرصة ونحميك من قاع الناس اذا غلطت بهاد الكلمة قولي والرد منك راني نستنا فيك Back: ميسة: نقولك عطلوا فرصة خيرلك ميليسا: زعما الينا: حبيبتي حاربي علجال حبكم ميسة:الينا متزيديش تبعدي علابالك قلبي محروق عليك ميليسا: مام انا متخليناش سالي: نتي دايما مخصوصة ليلي: سلام الينا: مرحبا الينا: لبنات انا غد..ا مي بيناتنا كون تخرج كلمة نعرف وحدة منكم ليلي: لولو واش صرا سالي: وعدد ميليسا: وعدد ميسة: بروممي ليلي: وعد هياا الينا: بابا حيزوجني بسيف و غدوا ومقبيل صراتلي عفسة بزاف خايبة اليوم خطوبة خويا ملازمش نفسها مي انا مرانيش مليحة قاطعتهم اريام اريام: هياا الينا لبنات نشطحوا لبنات تقدمو للبلاصة وين الناس يشطحوا حتى جا اللي حتتزوج بية ....:تقبلي الرقصة معايا محمد: بيانسور تقبل الينا: اففف با حكملها يدها وبداو يشطحوا علاء عينيه مركزين عالينا ويحاول يفهم من نظراتها ولقا نظرة خوف وكانوا حابة تشكي همها علاء حكم يد ليلي ويرقص معاها ليلي: علاء نتا مهبول علاء: هي هبلتنيي وش حبيتين ندير ليلي: انا صاحبتها افهم انا اكتر وحدة قريبة ليها علاء ليلي: لقايلي وحدة مالا ماريا: علاء واشراك معاد:علاء ليلي: علاء هادي طفلة علاء: تعرفها هدي ماريا وخوها معاد ليلي:انا ليلي ماريا: معرفة خير هدا خويا ليلي: سلام معاد :سلام علاء: هيا مالا ماريا تشطح معايا نتا دي ليلي ليلي: علاء وين نعرفوا انا تحصلني حتى حست بيد جبدتها تصدمت في صدر معاد ليلي: ايي واشرتك دير معاد: رانا نشطحوا ليلي: علاش انا قبلت نشطح معاك اصلا منعرفكش معاد: حتعرفيني مع الوقت اصلا دا ختي بسبابك ليلي: مي نتا مهبول هو عندو سبة كي داها اصلا عندوا اللي يحبها معاد: وانا عندي خصوصياتي ليلي: واشدخلني انا في خصوصياتك معاد: لاغوب تاعك راكي تباني وانا سترتك ليلي شافت مع صدرها لقاتوا نصوا يبان شهقت وجهها ولا طوماكيشةةة ليلي:... معاد: الفار كلا لسانك ليلي: بركا متحشمني اف ياربي واش ندير معاد: نروحوا نجيبلك غوب جديدة منطولوش ليلي: انا كيفاش حنوثق فيك معاد: انا لنعاو فالناس كيفاش حنسرق طفلة ليلي: لا مرسي معاد: مي نتي راسك يابس مالا انا نخليك ليلي: لا اسنا اسنا حنبان افف خلاص ديني نشري روية هيا حكم يدها وبدأ يضرب بيها فتحتباب الطموبيل ودخلها وطلعوا للبوتيك ليلي: نتا كيفاش تعرف علاء وشكون عرضك معاد: معنديش بزاف نعرفهم مي انا صاحب اياد من اياد تعرفت عليهم خاطى مانت خدمة بيناتنا ولينا صحابهم انا وختي ليلي: اا اوكي معاد: ونتي شكون ليلي: انا ليلي صاحبت الينا لانتيم انا وميسة والباقي منعرفهمش مليح لانوا هوما من بكري ساكنين هنا علابالك هوما عندهم ربع سنين برك ملي جاو معاد امم مليح هيا لحقنا ليلي: افف كيفاش نهبط معاد نحا فاست تاع كوستيم دارهالها وبدأ يغلق فزرارها وهنا كي حست بقربها بدأت تتنفس صدرها يطلع ويهبط ماللخلعة لانوا ولا مرة دخلت في علاقة ولا راجل دنا ليها جات عينو بعينها وغمزلها وهنا ولات حمرة ليلي: خلاص بعد علياا ياوسمك حلت باب الكموبيل وهبطت هو تاني غلقها وبداو يمشيو حتى دخلوا جات عين ليلي فواحد لاغوب شابة معاد: عجباتك واقيل ليلي:ويي معاد:محال تجيبيها ليلي: علاههه معاد:حتى ميتعاودش واش صرالك ليلي: شكون طلب رايك معاد:انا نختارلك هادي مرانيش حاب كامل الناس تشوفك ليلي: ونتا اصلا منعرفش وسمك وتدبر عليا معاد: ليلي متكتريش الكلام ليلي: مسيو معليش تعطيني هاذي حابة نقيسها.... عطالها لاغوب ليختاىها معاد وراحت تلبسها بقات شي 5د معاد: ليلي منباتوش هنا ليلي: م معليش تسكرلي الروسول تاع لاغوب معاد: اومي دخل معاد لاكابين وحس برعشة لحمها ضحك فالشط ليلي: هياا معاد طلع الروسول:واو جيتي زلة ليلي: خجلت مرسي هيا مالا نخلص ونروحوا راحوا خلص معاد وقلعو للصالة بانهم طولوا
بعد مدة لحقو ودخلوا لقاو الكل مشغول بالشطيح ومتولهوش ليهم كي مكانتهم ليلي: اللي صرا بيناتنا برك ومرسي مدت يدها معاد: بلامزية اصلا كون جات في ختي اي واحد كان حيديرها بالمناسبة انا معاد مشي ياوسمك ليلي ضحكت:ههههه داكور معاد: اونفان شفت ضحكتك وهنا هبطت راسها ولات حمرة نولوا ل..... هذا بارت اليوم
لاغوب لخربت ل ليلي
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
اللي خسارتها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
اللي ختارهالها معاد
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
