فهاد الفترة صراو بزاف عفايس وتغيروا عفايس الينا كي ولات لخدمتها وتاقلمت وحالتها رجعت كيما الأول وخير وتعرفت على ناس كانوا ملاح معاها اما الباقي حتشوفو فالقصة
على هادا الكلام زادوا مروا عامين عامين هادوا كاين اللي تفرق وكاين اللي تقربوكاين أحداث وشخصيات حنشوفوهم لازم ترحبوا بيهم وتركزوا مع الأول
يوم جديد بعد ٢سنتين:
صباح اليوم كل شخصياتنا ناضوا منها اللي سافر ومنهم اللي راح لخدمتوا ومنهم اللي يجهز ل..... ومنهم اليي قاعد فالدار
نر حوا عند اريام ناضت صباح عيانة هبطت للصالون
اريام: بونجوغ
أمينة: صباح الخير بنتي
اريام: جعت
أمينة: راسك مزالوا يوجع فيك
اريام: يعني مزال حنعيط لالينا عندي قريب سمانة معيطلناش نسقسوا عليها
أمينة: صح عيطي نشوفوها راهي علابالها مشغولين
اريام: لولوووو توحشتك
الينا: غونايدن ابلا
اريام: هههه صباح النور واش وينك
الينا: راني خارجة ندير شوبينغ قبل مانجؤ
اريام: كيفاش
أمينة: قبل ما نجوا
الينا: ايهه ماما قلتلك نعرض لعرس امير لأمي تاعي
أمينة مرحبا بيه مالا
اريام: ااا اوك مالا انا راني فالدار
الينا: سيرين كيما وجدت
اريام: راهي مع يماها فالدزاير هناك تشري وكي تجي نخرج معاها انا كون تجي بكري نتي تاني نروحوا كيكيف
الينا: معلاباليش دوكا عندي شوية شغلات و شوية وراقي
اريام: اوك مالا نخليك
الينا: باي تهلاي بيزوا ماما وكوبات
هنا عرفنا عرس امير قريب
في بلاصة وحدوخرة:
كانوا قاعدين ف اصطبل مع telle حتولد
ميليسا: اريس غاضتني
أريس: اووه عادي ميلي تجيبلنا كتكوتة
ميليسا: مي نتا محسيتش بيها
أريس: عادي
ميليسا: ماشي عادي يعني معندكش مشاعر ومتحش الامراة تعاني بزاف باين عليك
وراحت
أريس: ميلي ميلييي احبسي
ميليسا: نحي يدك نحيتي
اريس:منحيش
ميليسا: اريسس
أريس: انا كنت نهدر بنيتي برك مقصدتش
ميليسا: لازم تعرف كيفاش تبلاصي كلامك
أريس: ايا خلاص دوكا غلطت سامحيني ميليي تاعي
ميليسا: شوف اريس كون تعاودها نضربك
أريس: اوو معلاباليش نتي كريمينال جاية كيوتة منبعد تضربي مجاياش
ميليسا: راك تجيبها بيدك اريس خلاص متزيدش عليا ....
نروحوا لدار ماريا ومعاد:
ماريا: معاد
كان قاعد فالبيروا ديالوا
معاد: وي ماري
ماريا: انا حبيت نشوف ماما
معاد شرع عينيه :كيفاش واش وصلك تقولي هالكلام ااا كاش نهار خصك معايا شي حاجة
ماريا: انا مقصدتش برك حبيت
معاد: واش حبيتي
ماريا: نهدر معاها
معاد: ههه حتهبليني نتي وعلاش
ماريا: انا مي نشوف اريام مع..
معاد: ااا خلاص تغيري تحبي تكوني هناك ختي لعزيزة محبيتش تدخلي لمصحة هلداذيكماريا: علابالي خويا مي حبيت نتلاقاها برك بلاك تغيرت
معاد: راكي مصرة مالا
ماريا: امم
معاد: كون ترجعي لحالتك
ماريا: نحاول نتمسك بروحي
معاد: داكور نخمم ماشي نقولك ديراكت وي ولا نوو
ماريا: داكورر باي حنخدم
معاد: بون كوراج
ماريا راحت لخدمتها اخا معاد بقى في بلاصتوا يخمم اذا يقبل ولالا انوا ختوا تقابل يماهم اللي فضلت عنهم ولاد راجلها مي معاد مستسلمش خدم وزاد قرأ ختو ووقف معاها رغم كان عمروا صغير قعد شوية وخرج راح
راح لبلاصة اللي تخدم فيها ليلي اللي ميعرفش ليلي صحافية معروفة معاد رفد مفتاح الطموبيل وقلع
VOUS LISEZ
حكاية مدرسة(باللهجةالجزائرية)
Romanceكرونيك هايلة تبعوها نشالله تعجبكم insta:https://www.instagram.com/la_luunee_6?igsh=eHB3cm5vNWFnaHUz
