အွန်းဟာ ငြိမ်သက်စွာအိပ်ပျော်နေရင်းမှ ရုတ်တရက် သူမခန္ဓာကိုယ်က လူးလွန့်လာပြီး ချွေးတွေရွှဲနစ်လာတယ်။ ဒီအိမ်မက်ဆိုး မက်တဲ့အချိန်တိုင်းမှာ သူမအတွက် အိမ်မက်ဆိုးကနေ ပြန်လည်နိုးထလာဖို့ခဲယဉ်းလွန်းလှတယ်။
ပြေး ပြေး သူ့ဆီက လွတ်အောင်ပြေး!!!
အိမ်မက်ထဲမှာ တစ်ယောက်ယောက်က သူမကို လိုက်ဖမ်းနေတာကြောင့် သူမ အသက်လုပြေးနေခဲ့ရတယ်။
ရုတ်တရက် သူမမျက်လုံးတွေပွင့်လာပြီးတော့ သူမ မောဟိုက်နေခဲ့တယ်။
တူညီတဲ့အိမ်မက်ပဲ ထပ်မက်ပြန်ပြီလား?
တွေးမိပြီး အိပ်ယာထဲက ထလိုက်တယ်။
အွန်းဟာ ရေချိုးသန့်စင်ပြီးနောက် မနက်စာစားပြီး ရုံးကိုထွက်လာခဲ့တယ်။
" မင်္ဂလာမနက်ခင်းပါ ဥက္ကဌဟာ "
အွန်းဟာရဲ့ယုံကြည်ရဆုံးအတွင်းရေးမှူး မီလာ က နှုတ်ခွန်းဆက်လာတယ်။ သူမ ဒီကုမ္ပဏီကိုစရောက်လာတဲ့နေ့ကတည်းက သူမရဲ့အတွင်းရေးမှူးအဖြစ် အလုပ်လုပ်လာခဲ့တဲ့သူ။
အရပ်က 178cm ရှည်ပြီးတော့ ရွှေအိုရောင်ဆံပင်ရှည်တွေနဲ့ ကျောက်မျက်ရတနာတွေလိုတောက်ပတဲ့ အပြာရောင်မျက်လုံးတွေကို ပိုင်ဆိုင်ထားတဲ့ အွန်းဟာက နာမည်ကြီးအင်တာတိန်းမန့်ကုမ္ပဏီ 'Stars' ရဲ့ CEOတစ်ယောက်ဖြစ်တယ်။
သူမအဘိုးရဲ့ကုမ္ပဏီကိုအမွေဆက်ခံပြီးတော့ သူမစတင်ဦးဆောင်ခဲ့ကတည်းက ရလာဒ်ကောင်းတွေပဲရလာခဲ့တာ ၆နှစ်ရှိပြီ။ သူမတို့ကုမ္ပဏီက ထိပ်တန်းစာရင်းဝင် နံပါတ် ၁ အဆင့်မှာရှိလေသည်။
" အသစ်ထုတ်မယ့် idolတွေရဲ့ကိုယ်ရေးအချက်အလက်တွေယူပြီး ကျမရုံးခန်းထဲလာခဲ့ပေးပါ "
သူမ ခါတိုင်းလိုပဲ အေးစက်စွာနဲ့ပြောလိုက်တယ်။
သူမဟာ ချောမောလှပပြီး အရည်အချင်းရှိထက်မြက်သလောက် သူမကို သဘောကျတဲ့သူတွေရော မုန်းတဲ့သူတွေရော ရှိကြလေသည်။
ရုံးခန်းတံခါးကိုတွန်းဖွင့်လိုက်တယ်။ သူမရုံးခန်းက သူမအိပ်ခန်းထက် အတော်လေးကျယ်ဝန်းပြီးတော့ မှန်ပြတင်းတွေများပြားကာ အလင်းရောင်ကောင်းကောင်းရလေသည်။ အခန်းထဲမှာ စားပွဲတစ်လုံးနဲ့ကုလားထိုင်တစ်လုံးရှိပြီး အခန်းနံရံတွေဟာ ရှေးခေတ်လက်ရာတွေဖြစ်လေသည်။ အွန်းဟာရဲ့အဘိုးက ရှေးဟောင်းလက်ရာတွေကိုနှစ်သက်တာကြောင့် အခန်းနံရံဒီဇိုင်းတွေက ထိုကဲ့သို့ဖြစ်နေရခြင်းဖြစ်လေသည်။
YOU ARE READING
ရေမြေဆုံးတဲ့အထိ မင်းနောက်လိုက်နေမယ်
Romanceအွန်းဟာဆိုတာ သိပ်ကိုလှပထက်မြက်ပြီးတော့ 'Stars' အင်တာတိန်းမန့်ကုမ္ပဏီကြီးကို ဦးဆောင်နေတဲ့ အမျိုးသမီး CEO တစ်ယောက်။ ဂန်ထယ်ဟျွန်းဟာ ဒီကမ္ဘာကြီးပေါ်မှာ သူမအပေါ် ဂရုအစိုက်ဆုံး ယောက်ျားတစ်ယောက်ပေါ့။ သူဟာ သူမအပေါ် သိပ်ကိုမြတ်နိုးတန်ဖိုးထားတဲ့သူ... အထက်တန်...
