بــين. قيود. آلكآسـر. (الجزء الثاني)

Part_. 11

بسم الله الرحمن الرحيم.

رواية

_بين _قيود_ الكاسر "

الجزء_ الثاني..

الكاتبة..

ضحى ال ربيعيّ..

"" "" "" "" "" "" "" "" "" ""

_امير..

_نشف ريجي الحزن والوادم تغني

_ وانة من بعيد احب المارضة يحبني.. 

*******************************"

_بقيت ساكت. واني اشوف عمي ابو سجاد يباوع علينة..

ابو سجاد:-كموو بوية خلي عمتكم تحجيلنة شنو لي عدها

ام يوسف:-لا ابو سجاد خليهم كاعدين هوة اني جاية علمود اوصيهم علة شي مهم..

كاسر:احجي عمة شنو هل موضوع..

ام يوسف:-سمعو من عفت عمكم.. رجعت يم اخوتي لي نسوانهم بهذلني وحصرة علية الكمة وانتو تدرون ب خوتي شنو سلوبهم ميحتاج احجيلكم عنهم.. المهم اجتني قسمة واني ماجنت موافقه بس الضيم لي شفتة منهم ومن نسوانهم خلاني اشرد. وتزوجت ابو عرب... لي جان ونعم منة.. مايوم سمعني كلمة مو حلو.. والحمداللة الله رزقني منة ب ولد.. وهاذة شي انتو متعرفون بي لنو علاقتي نتهت واي اخوكم كريم....

ابو سجاد:-جنة نوين نسال عليج بس اخوتج ماخلو حترام لنة.. لذالك بتعدنة عنهم..

ام يوسف:حقكم والله حقكم بس اني اليوم جاية يمكم لحتة اخلي يمكم امانة ادري انتو كد هل امانة ومالكيت غيركم..

ابو كاسر:-انتي كملي كلامج وكولي الامانة الي عندج وحنة ان شاءلله منردج..

ام يوسف:-تمام.. كتلكم من وقت لي تزوجت وصار عندي ولد منة.. راح الجيش.. وبعد ماعرفت علية شي غير انو ستشهد.. واي اخوكم داود.. لي هوة ابو ادم.. الله يرحمة. من بعد ستشهادة.. رجعت ل اهلي يم اخوتي وكامو يتحكمون بية اني وابني.. فة قررت  اروح اسوي راتب.. الارمل وفعلا طلع وبقيت اصرف بي اني وابني لي خليتة يدرس والحمداللة كبر وصار شاب بعد ماكدر احكمة واخلي يكعد بس بالبيت وخوتي صارو يقصون علية من ناحية الفلوس.  لمن مل وبقة يصيح وعافني وراح.. ابني الاول اخذة مني الموت وحرمني منة  وهسة ثاني هوة لي حرمني من عندة..

كاسر:-وليش هسة يلة اجيتي وكلتي هل حجي

ام يوسف:-جنت ساكتة ومتحملة ودري بيكم اذا جيكم ممتقبلوني.. بس من القهر علة ولدي ثنينهم صار بية مرض.. بالكبد... وكمت اخذ علاجات كمياوية كل شهر.. واخاف اموت اريدكم تحسبون ابني ثاني مثل اخو يوسف الله يرحمه.. ماريدة يبقة تأية بشارع  اريدة يصير مثلكم.. رجال يعتمد علية.. اريد اخليكم تخلونة شيخ مثلكم تعلمونة عل. صح والغلط.. والحرام والحلال..