نعم احببتك

الجزء الخامس (الاخير)

( شهد )

اليوم حفل خطوبة عذراء.....
وأيضاً اليوم (عيد الحب)....
عيد الحب ﻻ يعني فقط الاحباء يحتفلون بيه فكل شخص منا لديه أشخاص يحتفل معهم....
استقظت ساعة 7 ﻻن عندي أشياء اهواية وﻻزم اروح للصالون ويه عذراء....
صحصحت وكعدت سويت ريوك لماما وبابا...
كعدتهم يله كافي....نوم صحصحوا....
ماما وبابا خير شكو اليوم كاعدة من وكت....
-مسويتلكم مفاجأة....سوتلكم ريوك....يله كوموا كل عام وانتم بالف خير اليوم عيد الحب....
الله ايخليكم اليه ويحمكم ويحفظكم وكل سنة وانتوا بالف خير واحتفل وياكم
-بابا :كل عام وانتم بالف خير الله ايخليكم ليه....
اكيد اليوم اطيب ريوك اكله بحياتي من ايد بنتي الوردة....
-تسلم باباتي حبيبي....تدلل بس اعطل كل يوم اسويلك ريوك
-ماما :وانتي بالف خير حبيبتي الله يحفظكم ليه...وان شاء الله سنة الجاية هيجي وقت ببيت زوجج
-بابا شوف ماما بس اتريد تخلص مني...
-ههههههههه....ﻻ تشاقة وياج...هو احنا منو عدنا غيرج...ماما اتريد سعادتج
-يله كوموا....خلي نتريك....ﻻزم اتحضر حتى اروح ويه عذراء للصالون
( كعدنا نتريك سوى....واطيت لماما وبابا كل واحد وردة....وبوستهم)

( عذراء )

مريت ع شهد حتى انروح للصالون قبل مطلعت من البيت....فهمت لجين ع الخطة ﻻن هي واحمد حينفذوها....
واذا صار خطأ ايحولون ع الخطة البديلة....
ان شاء الله تنجح الخطة ويتصالحون...
وصالنا للصالون....
انتظرنا اشوية وبدأت اتمكيجني...
اتوسلت بشهد خلي اتحطلج بس شهد مقبلت كالت اني احط لنفسي
-الخاطري خلي اتحطلج...اتريدين اتزعليني بهيجي يوم
-وافقت شهد بس بشرط شي خفيف...
وما اكللكم طلعنا صاكات

( انس )

احمد كل نص ساعة ايخابرني...
مو تظربني بوري....
ﻻزم نلبس قوط....
ساعة بيش اتمرلي....
يله بدأت اتحظر انت هم كوم اتحظر...
طلع روحي خلاني اطلع من البيت ساعة 4 الا ربع...
بحيث وصلنا للقاعة ب4 وربع بعد عدد قليل موجودين
كعدنا واني اكول فشله....هسه شنو ايكولون علينا الناس

( احمد )
انس جان طالع صاك....
جان ﻻبس قاط اسود وقميص ابيض وارباط...
بين قوسين جان طالع عريس....
كعدنا اشوية شفت لجين من بعيد اتأشرلي....
كلت انس هسه اجي رايح للحمام....
-اوك....بس مو تتأخر...
لجين: شهد وعذراء بعد اشويه يجون وعلى اتفاقنا اوك مو تخلي انس يطلع....
رجعت كعدت يم انس
اشوية ودخلت شهد طالعه فد شي.....
كعدت ع الطاولة مقابيلنا بس هي مشافتنا....
احسن حتى متحس بالخطة طبعاً هي متدري احنا حنجي

( عذراء )

بدأت الحفلة واتونسنا كلش....
الحفلة كلش حلوووة مثل متصورتها وبعد احلى....لابسني علي الذهب...ورقصنا اني وعلي.....وكصينا الكيكة واغاني وسوالف وهكذا احلى يوم بحياتي كافي انوا علي يمي...
شعور مينوصف معرف شلون اوصفلكم الي حاسه بيه