"බැලුවද..?"
"හ්ම්ම්..."
"සෙනූ..."
"Positive..."
"ඔයාට අවුල්..."
"ඔයාට එහෙම නැද්ද සිහින..."
"මන්දා...සතුටු වෙන්නද දුක් වෙන්නද කියලා හිතා ගන්න බෑ..."
"මටත් එහෙමයි..."
"බොරු... ඔයාට දුකයි කියලා මම දන්නවා සෙනූ... ඔයාගෙ හීන, ඔයාගෙ බලාපොරොත්තු, ඒවා මම දන්නෙ ඔයාගෙ අම්මා තාත්තටත් කලින් ඉදලා..."
"දුකක් නෙමේ සිහින... දුකටත් වඩා බයක් දැනෙනවා... ඇත්ත... මගේ හීන... අපේ හීන මතක් වෙද්දි දුකයි තමයි, ඒත්..."
"අපි පරිස්සම් උනානේ සෙනූ..."
"එක දවසක් මිස් උනා මතකද... එදා ට්‍රිප් එක දවසේ..."
"ඕ... ෂික්... එදා බීලා විකාරයක් කෙලියනෙ... දැන් අපි මොකද කරන්නෙ සෙනූ..?"
".................."
"කතා කරන්න ළමයෝ... අම්මලට කිව්වද සෙනූ..."
"තාම නෑ..."
"කවුරුත්ම දන්නෙ නැද්ද..."
"පවනිට ඊයෙ මගෙ වෙනස තේරුනා... අපි නිකමට හිතුවා... එයා ඇර කවුරුත් දන්නෙ නෑ..."
"මොකද පවනි කියන්නේ..."
"එයා දන්නවා මගෙ ටාගට්ස්..."
"ඉතින්..."
"එයා කියනවා... සිහින මම ඒකට මුකුත් කිව්වෙ නෑ..."
"ඔයා කියන්නෙ මම හිතන දේද..? ඔයා ඒකට කැමතිද..?"
"මම එච්චර ආත්මාර්ථකාමී නෑ සිහින... අපිට බෑ කිසිම ජීවිතයක් අපේ උවමනාවට උදුර ගන්න... ඒ තරම් පවක් තවත් නෑ කියලා අපි දන්නවනේ... මොන තරඟකාරී ජීවිතයක් ගෙව්වත් අපි ආගම දහමට අනුව ජීවත් වෙච්ච මිනිස්සු සිහින..."
"මට උඹ ගැන ආඩම්බරයි බන්..."
"ආයෙත් බන් බොලං කියන්න පටන් ගත්තද... අපි දැන් තව අඩියක් ඉස්සරහට තියන්නයි යන්නෙ සිහින..."
"අවුරුදු හතේ ඉදන් උඹත් එක්ක එකට ඉගෙන ගත්ත, එක බත් පත කාලා, එකට කැම්පස් ගිහින් එකටම හිටිය මට හිතේ ෆිට් එකට ඕන වෙලාවට මගේ යාලුවට බන් බොලං කියන්න බැරි නම් වැඩක් තියනවද සෙනූ..."
"මටත් වඩා ඒ ගැන අම්මලා හිතනවා සිහින..."
"අවුරුදු විසි පහක් වෙලත් අපි තාමත් අම්මා තාත්තගෙ රූකඩ වගේ සෙනූ... අපේ තීරණ වලට ඇඟිලි ගහනවා, අපේ හැඟීම් එක්ක සෙල්ලම් කරනවා, අඩුම තරමේ අපිට නිදහසේ කතා බහ කරන්න තියන එකටත් ඇඟිලි ගහනවා..."
"මොනවා කරන්නද සිහින... අපි මේක එහෙනම් අම්මලට කියමුද..."
"ඔයා තීරණයක් අරන් ඉවර නම් කියමු... මම කවදාවත් ඔයාගේ තීරණ වලට බාධා කරලා නෑනේ සෙනූ, ඒකයි මම මුලින්ම ඔයාගෙන් ඇහුවේ... එහෙනම් අපි ඉස්සරහට යමු... අපේ පැටියත් එක්කම..."
"පැටියත් එක්ක ඉස්සරහට යන එක මට ලේසි වෙයිද සිහින..."
"හීන තියෙන්නෙ හැබෑ කර ගන්න සෙනූ... ඒකට කිසි දෙයක් බාධාවක් කර ගන්න එපා... මම ඉන්නවනෙ උදව්වට... අපි බලමු... ටිකක් නෙමෙයි ගොඩක් මහන්සි වෙන්න වෙයි... හැබැයි බැරි වෙන එකක් නෑ..."
___________________________________
හිර කරගත්ත හැඟීම් බලාපොරොත්තු හීන ගොන්නක් මැදින් ඉදිරියට යන එක පහසු නෑ, ඒකට කැප කිරීම් ගොඩක් කරන්න වෙනවා...
දෙබස් ගොඩක් විතරක් කියලද හිතන්නෙ..?
නෑ... තාම කතාව හරියටම පටන් ගත්තෙ නෑ...
මේ කොටස කුතුහලය පිණිස පමණයි... කතාව හරියටම පටන් ගන්නෙ හෙට...
මම බ්‍රිට්නි...🌸
