....:برضو يعني يا وائل مش هتيجي ؟!
وائل : والله انت عارف يا فارس ان زينة تعبانة و انا معاها فالمستشفي ، مش هعرف اجاي بجد اسف .. ابقي اعوضها بعد شهر العسل بقي يا عريس هاا هههههه ..
فارس بضحك : ماشي يا اخويا ماشي اتريق ما انت عارف الي فيها ... والف سلامة علي الجميل سلملي عليها ..
وائل : الله يسلمك يا حبيبي يلا اسيبك بقي تجهز يلاا ..
فارس : ماشي سلام يا صاحبي ..
ذهب فارس ليجهز نفسه فهو عريس الليلة "فارس الدمنهوري" صاحب اكبر شركات تصنيع معدات طبية في العالم ، لقد تعرف علي وائل في احدى الطلبيات للمعدات الطبية منذ ثلاث سنوات فهو " وائل الجارحي " صاحب اكبر مستشفي في العالم ، واصبحوا اعز اصدقاء ..
دخل والد فارس للغرفة ليري ابنه جالس علي الكرسي
والده : ايه الي مقعدك لحد دلوقتي .. مجهزتش ليه ؟!
فارس بسخرية : معلش بقا اصل ملحقتش اجيب الحاجة لسة هتوصل ووقف امامه واكمل بوجع وسخرية اصلك شوفت عريس بيعرف انو هيتجوز قبل فرحو بيوم وهيلحق يكمل ياا ... يا ابويا .. انا لولا انك ابويا ومش عايز اصغرك قدام الناس كنت سبت الفرح بس هنقول ايه .. فتركه وذهب وصدره يأن بالالام
نظر والده اتجاهه للحظات قبل ان يذهب بدون مشاعر فكل ما يهمه ان يكسب المال برغم من مستواهم لكنه طماع لكل مال يأتيه ..
___________________________________
في مكان اخر ,
في قصر كبير يدل علي الثراء لاصحابه وبرغم جماله الخلاب لكن لا احد يعرف ما يحدث بداخله , في إحدى الغرف نجد فتاة جالسة متكورة حول نفسها وتبكي تنظر لتلك التي تحضر فستان جحيمها مثل ما تطلق عليه وتلك التي ترتب المكياج وتبكي علي الحظ الذي اوقعها مع زوج ام مثل هذا ، فمنذ وفاة والدتها ولم ترتاح هي واخنها من العذاب الذي تلقيانه علي يديه ، كسرت قلب حبيبها منذ ست سنوات لحمايته من هذا المسمى زوج امي وها هو يزوجها بشخص لم تره في حياتها من قبل فهي واختها مجرد صفقات يجني من ورائها المال ، دخلت عليها اختها لتجدها بهذه الحالة لتتنهد علي حالهم بحزن وتمنت من الله ان يخلصهم منه ومن عذابه في اقرب وقت ..
....: مخلاص بقي يشهودة كفاياكي بكي يا حبيبتي و اكملت بمرح مصطنع ده حتي تحمدي ربنا انك هتطلعي من السجن ده ..
شهد بسخرية : اه وهروح لسجن تاني يا ياسمين و الله اعلم هيبقي ايه بس شكلو اوحش منو
ياسمين بحزن وهي تجلس بجانبها : شهد حبيبة قلبي مش انتي مؤمنة بربنا ( فأومأت شهد برأسها ) يبقي ترضي بقضاء ربنا يمكن ربنا كاتبلك حاجة انتي مش شايفاها وهتبقي كويسة بسبب الشخص الي هتتجوزيه ده حطي ثقتك في ربنا وهو مش هيخذلك ابداً
حضنت شهد ياسمين وانفجرت في البكاء : مش قادرة انساه مش قادرة .. وحشني اوي بجد ..
ياسمين بحزن : اكيد ربنا كاتبلك الخير يا حبيبة قلبي لو ربنا كاتبلكم هتتجمعو تاني ان شاء الله لو حصل ايه هتتجمعو انتي بس اصبري وسيبي بكرا لربنا يلا قومي بقي نجهز بدل ما يجي يسمعنا كلمتين ملهومش لازمة علي المسي وصلي ركعتين كده وربنا هيفرجها باذن الله
ضحكت شهد : حاضر يا حببتي يلا
____________________________
بعد بضع ساعات ,
كانت شهد تقف بفستان زفافها امام فيلا ضخمة وبجانبها زوجها المدعو فارس يفتح الباب
فارس بسخرية : اتفضلي برجلك اليمين يا عروسة
دخلت شهد بسرعة لتتجنب الحوار معه فأوقفها صوته
فارس : من الاول كده يا قطة هنا زيك زي الكرسي ، تصحي الصبح تحضري الفطار وتخشي المطبخ مشوفش وشك ، الهدوم تحضريها وتكويها قبل ما تنامي والبيت يبقا نظيف تماما فاهمة ..وحسك عينك الاقيكي تطلعب برا البيت ، ومشوفكيش في وشي طول ما انا موجود ..
شهد بدموع تأبى السقوط وقوة مصطنعة : انا مش الخدامة الي جايبهالك ابوك عشان اعملك الي انت عايزو ، انا واجباتي كزوجة هعملها بأكمل وجه وبما يرضي الله ، ثم اياك انك تفكر تقرب مني والتفتت لتذهب فأمسكها من معصمها بقوة
فارس بجدية : قطة بتخربش هاا , كلامي يتنفذ بالحرف الواحد وقرب منها اكثر ووقت ما اعوز هقربلك بمزاجي مش بمزاجك و رماها علي الارض ، اوضتك تاني اوضة يمين فوق يلا good night بيبي وذهب لغرفته
نهضت شهد وذهبت لغرفتها واغلقت الباب بالمفتاح جيدا ، واطلقت العنان لدموعها وظلت تبكي علي العذاب الذي رأته منذ وفاة والدتها حتي غفت مكانها ..
___________________________________
بعد مرور ثلاثة اشهر ;
كانت شهد تتحدث مع احدى الممرضات فهي تعمل كدكتورة في مستشفي ورثتها عن والدها المتوفي واصبحت بإسمها ..
شهد : تمام كده كل حاجة جاهزة ؟!
الممرضة : ايوه يا مدام ، الورق كلو جهز و اخذ تصريح خروج وخرج النهاردة خلاص
شهد : تمام ، افضلي اتأكدي دايماً اذا المريض اخذ تصريح خروج وهو خارج ولالا عشان منبقاش مسؤوليين عنهم بعد ما يخرجو من هنا لو حصلهم حاجة بعد الشر تمام
الممرضة : ايوه فهمتك ، عن اذنك ..
شهد : اتفضلي
في غرفة اخرى ، كان جالس علي السرير يتحدث مع ابنته بملل
وائل بملل : ما خلاص بقي يا زينة مش اول مرة اتعور يعني ، الدكتور ضمضلي الجرح خلاص ممكن نمشي بقي
زينة وهي خارجة : لا يابابي مش خلاص وخليك قاعد مكانك هندهلك تكور تاني يجي يشوف الجرح عشان ده عملهوهولك بسرعة وخرج متتحركش
هز رأسه بيأس منها فصغيرته عنيدة جداا ... اااه كم تذكره بها لقد اشتاق لها حد اللعنة لكنها هي من اختارت هذا الطريق .. فتزوج بعدها بابنة عمه لكي ينساها ولكنه لم يستطع اخذ فرصة لوفاتها بعد ولادة زينة مباشرة فكرس حياته لتربيتها هي واخوته ..
____________________________
كانت زينة ذات ستة سنوات تتمشي في الرواق وتبحث بعينيها عنها لقد عرفت بعد بحث انها تعمل هنا وكم تتمني ان تكون هي حقاا ، وهي تمشي رأتها تمر بجانبها لم تصدق نفسها وذهبت ركضا لعندها
زينة وهي توقفها : دكتورة لو سمحتي
شهد وهي تلتفت لها : نعم يا قمر انتي
زينة باستفسار : حضرتك دكتورة شهد صح ؟!
شهد بابتسامة : ايوه يا جميل ، انتي بقي مين وبتتمشي وحدك كده لي هنا
زينة وهي تمسك يديها وتجرها ورأها : انا اسمي زينة ومع بابي هنا وهو مش عايز يكشف ممكن حضرتك تيجي تشوفيه
شهد وهي تكتم ضحكتها علي هاته الصغيرة : وريني يا ستي في بابي الوحش ده الي مبيسمعش كلام القمر ده ..
زينة وهي تشاور عليه بعد دخولهم للغرفة : اهو يا دكتورة ..
نظرت شهد اليه بابتسامة سرعان متحولت الي صدمة واغرورقت عينيها بالدموع
شهد بخنقة : و..و..و..وائل ؟؟!!......
Stoop ___________________________________♡
ولهنا يكون انتهي اول فصل من روايتنا الجديدة ، حاجة كده خفيفة ولسة الجاي اجمد ، اتمني تعجبكم يارب واستنوني في الفصل الجاي قريباا ...(#^.^#)
YOU ARE READING
فرصة ثانية للحب
Romanceكانت قصة حبهم يضرب بها المثل .. ولكن .. منذ متي ولم يلعب القدر لعبته القاسية .. فقد كان لهم الحظ الاوفر من هذه اللعبة .. فرقهم .. عذبهم .. ولكن .. هل سيرجع القدر عن لعبته ويحن عليهم أم سيكمل تعذيبهم .. تابعوني في روايتي " فرصة ثانية للحب "
