صدفه غريبه
البارت الحادي عشر والاخير
جمانه السعيدي
زيد...بعد ٣ اسابيع صارت صحتي احسن هواي واكدر اطلع
بس ممنوع عليه اشيل اي شي
ولا اتحرك حركه قويه اي جهد ممنوع عليه
قررت انزل للشغل
بس ابو فاطمه ماقبل
زيد..بدلت ونزلت حوا العمال بس شافوني حيل فرحو بيه
وابو فاطمه كام وقدملي الكرسي
ابو فاطمه...ليش نزلت
زيد.. ضجت من كعدت البيت اريد اشتغل
ابو فاطمه...تكعد وتسكت مااريد اي جهد الصبح ساعتين وتصعد ترتاح
والعصر ساعتين بعدك ماصرت زين
زيد...لا تخاف عليه مابيه شي
ابو فاطمه..انشاء الله مابيك شي
جمانه السعيدي
بيومها واحد من العمال كان يباوع عليه وكانما عندا شي بس متردد
اني توقعت يريد فلوس انتضرت ابو فاطمه طلع
اشرتله تعال
زيد...علي تعال
علي. نعم استاذي
زيد...انت محتاج شي اكو عندك مشكله اذا محتاج شي
لا تستحي ابد
شكد محتاج فلوس مايردك غير السانك
علي...لا مو شغلة فلوس اكو شغله اريد احجيها الك بس متردد
زيد...كول
علي...بس تقسم قسم ماتكول اني كتلك ولله اني فقير مو كد المصايب وعندي جهال اخاف عليهم
زيد. .خوفتني كووول وهذا الكلام راح يكون بيني وببنك
علي...اني احبك واثق بيك حيل وماهان عليه الي صار وياك
زيد...تسلم
علي.. اني اعرف منو الي ضربك
زيد...تحجي صدك منو
علي...رشيد الي ضربك
زيد...شلون عرفت
علي...البارحه سهرانين اني وولد صديقي هذا الولد يصير صديق رشيد كلش
انطاني تليفونه اشوف مقطع وطلع للصحيات
خلص المقطع وكمت اكلب بلتليفون شفت مقطع الرشيد
سكران ويحجي يكول هلمره فلت من ايدي زيد
بس المره الثانيه مراح يفلت شيطان مو بشر سبع أرواح عنده طلع سليم بس وين يروح مني
اقتله يعني اقتله ووين يروح مني اني صار اربع اشهر ادور شغل ومالكيت جنت اللعب بلفلوس لعب
وهو اجا على الحاضر خله بوزه بحياتي وضيع شغلي
جنت كل يوم احصل ١٠٠ الف من غير اجرتي اليوميه
وهو اجا على الحاضر ضيع الشغل مني
جمانه السعيدي
زيد.. عندك هذا المقطع
علي..اي نقلته التليفون بس اني خايف اذا احد عرف
اروح بلرجيلين كل االعمال جانت تعرف بي ياخذ بضاعه
وساكتين يخافون منه شراني كلش
الحد ماشفته انت
زيد.. اريد المقطع هذا رشيد خطر ولازم ياخذ جزائه العادل
وانت مالك شغل محد راح يجيبك بلطاري
زيد. نقلت المقطع واتصلت على ابوفاطمه اجا شافه
وسمع كلام رشيد كله
ابو فاطمه...لا يانذل على هاي المصيبه
لازم نشتكي علي
رحنا قدمنا بي بلاغ وطلبنا التحفظ على ا لسريه بلموضوع
راسا طلعو الشرطه وكدرو يلزمونه
ضل ينكر منا لمن شاف المقطع قبل لا ينحكم علي بلسجن
خليته كتب تعهد اذا دخل السجن واني صار عليه اي شي
يكون هو المذنب وعقوبته ازيد اكثر
لان هذا مجرم ومااكدر أأمن على نفسي بعد الي سمعته
يمكن يدز احد عليه
انحكم رشيد عشر سنوات سجن محاولة قتل مع سبق الاصرار والترصد
وهم ضفنا قضية السرقه للملف مالته
فاتت سنه واني اشتغل بهذا المكان كدرت اشتري قطعه ارض
بلقسط وبكفالة ابو فاطمه هو الي كفلني
دفعت مقدمه نص المبلغ والباقي قسط
جمانه السعيدي
ابو فاطمه كل يوم يتمسك بيه اكثر وصرنا عائله وحده
وفاطمه مابطلت تلمحلي بلحب
الحد ماتفاجئت يوم ابو فاطمه عزمني بيتهم اني وامي
بعد ما كملنا اكل اتجمعنا كلنا فاطمه وامها وابوها واني وامي
ابو فاطمه....اني عندي كلام مهم اريد احجي الكم وخاصه الزيد زيد عزيز عليه ولو عندي ولد مستحيل احبه اكثر من زيد صار سنه يشتغل وياي وكل يوم احتار بشخصيته اكثر كل الصفات الحلوه بي نزاهة شرف اخلاق
ديانه منتضم مودب امين والهذا السبب
اريد امشي بالمثل الي يكول اخطب البنتك ولا تخطب الابنك
اني اليوم اريد اخطب زيد الفاطمه
اقدمها الك هديه كلشي مااريد منك
اني متمسك بيك واحبك واتمنى ماترفضلي هذا الطلب
انت اكثر واحد اكدر أأمن على حياة فاطمه ويااا
ام زيد...بقيت صافنه مامصدكه الي اسمعه
راسا رديت على ابو فاطمه اكيد النا الشرف اناسبكم
ابو فاطمه...ليش ساكت زيد احجي
زيد...اكيد اليه الشرف اناسبكم بس اني ماعندي إمكانية اعيشها نفس هذا المستوى اني توني ابدي طريقي
خاف اقصر وياها
ابو فاطمه...ولله كبرت بعيني اكثر وفاطمه مراح تصير الواحد غيرك
اني ألمن اريد هذا الخير كله هو الكم واني متأكد انت اذا لزمت حلال فاطمه راح تحافظ علي
اصلا اني راح اموت مرتاح اذا فاطمه وياك اني مااختاريتك هيج صار سنه ادرس اخلاقك انت ذهب صافي والذهب يغلى مايرخص
زيد...شكرا لان انت واثق مني يعني انت موأفق تزوجني
فاطمه واني على هذا الحال
ابو فاطمه...منو انولد غني كلنا انولدنا على كد حالنا
الرزق بيد رب العالمين هو الي يغني العباد من خيره
جمانه السعيدي
زيد..التفتت على فاطمه...انتي موافقه تعيشين وياي على هذا المستوى
فاطمه.. اي
زيد...مو بعدين تكولين جنت بيت اهلي كذا وكذا اذا تعيشين وياي تنسين شلون جنتي عايشه بيت اهلج
نعيش على الحلوه والمره سوا فهمتي لو لا كدام اهلج
فاطمه..اي موافقه
ابو فاطمه....خل نقرأ الفاتحه
قرينا الفاتحه والهلاهل علت بلبيت بعد شهرين ازوجنا
الحمد لله حياتنا مستقره وعايشين احسن عيشه
بعد زواجي من فاطمه الله رزقني خير وكدرت اسدد فلوس القطعه وبنيت بيه
هسه اشتريت قطعه ارض جبيره اريد ابني بيه مجمع
بعدني اشتغل بااجور يوميه وياا ابو فاطمه
وبعدني محافظ على الامانه
الحمد لله الي عرفني على هيج عائله طيبه
صار عندي ولد ثنيين وبنيه
الف الف الحمد لله والشكر
وان تعدو نعمة الله لاتحصوها
شكرا للمتابعه دمتم سالمين
أنت تقرأ
صدفه غريبه
Tiểu Thuyết Chungاني شاب حالي حال كل الشباب الي بلعراق تخرجت وبقيت ادور فرصة عمل اريد عمل يرهم وياا شهادتي احب اشتغل بتخصصي اني خريج محاسبه اني وحيد اهلي ابوي توفا بعد تخرجي بسنتين عايشين اني وامي بلبيت البيت ايجار احنا من زمان ساكنين بي صاحب البيت...
