صدفه غريبه
البارت الثالث
جمانه السعيدي
بس حبيت اذكر بلبداية رب العالمين مااختار زيد بلذات
حتى يلكه الجنطه عبث بس لان هو انسان مومن
اختاره حتى ينقذ نفس من الموت وبلاخير راح ياخذ جزاء محافظته على الامانه
هذا كان اختبار الإيمان زيد
ومن يعمل منكم مثقال ذرة خير يره
هسه نرجع للقصه
زيد...اني ابد مااخاف من هاي الشغلات الي شفته بليل
لان اني انسان مومن وكلي ثقه ان رب العالمين
يحصن الانسان المومن من الشر
بمجرد مايكون مومن ايمان حقيقي ويقرا قرآن قبل لاينام
محد راح يكدر يضره
من رجعت للبيت نمت الضهر والعصر اتصل عليه واحد
جنطة زوجته ضايعه
هلمره هاي المكالمه حقيقيه جنطة زوجتي ضايعه بيها ١٠٠ الف وتراجي ذهب
بس اكيد مو نفس مواصفات الجنطه الي عندي
بليل نمت بس غفيت شفت نفس البزونه شفته بلحلم
دخلت غرفتي وصعدت على الجربايه وتحاول تخرمشني
راسا فزيت اتعوذت من الشيطان
بس احس نفسي تعبان لان جنت احاول ادافع عن نفسي
وبعدها عني بس هي مااذتني نزلت من الجربايه
وطلعت برا كلشي مالكيت
أعوذ بلله من الشيطان الرجيم
جمانه السعيدي
رحت اشرب ماي شفته خطفت كدامي
هنا بديت اقلق اني اقرا آيات قرآنية من انام ومااشوف احلام موزينه
بس ليش كمت اشوف هيج اشياء بهذا الوقت بلذات
ماخليت ابالي بسبب الجنطه ابد
امشي واقرا اية الكرسي بصوت عالي
دورت البيت كله كلشي مالكيت
كان باقي على وقت الصلا نص ساعه
بقيت اقرا قرآن الحد وقت الصلا بعدين نمت
الصبح كعدت اتريكت وطلعت ادور شغل
كنت مستعد اشتغل اي شغله المهم اشتغل واحصل فلوس
اريد اغير وضعي
ضيعت كم سنه من عمري واني انتضر الوضيفه
الضاهر مالي نصيب بلوضيفه
رحت افتريت على كم مكان كماليات على مطاعم
على كافيهات ولو اكره هيج امكان
بس مضطر ادور شغل
تعبت وكلشي مالكيت
تعرفون ليش مجاي الكه شغل بسهوله
لان اني انسان بسيط وعادي
يعني لا احلق على الموديل ولا البس لبس
ضيك
ولا اليه بلمجاملات ولا اعرف اتلوك
انسان عادي بسيط
لهذا السبب مجاي الكه شغل بسهوله
رجعت للبيت هذا اليوم الثالث واني مالكيت صاحبت الجنطه اكيد هسه مخبوصه ودور عليه
الله يساعدها مسكينه ايجوز هذا راتبه بقت كل الشهر
تنتضر تستلمه
قررت ارجع اعيد النشر وبااكثر من كروب
رجعت للبيت تغديت ونمت والعصر رجعت نشرت على الجنطه مره ثانيه
بس محد اتصل عليه صارت الدنيا ليل ومحد اتصل عليه
هاي كانت ثالث ليله نمت مجرد ماغفيت
سمعت شلون صوت خربشه بلباب
بس بصوت عالي
فتحت عيني لكيت نفس البزونه تخرمش بلباب
اول مافتحت عيوني كلت بسم الله الرحمن الرحيم
سلاما قولا من رب رحيم وبديت اقرا اية الكرسي
بصوت عالي
بس هي واكفه وعينه عليه
هنا حسيت بخوف الشغله ابد مو تمام
ليش هذا الشي جاي يتكرر وياي كل ليله
كمت واني اقرا آيات بصوت عالي راسا طلعت من الغرفه
فتحت الضوه
لان جنت مشغل ضوه قليل بلغرفه
شفت نفسي عركان واحس تعبان من شنو مااعرف
رحت اشرب ماي واني امشي واقرا آيات بصوت عالي
بس كلشي مالكيت بلبيت
جمانه السعيدي
رجعت كعدت على الجرباية شنو قصة هاي البزونه
وليش جاي تطلعي
اكو شي اكو شي ولازم اعرفه
التفتت صارت الجنطه كدام عيني
ضجت بلزايد هسه اني ليش جبت الجنطه اني عايز دوخه
وشلون راح الكه صاحبته
اني هم مرات مااعرف اتصرف صح
بقيت كاعد اريد الخوف والأرتباك يطلع من كلبي
شربت ماي
بعدين باوعت على الجنطه ليش ماادور الجنطه زين
ايجوز الكه شي يوصلني الصاحبته
طلعت الفلوس وبديت ادور الجنطه ثكيله اكيد اكو شي بيه دورت مالكيت شي
بعدين بلصدفه شفت جيب سري صاير بلصفحه
فتحت السحابه مديت ايدي لكيت تليفون
اي يالله اكيد هذا التليفون راح يوصلني الصاحبت الجنطه
التليفون كان صرصور وطافي شحن
قررت اخلي على الشحن ايجوز الكه صاحبته
جمانه السعيدي
كمت ادور على شاحنه طبعا هذا التليفون نفس تليفون امي
رحت الغرفة امي ادور شاحنه
لكيت الشاحنه امي فزت
امي...هااا يمه كاعد
زيد...اي بعد نص ساعه للصلا اريد اقرا قرآن واصلي صلاة اليل
امي...اني هم اكوم اصلي
جمانه السعيدي
زيد..خليت التليفون على الشحن ورحت توضيت
حتى اصلي
علما صليت وقريت قرآن وكملت
اجيت للتليفون فتحته لكيت بي ٣ أرقام
ثنيين بأسماء اشخاص والثالث مكتوب اختي
زيد...هسه تمام الصبح اتصل على هذا الرقم الي مكتوب اختي واخذ عنوان صاحبت الجنطه
وادزلها الامانه واخلص منه
اخذت التليفون حتى ارجعه للجنطه
لزمت الجنطه من جوه اريد ارجع الفلوس
حسيت اكو شي صلب داخل الجنطه
شنو هذا ياترى
شلت القاعده مال الجنطه لكيت اكو فتحه زغيره بلجنطه
مديت اصابعي وسحبت هذا الشي
كان عباره عن ورقه ملفوفه ومربوطه
صايره جبيره
بلاول اترددت افتحه
بعدين اخذني الفضول افتحه واشوف شنو اكو داخله
كان اكو عليها نايلون وبعدين لاصق
فتحت الاصق وبعدين فتحت النايلون
كانت مو بس ورقه اكو شي داخله
فتحته واذا بلكارثه صورة بنيه شابه تخبل
مكتوب سحر على الصوره
علامة × على صورته ومكتوب مرض وموت
وبعد اكو طلاسم مااعرف اقراها
ياستار ياربي دخيلك يااا لاهي ليش هيج
بنيه شابه ليش هيج
منو هذا الي مسويله سحر وليش
للحكايه بقيه
أنت تقرأ
صدفه غريبه
Aktuelle Literaturاني شاب حالي حال كل الشباب الي بلعراق تخرجت وبقيت ادور فرصة عمل اريد عمل يرهم وياا شهادتي احب اشتغل بتخصصي اني خريج محاسبه اني وحيد اهلي ابوي توفا بعد تخرجي بسنتين عايشين اني وامي بلبيت البيت ايجار احنا من زمان ساكنين بي صاحب البيت...
