سَليلة الدُجى

مشاهد ..

               
                بسم الله الرحمان الرحيم
        قبل ما تقرون خلو نجمة وتعليق حلو
       وابدأ و اتمنى لكم قرأة ممُمتعة حلواتي ❤️

المشهد الأول :

- بليلة شتاء باردة في أحد ليالي ديسمبر
تعلوها الرياح وصوت الأمطار الغزيرة
طلعنة من بيت بسرعة بدون ما ناخذ شي
يدفي أجسامنا جانت سيارة تنتظر كدام باب
صعدنا بيها جان بيها شخص كبير بالعمر ويا مرة
جميلة بشكل لا يوصف انقطعت سلسلة افكارنة
من أمي حچت شي وكفت عقلنا !!

- هذني البنات راح يكونون وياج اريدج تعليمهم
عَ سياسة الشغل وأي شخص يسألج مو بناتي هنة
ولا اعرفهم ولا يعرفني فهمتي أسمي ما ينذكر ..

المشهد  الثاني :

ـ نايمة على ارض ومخلية طفلة على صدري
مشمورين حالنا حال الحيوان بغرفة اشبهه بالقبر
حتة الحيوان ما يگدر يعيش بيها بين لحظة وثانية
ندفر الباب بكل قوة رفعت راسي ونظراتي شفتة
واكف وبأيدة سجينة
وانا داحاول ارضع الطفلة غطيت روحي وحاولت اگوم
بس مگاعد اسيطر من الوجع الي بجسمي كأنو دياكل
بية مثل الدود الي ياكل الإنسان، تقدم خطوات سريعة
علية اخذ طفلة من أيدي ..

- بنتج جابتلنة خوش سعر نكسب
بيها شوي فلوس احسن ما تطلع نصابة على امها
ومابيها فائدة ننقذ مستقبلها احسن من ما نبقيه
يمنة بلاش وحضري روحچ حتة تحضرين عزاء امچ …

المشهد الثالث :

فتح التسجيل الصوتي الي تابع الي وهنا انتهى
كلشي چنت أبني سمع كلشي وعرف كلشي
انكشفت الألعاب والكذبات والخداع الي چنت
ضامتهن علي انكشف كلشي وكع تلفون من أيدة
وبنفس لحضة صارت عيونة بعيوني عيونة عبارة
عن لهيب من الحقد نار الانتقام ! شرارة أحسها حركتني
فرك وجهه بجف أيدة الاثنين وعاط بصوت عالي

ـ ليشششششششششششش يالله ليششششششششش
هيج سويتيييييي ليششششش

غمضت عيني وسديت أذاني حيل ونزلت
دموعي وصرت اسمع صوت تكسير الغراض
وصوت صرخاتة الي تتعالى صوت البچي مالتة
عرفت أنو كلشي انتهى وكُل شي بنيتة انهدم ..

المشهد الرابع :

ـ انت تقبلت الماضي مالتي ؟

نظر إلي نظرات غريبة وفرك وجهه بجف أيدة
ابتسمت باستهزاء وكمت لزم ايدي وكف مقابيلي
حضن وجهي بجفوف أيدة وباس راسي بوسة خفيفة

وردف بصوت ناصي :
- صدكيني راح اتقبلج واتقبل الماضي مالتچ
أني سندچ أني زوجچ اني اخوچ ابوچ أمج اهلچ
لا تفكرين راح أكدر استغني عنچ بيوم من الأيام أنيي
متقبل كلشي يخصچ بس لا تعوفني أني اضيع بدونچ ..

المشهد الخامس :

-تقدمت عليَّ بخطوات سريعة ضربتني بكل قوتها
شهگت بصدمة وايدي رجفت
لأول مرا أيدها تترفع علية، لزمت شعرها وصارت
تفتر بالغرفة مثل المخبلة وتصيح بصوت مبحوح
وبحركة أعصاب كأنو بركان اشتعل داخلها ما كدرت
احجي شي حسيت كلامي حيكون مثل زيت على نارها
صار صياحها اقوة من قبل وتبچي وتعيط ودموعها تتسابق عَلى خدها ..

- شون گدرتي يا حيوان شون أني اختچ
ولج اني الي ربيتچ اني الي چنت احميچ
على حساب نفسي شون كدرتي تطعنيني بظهري
وتجي طبطبين علية وانتِ طاعنتني بظهري

تقدمت عليها احاول أهديها لزمتها
من جتفها ثبتتها مقابيلي واردفت بصوت ناصي :

- ما طعنتچ اني گتلچ خليتيني بين خيارين
وأني خلقت خياري ثالث ما اگدر اعيش ويا الأكاذيب
والعيشة الي غرگتنا آمنة بيها خلينة ننقذ روحنة خلي
ايدچ بأيدي وصدكيني راح ننقذ نفسنة ..

- باوعتلي بنظرات حادة ولزمت جتفي
بثنين ايديها وعصرتة حيل بكل قوتها
وصاحت بعصبية :

الي يغرك يموت وأحنة غركنا من تحدد مصيرنا
ماكو مفر مثل الجندي بالحرب ياما يفوز
يأ أما يخسر ويموت
وانتِ لازم تختارين يأ أما تكملين بالحرب
يأ أما تستسلمي وبتموتي ..

          سوفَ تبدأ رحلتنا المرعبة الذي تحمل
         في سطورها الخداع ولأكاذيب الدموية..

   يتبيع ..
 

يوزر الإنستا
                                                                     donia.altmem