﷽
أحفاد الشيخ خليل
بقلمي انا
لا تنسون ( التصويت + التعليقات بين الفقرات)
وَاصْبِرْ عَلى هَجْرِ الحَبِيبِ فَرُبَّما
عَادَ الوِصَالُ ولِلْهَوى أَخْلاقُ
ـــــــــــــــــــــــــــــــــــــــــــــــــــــــــــــــʚɞ
روح
گاعدة وصافنة بمخيلتي حسيت على ملاك
گعدت بصفي ما أهتميت الها اوفف قهر بقهر
ملاك: ترا والله مايصير هيج عادي انو نسيتي نقطة ما جاوبتي عليها.
روح: يبو ولج هاذا سادس سادس تُعرفين شنو سادس وأصلاً اني مواعدتة اطلع مُعدل عالي.
ضحكت ملاك بصوت عالي وأردفت
ــ كُل هل مدة غايب وبعدج تذكرينة؟
ــ ملاك أوزني كلامج ليش اني ناسيتة حتى اتذكرة؟
جريت كُتبي وملازمي بعصبية وگمت اريد اطلع من المدرسة بأعتبار اليوم اخر
يوم النا لأن كملنا امتحانات ،
مشيت كم خطوة وحسيتها تصيح بأسمي
ــ روح روح ولج اوگفي شنو هل عصبية يمعودة؟
ــ تدرين يا ملاك كُلشي ولا هاذا الموضوع تدرين بس شگد حساس عندي.
ــ اسفة والله اسفة ان شاء لله يكون بخير ويرجعلكم سالم.
رديتلها من ورى خشمي وأني أمشي
ــ ميخالف عود شُكراً لأن دعيتيلة.
ملاك: شبيجج بس اوگفي شگد عنودية.
أستداريت ناحية ملاك واني اگول
ــ خلاص ما زعلانة بس تعبانة اريد اروح للبيت.
ودعت ملاك وحضنتها وأني اوصيها على نفسها..
روح: أكذب على نفسي اذا اگول هاذا الموضوع ميأثر بية بس تبقى شغلة وحدة أبالي ومقتنعة بيها انو هو ( وعدني ما يعوفني )
خُرجت من المدرسة تلگاني اخوية (محمد)
الي كُل هل فترة تكلف بكُلشي يخص
أمتحاناتي ودرسني وتعب علية..
محمد: ها بغبغائي شلونك بلأمتحان
روح: باوعتلة بطرف عيني واني اگول الة
ــ كم مرة گتلك لا تحاجيني بصيغة ولد؟
محمد: انجب لك غير انتَ روح روحي.
روح: ضحكت واني اگول والله ابد ما يجوز من سوالفة....
وصلنة للبيت بعدنة بالباب ونسمع صوت هوسة فتح الباب ياسين اخوية الكبير
روح: منو يمنة.؟
ياسين: بيت خالي مُنذر.
روح: اهوووو استغفر الله ياربي شلون سالفة من الصباحيات.
اردف محمد وهو يغمز
محمد: ها لازم ما يعجبوج بيت خالج.
روح: ترا حتى انتَ ما تعجبني...
ركض وراية محمد وهو يگول
ــ اني اعلمك بغبغاء.
نسيت انو بيت خالي هنا ركضت الداخل البيت وأني اصرخ بصوت عالي
ــ وين أحترام المرءة
أنت تقرأ
أحفاد الشيخ خليل
Adventureحبٌ مُتماسكٌ كالغيوم حبٌ ساطـعٌ كالنجوم حبٌ لامـعٌ كأنياب النمـور حبٌ طائرٌ كجنحان الصقـور فإن كان الحُب تـلال فحبي سلسلة جبـال. وإن كان الحب مـال فحبي كنوزٌ وأمـوال. كيف كان الحُب في حياتهم هل هو ــ جميل. ام ــ جحيم.
