﷽
أحفاد الشيخ خليل
بقلمي أنا 👈🏻
لا تنسون (التصويت + التعليق بين الفقرات)
وتظن أنكَ أبحرتَ وتعمقتَ بي وأنتَ لم تتجاوز الشاطئ حتى.
_____________________________♡
في بيت الشيخ خليل
زينب
گعدت من النوم على صوت صراخ مرت عمي
ما أهتميت مثل كُل يوم ادورلها
مشاكل او زلة على أي شخص فتت للحمام غسلت وجهي وأني صافنة على ملامحي دزيت بوسة بالهوة الروحي وأني
أگول
ــ فدوة الله آكل روحي مو والله أخبل.
نزلت من الدرج تصادف وياي أبن عمي
حسين
زينب: صباح الخير.
حسين: صباح الحب.
گالها وهو يغمز ألي حمحمت وأبتعدت من الدرج، شفت جدي مترأس طاولة الطعام تقدمت يمه وأني مُبتسمة
زينب: صباح النور جدي.
الشيخ خليل: هلا ببنيتي صباح الورد.
زُبيدة: وأحنى ما ألنة صباح الخير.
ضحكت بصوت عالي وأني أگول
ــ يابة صباح الخير والعافية للكُل.
ضحكت عمتي وحيدة جدي ناهدة وهية تگول
ــ صباح الخير.
اخذت موقعي وگعدت آكل حولت انضاري على الباب واني اتأمل يجي ويطل على هاي العائلة ومُستحيل زوجة عمي ما تسممني بكلامهة
ــ امممم يمكن التنتضري ما يجي ههههههههه.
ضحكت بصوت عالي وهيَّ من أصحاب الضحكة الرنانة ما أكتملت ضحكتها ويفوت هو من باب المطبخ ويگول
ــ مو معقولة گليبي يگولي زينبي مشتاقتلي وأني ما أجي افاا مرت عمي.
كمل كلامة بأستهزاء وهو يغمزلها عفت آكلي وركضت علية
فتحلي أيدة يستقبلني بأحضانة
بكيت وضحكت بنفس الوقت
زينب: و وينك وينك مُها مُهاب والله اشتاقيتلك.
مُهاب: اخخ زينبي عمري وروحي اني هم مشتاقلج وهواي هواي هم.
ضليت متعلگة بي وأبجي كأنما يريد يطير
أردف ابن عمي وهو حابس ضحكتة
علي: أخ زينب نسيتينة بس، شفتي.
زينب: باوعتلة بطرف عيني بعدين انتبهت شلون متعلگة بمُهاب أبتعدت منة وأني اگول
ــ چؤ علوشات ابد ما أنساج.
هجم علية وهو يگول
ــ والله العظيم انتِ الله مطيح حضج يا عار من لگة احبابة نسة أصحابة.
ابتعد مني مُهاب وهو يروح يسلم على جدي وباقي عمامي ضحكت بگلبي وأني اشوف مُهاب صاگرهم صگر خصوصي زوجة عمي الي كُل يومية صوتها يلعلع
من يجي مُهاب تلصم طبعاً مُهاب اخوية فقط من الأب ما عاش حنان الأم أمة توفت بالولادة
عاش مُهاب حياة سيئة ممكن بالمستقبل نطرء الهاي المواضيع......
قطع صفنتي علي وهو يتقرب مني ويگول
ــ شبيج صار ساعة احجي وياج الصفنة مو ألج.
ــ اهوو علوش شگد تكذب هو مُهاب ما صار 10 دقايق من أجة.
ــ بيمن تفكرين؟ شعندج صافنة؟.
أنت تقرأ
أحفاد الشيخ خليل
Adventureحبٌ مُتماسكٌ كالغيوم حبٌ ساطـعٌ كالنجوم حبٌ لامـعٌ كأنياب النمـور حبٌ طائرٌ كجنحان الصقـور فإن كان الحُب تـلال فحبي سلسلة جبـال. وإن كان الحب مـال فحبي كنوزٌ وأمـوال. كيف كان الحُب في حياتهم هل هو ــ جميل. ام ــ جحيم.
