عيناك بحرًا تاهت بهِ سُفني وتَزعزعَت بهِ نَبضات قَلبي وانفاسي

عيناك بحرًا تاهت بهِ سُفني وتَزعزعَت بهِ نَبضات قَلبي وانفاسي - 3

اللهم صل وسلم عليه نبينا محمد

كان فارس جالس يرسم اتصل جواله وماهتم ورجع اتصل مره ثانيه ومسكه وشاف انه رقم غريب رد
الغريب : السلام عليكم
فارس جلس على الكنب اللي جنبه : وعليكم السلام
الغريب : معي فارس بن مهنّد آل جارح؟
فارس بستغراب : اي نعم من معي؟
الغريب : معك مستشفى **** بالرياض
فارس بدا للخوف يدب بقلبه : عسى ما شر اخوي
الغريب : ماشر ان شاء الله لكن تو دخل علينا شخص مسوي حادث ورقمك من الارقام الموجودة في حالات الطوارئ في جواله ممكن تجي
فارس والخوف احتله كله : مين.؟
الغريب : تعال وبتعرف ماقدر اقول لك شي في الجوال
فارس : دقايق وانا عندك
قفل منه ولف على سعود : سعود متصل علي مستشفى *** ويبيني اجي يقول ان في احد مسوي حادث ورقمي موجود في حالات الطوارئ في الجوال حق الشخص تجي معي؟
وقف سعود : اجي معك ليه ما اجي امش
طلعوا وركبوا السيارة حرك فارس وهو خايف كل شخص ممكن يطري على باله انه هو اللي مسوي الحادث دخلوا المستشفى وركض فارس للاستقبال فارس : انتم اتصلتوا علي قبل شوي وقلتوا ان في احد مسوي حادث ورقمي موجود في حالات الطوارئ
الممرض : اخوي اهدا اليوم جو ثنين بس اللي في الحادث وواحد في العمليات والثاني ماجاه شي
فارس : وش اسم اللي في العمليات
الممرض : ماقدر اقول لك روح للدكتور فهد
فارس : وين مكتب الدكتور فهد؟
الممرض : الطابق الثاني اول مكتب على يمينك
راح فارس وسعود وراه للمكتب اللي وصفه لهم الممرض
دخل فارس : دكتور فهد
الدكتور فهد : اهلا مين؟
فارس : اهلا فيك معك فارس بن مهنّد آل جارح
الدكتور اللي عرفه : اهلا فيك اجلس اجلس
فارس : يادكتور تكفى قول من اللي مسوي حادث ترا جيتك هنا ونا مو قادر اشيل نفسي
الدكتور : بقول لك مين بس اجلس
جلس فارس وجلس معه سعود
بدأ الدكتور يتكلم عن العملية وخطورتها وانه ممكن يدخل غيبوبة
الدكتور فهد : ان شاء الله انك فهمت يا اخ فارس
مسح فارس المتوتر وجهه : فهمت يا دكتور بس انت قول من اللي مسوي حادث
جاء اتصال على تلفون المكتب ورد الدكتور فهد
الممرض : يادكتور المريض طلع من العملية
الدكتور فهد : طيب انا اجيك الان "ولف على فارس وسعود المتوترين " تعالوا وتعرفوا من مسوي الحادث خلص عمليته
طلع الدكتور فهد ووراه سعود وفارس دخلوا للغرفة اللي كان فيها وليد
الدكتور فهد : ان شاء الله انكم عرفتوه وليد بن فهد ال زايد
ناظر فارس وليد صاحب طفولته واخ دنياه وسنده بصدمة رجوله ماعاد شالته طاح على ركبه وهو يناظر وليد المستلقي على السرير والبياض مغطيه من كل انحاء جسمه كان يناظره وهو مو قادر يستوعب او يصدق وده انه بحلم ويصحى منه الان هو ما يتحمل لما وليد تصيبه حرارة كيف وهو ممكن يدخل غيبوبة 
لم يكُن يشعُر بدمِوعه التي بللت خدَه كان يريد أن يستيقظ من هذا الكابوس الذي يخشاه أكبر مخاوِفه هَو فقدان عزيزاً على قلبهِ نعم هَذا يكون فارس اللي لا يُحزنه شيء هَذهِ هِي دموعِه هَذا هو ضُعفه احس وكان الدنيا تدور به وفقد الوعي
صرخ سعود المصدوم : فارس فارس!!!!! "لف على الدكتور " تكفى يا دكتور تكفى اخواني لا يروحون
كان الدكتور فهد تو يستوعب ان اكبر غلط سواه هو انه دخلهم على وليد من دون مايقول لهم من هو بس يظن أن مابينهم ذي المحبه اللي جعلت فارس يهوى في الارض نادا الممرضين عشان يشيلون فارس ويفحصونه
ربت الدكتور على سعود : معليك معليك فارس انخفض معه الضغط وذا اللي سبب الاغمى ووليد ان شاء الله يكون بخير
سعود وهو مايسمعه لن السكر منخفض معه بقوة وهوى في الارض
انصدم الدكتور ونادا الممرض بسرعة عشان سعود
جاء الدكتور عبدالله اللي يكون صديق الدكتور فهد
عبدالله : فهود وش فيك؟
فهد بصدمه من اللي سعود وفارس : يابن الحلال جانا واحد مسوي حادث وفيه رقم موجود للحالات الطارئة اتصلك عليه وجوا اثنين
عبدالله : طيب وش فيها؟
فهد : وكانوا خايفين وعلى جيتهم طلع خويهم من العمليات وقلت ادخلهم عليه عشان يعرفونه اوك؟ اوك دخلتهم وليتني مادخلتهم يوم شافوا خويهم طاح فارس على ركبه وماعاد تشيله رجوله وبدأت دموعه تنزل وهو ساكت
عبدالله : ياعمري عليه
فهد : كان يناظر وليد بدون ردة فعل بس دموعه تنزل وفجأة هوى في الارض الا سعود اللي كان يناظر بصدمة انتبه له وفز له وبدا يصارخ باسمه ولف علي وقال تكفى يادكتور اخواني لا يروحون كان يقول لي تكفى كانه طفل جالسين يمنعونه عن حضن امه واخلي الممرضين ياخذون فارس عشان يفحصونه الا الضغط معه منخفض وجيت ابشر سعود وفجأة هوى هو بعد في الارض احس اني ندمت اني دخلتهم عليه
عبدالله : امش نهديهم
دخلوا على فارس
الدكتور عبدالله : الحمدلله على السلامة يا فارس
فارس بهدوء : دكتور وليد وين؟ لا تقول صار له شي لانك تكذب وليد مايتركني
عبدالله : فارس اهدا وهذا قدر الله ترا اللي جالس تسويه حرام
ناظره فارس اللي عيونه حمراء من حبسه لدموعه : يادكتور تكفى لا تكسر ظهري وقول وليد مافيه شي قول اني في حلم مو علم
عبدالله : لا علم وهذا شي مكتوب حرام اللي تسويه يا فارس
جلس يتلفت فارس : سعود سعود وينه سعود مايتحمل بينخفض معه السكر انتبهوا له
جاء بيوقف
عبدالله : هيه هيه انتظر لين ينتهي النغذي وقوم
فارس : انا اتحمل بس سعود مايتحمل تكفى يادكتور سعود مايتحمل خلني اروح له
فهد :فارس سعود انخفض معه السكر واخذناه معليك هو في ايدي امينه
فارس : يادكتور تكفى تكفى اخواني
الدكتور فهد : طيب ايش صلة القرابه بينكم عشان المعلومات؟
فارس : اصحاب مابينا اي قرابه لكن اخوان انا اسجل معلوماتهم
الدكتور فهد : طيب الان اجيب لك الاوراق
طلع فهد يجيب الاوراق عشان فارس يعبيها
دخل سعود بعد ماطلع فهد ودموعه مغرقه عيونه : فارس
غمض فارس عيونه : لبيه
سعود بغصه : فارس وليد يا فارس
فارس : بخير بخير بأذن الله تعال انت
قرب سعود وحضن فارس وانهار كان يبكي خوف على وليد وخوف على فارس
كان المشهد محزن ل عبدالله اللي شهد كل شي من يوم دخل سعود دخل فهد اللي جاب الاوراق
فهد : فارس تعال عبي الاوراق
فارس ابعد سعود عنه وراح ل فهد : اسمه وليد بن فهد آل زايد عمره 26 موليد شهر رمضان عنده حساسية من العسل رقمه 05******** رقم ابوه 05******* وحيد امه و ابوه موليد حايل
عبدالله : ماشاء الله عليك كل ذي حافظها
فارس بابتسامة باهته : ماينسى احد عن اخوه شي
فهد : يعطيك العافيه هل نتصل على ابوه او انت تقول له؟
فارس : لا عمي مايتحمل انا اقول له لا تتصلون
اتصل فارس على ابو وليد : سلام ياعم اخبارك واخبار عمتي
ابو وليد : بخير كلنا يالله لكل الحمد اخبارك انت ووليد و سعود؟
فارس : بخير كلنا يالله لكل الحمد عمي ماعندك نيه تجي لــ نجد؟
ابو وليد : ليه ياوليدي عسى ماشر
فارس : ياعم بنسوي ل وليد حفل وانتم لازم تكونون موجودين
ابو وليد : تم من بكره وانا عندكم اهم شي وليد
ابو وليد : تم من بكره وانا عندكم اهم شي وليد
فارس بغصه : يالله استودعتكم الله ولوصتم اتصل علي
قفل فارس من ابو وليد وكان يتقطع من الوجع غمض عيونه واردف : اقدر اروح لــ وليد؟
عبدالله : اي امش اوديك له
مشاء فارس وعبدالله ل وليد ناظر فارس للممر اللي نهايته غرفة وليد كان يشعُر أن كل ماخطا خطوة ابتعدت غرفة وليد ألف خطوة اغمض عيونه عندما وقف امامها تنهد ودخل ارتعش جسمه من قوة البرد رفع نظره ل وليد المستلقي على السرير الابيض ونآم بهدوء مشى وجلس بالكرسي اللي بجنب سريره وردف فارس بنبرة موجعة : تكفى يا وليد تكفى
كتم دموعه وكمل بوجع : تكفى تكفى لا تهدّ حيلي تكفى يا وليد تكفى لا تذبحني تكفى وليد لا تخليني تكفى قوم
بلع غصته وكانه بلع جمره مو غصه وميل راسه وابتسم ابتسامة باهتة : وليد تخليني تخلي فارس  وانت اللي كنت تقول فارس روح والروح ماتنترك ليه تبي تتركني؟
سكن فارس من وجع روحه بدأت دموعه تنزل وهو ماهمه اردف بنكسار : وليد ' سكت شوي ورجع قال : وليد تكفى قوم ... وليد يا اخوي لا تهدّ حيلي
دخل عليه عبدالله  : فارس لازم تطلع
طلع فارس شاف سعود قدامه ومعه فهد
فهد : امشوا اوصلكم
فارس وهو يلف ل سعود : قست سكرك؟
سعود بتعب : اي وطلع 140
اومى فارس راسه : زين
فهد : امشوا اوصلكم