عيناك بحرًا تاهت بهِ سُفني وتَزعزعَت بهِ نَبضات قَلبي وانفاسي

عيناك بحرًا تاهت بهِ سُفني وتَزعزعَت بهِ نَبضات قَلبي وانفاسي - 4

- كتبت بِحُب
- قِراءة مُمتعة
-
سعود : اول مره اشوف البيت موحش كان دايما الأمان لي ذا البيت لكن اكتشفت انه أمان في الاشخاص اللي فيه مو من البيت نفسه
فارس : البيت ذا جيناه واحنا مراهقين واستقرينا فيه واحنا صغار وبنينا فيه ذكريات كثير وماني مستعد اخسرها او اخسر البيت او واحد منكم
رن الجرس قاموا سعود وفارس
وراح سعود يفتحه
وشاف عزيز
سعود : ارحب
عزيز : هلا والله اخباركم .؟
سعود : انا وفارس بخير و وليد الوفى يجيك فارس يقول لك وش فيه
عزيز بخوف : سعود لا تخوفني وليد وش في؟
سعود : ادخل ادخل
دخل عزيز وسكر سعود الباب
مشى كم خطوة ورجع رن الجرس
سعود : مين بيجي الحين؟
فتح وشاف عبدالله وفهد
سعود : هلا والله حياكم
فهد : ياهلا فيك جينا نتطمن عليكم
سعود : اقلطوا
دخلوا فهد وعبدالله وسكر سعود الباب ومشى كم خطوة ووقف
فهد : فيك شي؟؟
سعود : لا امشوا بس بتاكد محد بيرن الجرس
عبدالله : امش امش
سعود : فروس عزيز فيه ضيوف
فزوا فارس وعزيز اللي كان لبسهم مايسمح يستقبلون ضيوف
عزيز اللي كان لابس شورت و بلوزه كروهات
فارس كان لابس شورت اسود و وبلوفر بنُي
مسك عزيز البطانيه اللي كانت على الكنب و تلحف فيها
دخلوا فهد وعبدالله وغمض فارس عيونه : حسبي الله عليك ياسعود
سلموا عليهم وراح يجيب سعود القهوة
جابها وقهواهم
فارس : يالله حيهم اخباركم؟
عبدالله وفهد : يالله لكل الحمد انتم اخباركم؟
سعود : زين جيتوا عشان تقولوا ل عزيز حالة وليد
عزيز : سعود ترا من دخلت وانت تقول وليد ووليد وليد وش فيه؟
فهد : وليد سوا حادث ودخل بغيبوبة وبإذن الله يصحى لا تخاف
وقف عزيز من الصدمه : قولوا مقلب قولوا مزح ترا مزحكم سخيف وثقيل
غمض فارس عيونه : ما يمزحون يا عزيز ولا هو مقلب
عزيز بصراخ : فارس انت مستوعب وش تقول؟ ترا هذا وليد!!!!!!
وقف فارس بصراخ : وانا اعرف انه وليد وصدقوني ولا واحد منكم بيعز ويحزن على وليد كثري انا!! ولا احد كلكم تعرفون وش يعني وليد ل فارس!!!! وليد اخوي
جلس فارس ودموعه بعيونه مو قادر يستوعب
جلس عزيز عنده وكانه استوعب : فارس
فارس : هلا
عزيز بغصه : فارس
غمض عيونه : سم عزيز تراك دكتور مرت عليك حالات كذا اهدا
عزيز : فارس هذا وليد
ضمه فارس له وبكى عزيز على كتف فارس 
فهد : استهدوا بالله و وليد كانت الضربة على كتفه اقوى وممكن مايحركها ولازم علاج طبيعي
سعود عشان يغير نفسية عزيز : عزيزوه علاجه انت لانه كان يتهزئ في دكاترة الطب الطبيعي
فارس بضحكة : صح
عزيز بضحك : هين والله لا اوريه
عبدالله : انت دكتور علاج طبيعي؟
عزيز : اي نعم معك الدكتور عزيز بن خالد ال تركي
عبدالله : والنعم والله
عزيز : معليك زود
عبدالله : وانتوا؟
سعود : لسى طلاب جامعة
عبدالله : وش التخصص؟
فارس : ادارة اعمال
عبدالله : انتم معمرين بالجامعة؟؟؟
فارس : لا بس اخذنا سنة اضافية
فهد : اهاه
دق جوال سعود
ناظر له سعود : بدروه يدق
فارس : هاته
اخذه فارس ورد
بدر : اهلا سعود
فارس : معك فارس
بدر : ياهلا ب فارس اسمع جاءنا عرض نصمم بيت
فارس : بدر كم مره اقول احنا مصممين ومهندسين لكن مستحيل استقبل شي الفترة ذي اعتذر منهم
بدر : ابشر
سعود بصدمه : انت مين؟ وبدر حقنا وينه؟
بدر : سعود فيك شي؟
سعود : اول مره ماتزعجنا عشان العرض حلو وحرام نخسره
بدر بحزن : اول ازعجكم لاني ضامن ان وليد لو عصبت فيكم بيفكني منكم الحين من يفكني منكم؟
فارس : انت بوجهي من كل ضيم لحد مايصحى وليد
بدر : المهم طمنوني على وليد
فارس : ابشر
عزيز : بروح اسوي كركديه تبون؟
عبدالله : هاه؟
فارس : انا مسوي شوفها في الثلاجة
عزيز : ياحبي لك