☆ بـيِـنْ جَـنَاحٍيِنْ مَكْسٌورٍيِنْ

المقدمه

روايه تحكي عن بنت قست عليها الظروف وظلمتها الدنيا !
ارين بنت ليبيه تربت بين ام وبو مش متفاهمين وديما امهم حرجانه في حوشه هلها وبوهم ايسيب فيهم بالشهور في حوش جداهم الي كانت متحبش الدوشه ومتحبش انها اتحمل مسؤليت حد ارين كان عندها خو اكبر منها اسمه علي كان قاسي هلبا وظالم تربى ع انه الولد وانه مسموحله كل شي وانه الضرب هو وسيلت التفاهم وهو اسهل طريقه بيش اتبين رجولتك 💪🏻
وخو اصغر منه عمره 10سنين كان مظلوم هلبا لانه امي اتخلي فيه ب لشهور في حوش جداي هدا السبب كان ليه الاتر لكبير ع شخصيته كان يخاف من الضرب ويخاف من خوي لانه كان ضرب عنيف
للاسف نفسيتي ادمرت هلبا لاني اتعبت من العيشه هيا بوي وامي يتعاركوا ويرجعوا كانهم ماشافوا شي واني وختي نفسيتنا تعبت اني تعبت من كلام عماتي ومن ظلم مرت عمي ومن كلام جداي الي زي السم ومن ضرب خوي ليا منغير سبب مجرد انه معصب وانه ولد وﻻزم يراعوه

اسفه ع المقدمه الطويله نعرف روحي ورواره هلبا 😁انتمنى ان الروايه تعجبكم

ارين:عمري 19نقرا ثالثه تانويه ببساطه ﻻني عاودت السنه ومن هنا تغيرت حياتي 180درجه كرهته حياتي لان كنت نحب قرايتي هلبا وامي وبوي تعاركوا في السمستر التاني وكل العاده مشت لحوش هلها وسبتنا وراها وبوي سافر لطرابلس وخلانا في حوش جداي الي ﻻترحم وﻻتخلي رحمت ربي تنزل مافكرت اني شهاده وﻻزم نقرا كانت اتشوف في راحتها اهم من اقرايتي وكنت نمشي لتانويه منغير فطور ونرجع للحوش طبعا ع رجليه ومدرسه كانت بعيده اشويه ﻻكن عادي اهم شي قرايتي ونرجع انظم الحوش نفطر انا وخويا ونخليه ايتريح ﻻنه صغير ع المعاناه ونرقد اشوي ونوض اندير لغداء ونرقى لحوش عمي انضمه ﻻنه عمي هوا الي يصرف علينا وﻻزم نعاون مرته او بالاحره نخدمها ونقري صغاره وكنت نقرا انا وخوي معاهم ومرت الايام عادي لين قربو الامتحانات وشديت روحي وبديت نقرا وﻻني نقرا اول باول فمتعبت هلبا وجو الامتحانات وكنت متحمسه وفي الاسبوع الاول الحمدلله كنت مجاوبه في كل المواد يوم الخميس اخر يوم في الاسبوع الاول انتع الامتحانات كنت نقرا في الماده الجايه وسهرانه وكان خوي علي برا الحوش ليه اسبوعين وعادي هو ولد والولد مايعيبه شي المهم روح للحوش سكران وشافني سهرانه قالي شن اديري ي بنت الكلب قتله نقرى مش زيك جاهل من لعدادي بسيب قرايته وخاش ع الحرام ويشرب في السم الهاري بدال ماتكون سندنا جيت انتي وهلك والدنيا علينا كان لساني متبري مني للاسف😌
علي ضلمت عنده وحصلت طريحه باهي طبعا جداي مستحيل اتكلمه ففش غله وامراضه النفسيه فيه حاولت نهرب نزلت نجري من الدروج وهو لحقني دفني من اول درجه لاخر درجه ولااسف فقدت الوعي نضت في المصحه رجلي امجبسه ودايغه وايباري اشكاره في ايدايا وعمي جنبي وجاء الدكتور قال ﻻزم اتبات اسبوع في المصحه ﻻنهوم ايخافوا ايجيني نزيف داخلي او شي وكان عندي فقر دم بسبب قلت الماكله طبعا انا اول ماسمعت اني ﻻزم نقعد اسبوع انهرت انا نمتحن شهاده ي ناس يعرب هوه بس عمي ماعدل عليه وﻻجداي واقعدت في المصحه املوحه جوني مرتين بس ﻻنهم مسكيني عندهم مشاغل ومش فاضين وطلعت من المصحه ورجع بوي اول ماسمع بالخبر وطبعا خبروه متأخر ﻻنهم مش فاضين ولا الموضوع مش مهم كدب ودلع بنات زايد طيحت دروج شن بدير يعني ومؤت الايام وخوي كانه مش مداير شي وطلعت النتيجة وعاودت السنه ونفسيته ادمرت ﻻنها وجعت انا الطالبه الشاطره المتميزه نعاود السنه
علي : عمره 23سنه ابطل لقرايه ويشرب مافيش حاجه غلط مش امدايرها
بوي خالد: عمره52 عصبي هلبا وفي نفس الوقت حنون يهرب من المسؤليه
امي خوله :48 عصبي وتحب روحه بس انسانه انانيه مع احترامي ليها اتحب للفلوس وكان اغلب مشاكله هي وبوي عشان لفلوس وتقارن في روحه مع الكل وﻻزم اتكون احسن وحده ﻻنها خوله طبعا بنت العز
خوي الصيغر : اسمه عمر عمره 10سنين
وهادي عيلتي المتواضعه الي قد ماكان فيها مشاكل مكنت انحس في الامان اله معاها