السلام عليكم
ذكرياتي # اللعينه #
للكاتبه# حوراء #
........................................................................
طبعاً ابتهال گعدت الساعه 8 الصبح وكعدت علي وحسين وسندس وزينب وبنين ورقيه وحمزة وفرقد وسليمان كعدتهم گاموا كلهم غسلوا وجوهم والچناين وابتهال سون ريوگ گعدو على الميز مالت الاكل وكعدو يتريگو والسوالف تروح وتجي وبعدين كملو اكل وراح علي وحسين كل واحد لشغلة وزينب وسندس وبنين شالن المواعين وغسلنهن ورتبنهن وراحن يسوون غدة تبسي دجاج شوي و دولمه وبرياني
ابتهال: ولچ يمه بنونة تعالي
بنين: اي يمه جايه جايه
ابتهال: ولچ بنونه خابري على شيماء هيه وزهراء كليلها معزومه على الغدة
بنين: تمام ماما راح اگللها
راحت بنين لغرفتها وخابرت ام صديقتها
بنين: هلو خالة شلونچ؟
شيماء: هلو خاله زينه الحمدلله بخير انتي شلونچ وشلون ماما زينين؟؟
بنين : الحمدالله بخير تسلمين خاله اريد اكلج شي
شيماء: دومكم ان شاء الله، اي گولي خوما اكو شي؟
بنين: لا والله خالة سلامتچ امي تسلم عليچ وتگول معزومه على الغدى هيه وزهراء
شيماء: يا خاله عليش تعبتوا نفسكم
بنين: غالي والطلب رخيص لا والله خاله لا تعب ولا شي تنورينه
شيماء : تمام خالة يصير خير
بنين: مع السلامه
شيماء: مع السلامه بنيتي
كملت اتصال وراحت نظفت البيت وسوت وياهن غدة وشويه اجت زهراء وشيماء سلمن عليهن سندس وزينب وابتهال وبنين وراحن گعدن بالصاله وشويه اجت بنين قدمت الهن مي بارد وشويه فرشوا السفورة ونقلوا الاكل وكعدوا يتغدو وكملو وراحن غسلن وسندس وزينب غسلن المواعين وبنين اخذت زهراء وراحت لغرفتها
بنين: اكلج زهورة
زهراء: ها كولي؟ ( تذكرت هاني الكلاوچي)
بنين: ملل شنسوي؟
زهراء: خلي نلعب اونو
بنين: يلا تمام
لعبن وكملن وگامت بنين استأذنت شيماء علمود تاخذ زهراء وياها للسوك
بنين: خاله ممكن زهراء تروح وياي للسوگ اذا مابيها مشكله؟؟
شيماء: خاف تتأخرن؟؟
بنين: لا والله خاله چم ساعه ونجي
شيماء: تمام الله وياچن
بنين: تمام خاله
وراحت بنين لزهراء وكلتلها
بنين: ولچ زهراء جايتچ بخبر يجنن
زهراء: شنو؟
بنين: يلا كومي حضري روحچ علمود نروح للسوك
زهراء: صدك والله؟ ، تمام اني رايحه اجهز نفسي
وجهزن نفسهن وحطن ميكب خفيف شويه واقي شمس وگلـوس ومسكارة وكونسيلر وبنين لبست فستان بيج فاتح ولبست فوكاه صايه وحجاب بيج وكعب بيج وزهراء لبست فستان بيبي بلو وفوكاه صايه وحجاب ذهبي ولبست كعب اسود وراحن
بنين: خاله احنه راح نروح ثيمالا
شيماء: الله وياچن گلب
وراحن للسوك واشترن فساتين وكعوبه وأحجبه ودشاديش وبس كملن وراحن للبيت اجرن تكسي وصعدن وسوالف تروح وتجي بينهن وراحت زهراء لبيتها وبقت بس بنين
ملاحضه: ابو التكسي چان متخفي
ابو التكسي غير اتجاه الطريق وبنين ارتبكت وكامت ترجف وفجأة!!!!
ابو التكسي يوخر الشماغ وطلع ابن عمها حيدر!!!
حيدر: اني من زمان تقدمتلچ ورفضتيني ليش؟؟
بنين: لان ما احبك اكرهك
حيدر: بسيطه تدللين
وراح حيدر لمكان مهجور او نسمي بالعراقي تجاوز واول ما طبت للبيت عيونهه دمعت شافت منضر مخزي ورديء شافت شباب وبنات بوضعيه خايسه وحرام كامت تريد تطلع تدور بعيونهه على مخرج تريد تطلع بس شاء القدر وما فعل ما لكت واجاها حيدر اخذها للغرفه وراح يسبح ولحسن حضها چانت الساعه 7 بالليل وراح حيدر يسبح ولگت شباچ چبير يعني نعتبرة كمخرج الها اخذت بطانيات وشدتهن وحدة بوحدة وطلعت ولكت چدامها تكتك صعدت بيها ودلته على بيتهم واول ما وصلت شكرت رب العالمين دكت الباب وكلها ركضت امها وسندس وزينب ورقيه واول ما شافنها كامن يبچن ليش لأن عبالهن مخطوفه
ابتهال: ولچ يمه وين چنتي؟؟
بنين: يمه شويه تاخرت شبيچ
يتبع......
