هوَ قدري؟

1

كلعاده كل صبح على هلروتين امي تجي تكعدني من النوم
الام: مريم كومي حتتأخرين مثل كلمره وتاكلين رزاله من الصبح يلا كومي
مريم بنعاس: ماما حبابه بس 5دقايق. ماحس اله شي بارد فوك راسي فزيت من نومتي وصحت
: يعنيييي مو نايمهه ليششش. عاطت بيه امي ونزلت كمت بكسل لبست ملابسي واعدل بشعري اجاني اتصال استغربت منو من الصبح شلت التلفون وشفت الاسم(رضا).
: استغفر الله ربي من الصبح مغثه شيريد هذا.
عفت التلفون وغلست بين ماحط مكياج واسوي شعري حعرفكم على نفسي اني مريم عمري 22 اشتغل بمستشفى........ نسيت اعرفكم على امي الشخص الوحيد الي يستحق احبه عانت هواي حته تكبرني وتوصلني لهلمرحله هيه مو بس امي هيه صديقتي واختي وابوي . الي ميستحق اسمي اب يرجع للبيت كل 15يوم ومن يرجع يدخلنه انذار صياح ويضرب امي على اتفه الاسباب امي باقيه ويا بس علمودي حته اني مرات يضربني وياها بس هيه تلزمني وتوخرني وتكول(اضربني الي هيه متتحمل اني اتحمل) .
الام: مريمممم بسرعههههه اجت صديقتج.
فزيت من صفنتي ونزلت ركض انطتني امي لفه بأيدي وباستني بخدي وطلعت صعدت بالسياره سلمت على صديقتي بعدين اكمللكم التعريف.
مرام: البارحه اتصل عليج متردين خفت عليج عبالي بيج شي.
مريم: لا والله بس نمت من وكت لان حيل تعبانههه .
مرام: دومج تعبانه. عليت الصوت مال اغنيه لان مالي خلك اسمع رزايل من الصبح وصلنه للمستشفى فتحت الباب ونزلت تحسرت واكول بكلبي حتى الشغل مطايقته دخلت والتهيت بالشغل وبالمرضى.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
مهند: كعدت الصبح اكلت شويه ومشطت شعري كلعاده روتيني نفسه واخلص يومي بالتمرينات وهالفتره حيل مضغوطين بالتمارين لان عدنه لعبه مهمه بعد اسبوعين بنص التمرين وحيل تعبت كعدت عالكاع واخذت البطل شربت منه وغسلت وجهي وضعي مو طبيعي اليوم احس مالي خلك احاجي احد اجاني ايمن كعد بصفي وكال.
ايمن: شبيك اليوم حسيتك موزين وين ميمي اليضحك ويتشاقه. ابتسمت وجاوبته.
ميمي: مابيه شي بس تعبان من التمرينات وكلش متوتر وخايف من اللعبه.
ايمن: كول يالله وخليها يم ربك. ضربني على جفتي بهداوه بمعنى اهدء. كمت خلصت تماريني صعدت بسيارتي حتى ارجع للبيت رجعت للبيت داصعد الدرج رجعني صوت امي.
...: مهند يمه اكلت شي لو اسويلك؟.
ميمي: لايمه ماكو داعي اكلت. حاجتني بمواضيع عشوائيه وراحت تكمل شغلها صعدت نزعت التيشيرت ودخلت اسبح طلعت بأيدي المنشفه انشف شعري واجاني اتصال (امير) جاوبت وفتحت سبيكر.
امير: هاا متجي اليوم.
ميمي: وين؟.
امير: عدنه طلعه بـ........ تجي.
ميمي: اجي ميخالف.
امير: تمام. صارت يمه هوسه وصياح الولد.
ميمي: كلكم متجمعين.
امير: اي بقيت بس انتَ منتضرينك مو تتأخر. صارت هوسه وضحك ونسد الاتصال لبست ملابسي وكعدت على الكرسي ورجعت راسي وباوعت ع السكف ماعرف شبيه اليوم ابد مو على بعضي ومالي خلك ومختنك كمت صليت حته ارتاح شويه ونزلت جوه سألت امي اذا رايده شي وطلعت. بنص الطريق اجه واحد مسرع بسيارته.
ميمي: امشي بالطريققق عدللل كدامك سيارات مو الشارع بس الك(بصياح). فات من يمي غلطت عليه بكلبي وكملت طريقي فجأة وبدون ماحس.............
ــــــــــــــــــــــــــــــــــــــــــــــــــــــــــــــــــــــــــــــــــــــــــ
مريم: خلصت العمليات والمرضى اطمنت عليهم خاف يحتاجون شي ورحت لغرفه الاستراحه كعدت اكل اجتني مرام كعدنه نضحك ونتشاقه فجأة المستشفى صار بيها صياح وهوسه استغربت وطلعت من الغرفه اربع ولد وواحد مد.مه كل جسمه شافني واحد منهم وعاط بيه.
ابراهيم: بسرعهه حيموت. اخذت الجربايه الحاطينه بيها ورحت للغرفه دخلو وراي. حاجيتهم بهدوء
مريم: ميصير احد يدخل ويا من تصير حالته احسن يصير تدخلون.
..: لا مو بكيفج وبسرعهه الولد حيموتت (بصياح) مجاوبته الولد البصفه اخذهم وطلع لبست جفوفي ورفعت الكمامه واني دالبس الكمامه ركزت بوجهه عرفته هوه هذا اللاعب بس ماهتميت لان موكلش احب الطوبه فتحت القميص الي صاير كله دم وخفت من المنضر الكزاز داخل بالجسم وكله دم حطيتله كانونه وجهاز الاوكسجين داطلع الكزاز من جسمه ودخل عليه الدكتور ويا مره يحجي مستعجل. دخلت المره تبجي وتشهك.
دكتور علي: ميخالف خليها امه هاي. هزيت راسي بمعنى اي وكملت شغلي طلعت الكزاز وعقمت جروحه والحمدلله جانت حالته زينه موكلش متأذي ماقهرني غير امه شلون تبجي وتبوس براسه.
..: يمه بشريني بي شي حالته خطره. شهكت ومسحت دموعها. ابتسمتلها ولزمت ايدها.
مريم: اطمأني خاله حالته زينه الحمدلله ومو كلش متأذي جروح بسيطه وان شاءلله يكوم ومابي شي. رجعت دموعها تنزل وراحت يم راسه طلعت اجوني الولد الي ويا همه نفسهم اللاعبين.
ايمن: نكدر ندخل هسه.
مريم: اي عادي. الحمدلله على سلامته. عفتهم ورجعت لغرفه الاستراحه سولفت لمرام عاطت بصوت عالي.
مرام: تشاقيننننن لجججج شفتيي ايمننن مداصدك لج كراشي اموتتت عليه حبابههه كولي والله شفتههه. تحجي وشويه ودموعها ينزلن ضحكت عليها.
مريم: امداج شبيج حتموتين.
مرام: لج مداصدك والله محضوضه انتِ خل اروح اكله كابتن عادي صوره. استحت وضربتني.
مريم: امداج شكم مره كلتلج ايدج تأذي لتضربين.
رحت للمره الاخيره اشوف المرضى حتى ارجع للبيت لان خلص شغلي دخلت لغرفته لكيتهم كاعدين يمه وهوه كاعد.
ميمي: دكتوره.......
ــــــــــــــــــــــــــــــــــــــــــــــــــــــــــــــــــــــــــــــــــــــــــ
   
                                  "يتبع"
اتمنى من صدك يعجبكم.
لاتنسون الـ ★.
تصبحون على خير ودمتم سالمين🌱♥.