هوَ قدري؟

2

سَواني واحَد مِنعزل
حَتى مَن اههلي صَرت امِل
خلاني مَثل الطِفل
عَودني عَليه وعَافنيي.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ميمي: دكتوره شوكت اكدر اطلع.
مريم: الافضل انو تبقه هالاسبوع بالمستشفى.
هز راسه وسكت. ضربت ابره بالمغذي وطلعت دالم بغراضي اريد اطلع لان خلص شغلي اجت مرام مستعجله.
مرام: باعي دكتور علي يكول ابقي فد ساعتين.
مريم: هوه شنو الساعتين دكتور علي هم يمسلت غير خلص وقت شغلي. رفعت اكتافها بمعنى ماعرف كلبت عيوني بملل وحطيت غراضي ع الكرسي وكعدت اتصلت على امي حته لايضل بالها لان سالفه دكتور علي مطوله ومو مال ساعتين. اتصلت عليها مرتين ماردت كلت يمكن داتنضف لو تصلي. كاعده داكلب بالتلفون وصار عياط بره طلعنه اني ومرام والبقيه شفت طفل من صدك يقهر راسه مضروب بي وملابسه كلهن دم وامه تبجي والفهمته عمامه ويا. تقدمت ام الطفل وهيه تبجي وخلته بأيدي شلته وركضت بي للغرفه سويت اللازم وخيطت الجرح الي جان كلشش عميق طلعت من الغرفه اجت امه وعمامه بأتجاهي.
....: عفيه ابني شلون صار والله كلبي حيوكف.
مريم: الحمدلله مابي شي وعدت سلامات بس نعوفه يرتاح ساعه ساعتين وتكدرون تطلعونه. تشكرتني وبوستني كلش قهرتني مبينه حيل تحبه.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ميمي: فتحت عيوني واني مامفتهم شي امي فوك راسي تبجي وبأيدي الكانونه رفعت ايدي بهدوء وأذتني حيل امي بس شافتني باست عيوني وتبجي لزمت ايدها وبستها وسألتها.
ميمي: شصار وياي يمه. شهكت ورجعن دموعها ينزلن عبالها نسيت وفقدت ذاكرتي. طبطبت على ايدها.
ميمي: لتخافين يمه ماناسي بس ماتذكر شصار بالضبط.
....: يمه بالسياره اندعمت بسياره ثانيه بس الدكتوره كالت مابيك شي ومو كلش متأذي. ابتسمتلها وخفيت وجعي عليها ماريدها تخاف. اجو الولد محد يعدل نفسيتي غيرهم.
ايمن: خاله على شنو البجي تره ميمي عار والعار مايموت.
ميمي: دنجب لك اله اموت واخليك تبجي دم وراي.
ايمن: اويلي واكل تمن ولحم بفاتحتك. اجه ابراهيم ضرب ايمن على راسه.
إبراهيم: ليش تفاول ع الولد يمعود.
ايمن: حته لو احجي مو اكلك عار وميصير بي شي.
جابولي اكل واكلت شويه الجروح حيل تأذيني بس متحمل احس الشاش لازك ع الجرح.مر الوقت اني والولد نتشاقه ونضحك لحد ساعه 9بليل.
ميمي: يلا يمه انتِ هم تعبتي ارجعي للبيت واني يمي الولد.
....: لايمه ماروح ابقه يمك. كعدت اقنع بيها وكوه اقتنعت. بستها بأيديها وراحت. الجروح حيل كامت تأذيني وماتحملت كلت لأيمن.
ميمي: ايمن بعد ماتحمل عفيه صيح اي واحد يرجع يعقملي ويجدد الشاش حيل يأذيني. كام ايمن اجت ممرضه.فتحت القميص طلع الدم طالع من الشاش
حطت الدوه مال جروح وسوت الباقي احس روحي ردتلي ابتسمتلي وكامت انطتني ورقه فتحتها مكتوب"رقمي خاف تريد اداوي جروحك مو جروح الجسم لا جروح الكَلب ههههه"ضحكت عليها وشككت الورقه وذبيتها حطيت راسي عالمخده ونمت.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
مر اسبوع وهذا اخر يوم لميمي ويطلع ومثل مكلت الجروح بسيطه وممتأذي ف صار احسن بسرعه. نايم واني دخلت للغرفه اشوف خاف هوه والمرضى الي ويا يحتاجون شي دافتر عليهم وفززني صوت الابره الوكعت انداريت لكيتها واكعه من الميز رحت شلتها وركزت بوجهه رموشه طوال وتحس تريد تحسبهن من كد ماحلوات ماعرف ليش ابتسمت لا ارادياً انتبهت لنفسي بسرعه اختفت ابتسماتي ومسحت وجهي خلصت شغلي واستلمته غير وحده طلعت صعدت بالسياره رجعت للبيت دكيت الباب محد فتح دكيته مره ثانيه هم محد فتح سمعت صوت عالي جوه وروحي راحت امي خاف بيها شي كمت ادكه قوي حيلل واسمع صياح امي واني رجليه كامن ميشيلني انفتح الباب وشفت......
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ميمي: صرت احسن واكدر اللعب اللعبه الي ماخذه كل تفكيري وحيل خايف ومتوتر لانخسر حيل تعبنه بالتمرينات وانضغطنه حيللللل طلعت من المستشفى ورجعت للبيت وكل ماتذكر اكول الحمدلله الضربه مو قويه رجعت للبيت دخلت سبحت وهمه عود كالولي لتسبح وصليت نزلت لكيت امي مسويه فطاير ابتسمت ورحت بست راسها. داخذ من الصينيه ضربت ايدي.
....: لاا ماكو هاي مو النه.
ميمي: لعد المن مسويتهن.
...: للدكتوره مريم حيل تعبت ويانه خطيه وخوش بنيه وتخبل بس الشعر كافي. اخذت وحده وطفرت لان ادري بيها راح تفتح موضوع الزواج صاحت وراي.
...: من تسمع بالزواج تطفررر. ضحكت على سوالف امي وطلعت ماعرف شجابها على بالي وابتسمت وقاطع افكاري اتصال منو غير ايمن يعني؟
ميمي: لك هلا.
ايمن: ها شنو تجي لا.
ميمي: شي اكيد اجي غير صارلنه شهرين.
ايمن: صدك تحجي ميمي ماتوقع كاساس يخليك تلعب انتَ هسه اليوم طلعت من المستشفى.
ميمي: معليك ياخويه اني اقنعه وبعدين هم كالو مو قويه يعني نمشيها حته لو شوط قابل.
ايمن: هسه دعوف اللعبه اليوم عزمت الولد واني يمك ناكل سمج؟
ميمي: صدك جذب جنكم على سمج نزلوهن وادفعو الحساب.
ايمن: لا ماكو كابتن هالمره انتَ.
ميمي: هاهيه. ضحكت وسديته شغلت اغنيتي (دمار) كعدت اغني ويه الاغنيه فاتح الجامه ووكفني صوت بنيه.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
لاتنسون الـ ★.
واتمنىىىى يعجبكمممم 🫂.
دمتم سالمين 🌱♥.