هوَ قدري؟

3

مابيه حيل أخذ نفس
ماعندي واهس للحجي!
من برا تلكاني ابتسم
ومن جوا اطك من البجي
مابيه اكمل هالدرب
تعبان خلوني انتجي؟
ــــــــــــــــــــــــــــــــــــــــــــــــــــــــــــــــــــــــــــــــــــــــــ
انفتح الباب وشفت امي بالكاع كلها دم والكاع دم رحتلها اركض رفعتها من الكاع حطيت راسها بحضني واصيح بصوت عالي.
مريم: لاا مستحيل لايمه متعوفيني وحدي يمه لاتكسرين ضهرييي يمههههه. تقدم ابوي بنصر مبتسم.
علي: ههههههه الله يرحمها خاتمه الاحزان. طلع وعافني وحدي كمت اصيح وابجي اجو الجيران شالوها واني ملابسي انترسن دم وصلونه للمستشفى وراحو اني الدكتوره الي اداوي هسه احتاج احد يداوي امي اجو الدكاتره اخذوها واني بقيت انتضر بره واردد بكلبي
مريم: متعوفني امي مستحيل تعوفني وحدي كالت ماعوفج كالت ابقى وياج وعدتها اموت قبلها لالا متعوفني وحدي مستحيل هسه تطلع وابوسها. طلع الدكتور ركضتله وجهه ميبشر بخير اريد اسأله اريد كلمه تطلع من حلكي ماكدر.
مريم: دكتور امي بيها شي؟ امي بخير(بغصه).
الدكتور: البقيه بحياتج اسف سويت الاكدر عليه بس للأسف. من سمعت هالكلام احس روحي طلعت وكعت بالكاع واني اردد لا مستحيل. دخلت للغرفه شفتها مغطينها رفعت الغطه وصحت.
مريم: امي ماميته ليش مغطينها متحب الغطه تختنك ليشش. اجت الممرضه لزمتني ووخرتني دفعتها بقوه ورحت لأمي احاجيها.
مريم: يمه متعوفيني اكعدي لتتشاقين هيج شقه حبابه. اهز بيها متتحرك احاجيها مترد عليه هنا استوعبت انو كلامهم صح وهيه ماتت هنا انتهيت فوك ما اني منتهيه.
مريم: ولج ليش يمهه ليش كسرتي ضهري يمه مو وعدتج اموت قبلج مو كلتلج تابوتي قبل تابوتج. اجت مرام تركض استوها جايه للمستشفى اجت حضنتني وكعدت تحاجيني.
مرام: حبيبتي كافي بجي كافي امج راحت لمكان احسن. دفعتها بقوه انضربت بالباب.
مريم: متعوفنيييي داكلج متعوفني هسه تكعددددد كعدت بالكاع اضرب بوجهي بقوه. اجت مرام سحبت ايديه وحضنتني حتى ماضرب روحي ماحسيت بشي بعدها احس فقدت توازني.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
وكفني صوت بنيه صغيره.
الطفله: عمو حباب اشتري مني ورده.
باوعتلها حيل تقهر ابتسمتلها وكرصت خدها بخفه.
ميمي: انتِ شسمج ياحلوه.
الطفله: اني اسمي جوري.
ميمي: اممم حلو هالاسم.
جوري: شكراً عمو يصير تشتري من ورده. شلت10انطيتها الها.
جوري: بس عمو الورده ب 1000وهاي 10.
ميمي: وهاي 5حته ترجعين للبيت وترتاحين ومتشتغلين اليوم والورد هذا باجر بيعي. ماقبلت تاخذهن قشمرتها كلتلها باعي هذاك الوراج ومشيت. اباوعلها بالمرايه كعدت عالرصيف حيل فرحانه وصلت رحت سلمت ع الولد.
ميمي: لك ها ايمنن.
ايمن: هلا حبيبي الحمدلله على سلامتك ضلع.
ميمي: فدوه اروحلك.
علي جاسم: الحمدلله على سلامتك حبيبي . وهواي من هالحجي. بنص التمرين امي اتصلت رديت مستغرب مو من عوايدها لان تدري هالوكت عندي تمارين وماتتصل
ميمي: الو ها يمه بيج شي.
...: ولك يمه اخوك وداني لبيت الدكتوره ومالكيتها اجتي مره جبيره كلتلي امها اليوم توفت وهيه بالمستشفى ماتجي توصلني الها.
ميمي: يمه هسه انتِ البنيه حته متعرفينها وبعدين شمعرفج ببيتهم وين ورحتيلهم.
...: اكلك مهند لاتضل تحجي تعال وصلني اكلك عيب من البنيه.
ميمي: يم. بعدني ممخلص كلامي سدت الخط بوجهي.
ترخصت من الولد وكلتلهم شغله مستعجله وطلعت اتصلت عليها.
ميمي: اكلج يمه اني ماندل البيت.
...: يعني بعدك ماجاي ولك كتلني الحر واني واكفه انتضر
ميمي: يمه يعني اشم ايدي واندل البيت. دزتلي مكان البيت بعد معاناة وصلت صعدت بالسياره وجها صاير احمر ضحكت وكصرت خدودها ضربتني على ايدي.
...: شغل هذا شغله يايمه معت من الحر. ضحكت على سوالفها وصلت للمستشفى نزلت امي واني بقيت بالسياره
اجت امي صعدت وتبجي. استغربت.
ميمي: شكو ليش البجي.
...: تقهر يايمه تقهر متخربطه لكيتها. تحسرت.
ميمي: هيه هاي الدنيه الله يرحمها شنسوي كلنه على هلطريق. وصلت امي للبيت وصعدت فوك لغرفتي غلست ع الولد طبيت سبحت وطلعت شغلت السبلت وكمزت ع الجربايه. ذبيت التيشيرت وتمددت.
ميمي: اويلي خل اغط بالنوم.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
فتحت عيوني لكيت مرام بصفي والكانونه بأيدي رفعت نفسي وشلت الكانونه.
مريم: دفنتوها؟
مرام: لا بعدنه ننتضرج. جابت كلينكس مسحت الدم الطلع من ايدي وحطت Wound adhesive.
وخرتها وكمت من كمت دخت حيل ورجعت كعدت لزمتني مرام.
مرام: على كيفج مريم. مشتني ودتني. سألتها.
مريم: اجه احد؟.
مرام: اي اجت مره.
مريم: منو.
مرام: ام ميمي. استغربت.
مريم: ميمي اللاعب مو. هزت راسها بمعنى اي.
مريم: شجابها.
مرام: والله ماعرف بس كالت رحت للبيت جايبتلها فطاير اتشكرها علمود ميمي ومالكيتهم بالبيت شايفتها ام مصطفى كايلتلها امها متوفيه ومو هنا وجايه هيه وابنها وانتِ نايمه وهيه تبجي عليج. هزيت راسي مالي واهس دموعي تنزل وماحس بيهن خربت حياتي وخرب واهسي بالدنيا شنو حيصير امي وراحت ابوي شحيسوي وين اعيش شلون ادبرها وحدي شهكت بصوت عالي ومرام تطبطب على ضهري وصلت لغرفتها مرام خابرت الي بس اسمهم عمامي اجو واخذونه للنحف وكل شويه وحده تسأل ليش وشلون وشنو السبب اجاوبهن بـ"ماعرف"حاطه راسي ع الجامه ودموعي يتسابقهن ياهيه التنزل اسرع. شلون اكمل حياتي شلون بدون امي يكضي اليوم شلون من ارجع من المستشفى ماحط راسي بحضنها واكعد اسولفلها يومي شلون مااكل من اكلها الطيب بعد شلون ماشم ريحتها شلون ماشوفها كاعده يمي والله اتخبل وصلنه للنجف نزلو التابوت بالكاع ويحفرون بالكبر"اسم الله "كعدت يم تابوتها وابجي واعيط شالوها ودفنوها حطيت روحي على كبرها.
مريم: شلون انام وانتِ جوه التراب يمه شلون اكل وانتِ جوه التراب شلون اشم الهوى وانتِ جوه التراب فرفحت روحي شالوني النسوان حضنتني وحده وكعدت ابجي بحركه بحضنها كالولي لازم نروح واني روحي راحت واصيح عليهم.
مريم: ماروح افهموووو ماروححححح اريد امي بقوني هنا ادفنوني يمها ادفنوني واني عايشه اريد اميييي. جرتني نفس المره وخلتني بحضنها وكعدت تهديني.
المره: ميصير تبجين هيه تتأذه من تبجين هيه راحت يم ربها راحت لمكان احسن لاتبجين يمه.
مريم: خاله حبابه اريدها والله ماشبعت منها. وبعد محاولات من عمامي كمت وصعدت بالسياره حركها السايق واني على نفس البجي والدموع اباوع لكبرها واحجي بكلبي.
مريم: عمت عيني عليج يروحي عمت عيني مالحكت اشوفج واحاجيج مابستيني ماشميت ريحتج راح تنامين بالضلمه. غمضت عيوني حسيت بصوت يكعدني فتحت عيوني نفس المره الاسمها ام علي.
ام علي: يلا خاله كومي وصلنه رفعت راسي من الجامه بيت جدي نزلت وحاجاني عمي راح تبقين يمنه هنا بعده ممكمل كلامه هزيت راسي اريد ابجي وماريد احد غير امي طلعت من الاستقبال دخلت يم النسوان اجن سلمن عليه والبقيه بحياتج ومن هاي السوالف تذكرت كلام امي
"يمه اهل ابوج وحوش عذبوني هواي" عرفت راح اتعذب يمهم غمضت عيوني والدموع ينزلن راحو الناس بقن شكم وحده اجت مره عمي.
نور: يلا حبيبتي تعاي نامي تعاي. عبالها مادري همه كوه متحمليني وتحاجيني من وره خشمها هزيت راسي ودتني لفراش مفروش بالكاع باوعتله وحجيت بكلبي"هاي بدايتها"حطيت راسي عالمخده وماوكفن عيوني بجي ماحسيت بروحي شوكت نمت بس حسيت ضربه على بطني موتتني فتحت عيوني........
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ميمي: نايم واسمع صياح امي.
...: مهنددد يلااا يمه كوممم اذن اذان المغرب كوم صلي اذكر الله شنو هلنوممم.
ميمي:يمه دخليني انامممم. كامت تصيح كمت لبست تيشيرتي وشغلت الضوه اليوم لازم اروح للبصره علمود اللعبه اجت امي بيدها جنطه السفر تحضرلي غراضي رحتلها بست راسها ونزلت توضيت وصليت خلصت صلاتي اكلت واكيد امي تودعني بالدموع اخذت جنطتي وانطلقنه اني والمنتخب وصلنه الساعه ب 1بليل والكادر كعدو ينطون مفاتيح الغرف.
...: الغرفه رقم***ايمن، امجد، ميمي. اخذت المفتاح وصعدنه للغرفه.
ميمي: شلون عطلات وياي بالغرفه.
امجد: غير يكعد هوه انتَ اكبر عطل.
ايمن: اي والله امجد ماحجيت غير الحق.
ميمي: اكلك ليش متسكت. كعدنه نتشاقه وصلنه للغرفه فتحت الباب ودخلت بسرعه بدلت ملابسي وغسلت وجهي وانطلقت للنوم. الصبح كعدني صوت ايمن.
ايمن: ولكم يلااا كوموووو تره راح نتأخر.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
لاتنسون الـ★.
والبارت هالمره طويل بعد شتريدون الايرده بس ★.
وشنو رأيكم اكمل بيها لولا؟
واني احس معاجبتني.
وهسه تصبحون على خيرررر
ودمتم سالمين♥🌱.