' عين '

لكّ وعشَانك Part -9-

سبحان الله وبحمده ، سبحان الله العظيم؛
..........................
فهد : ورب البيت احبك .
دانه : .........
فهد : تحبيني ؟
دانه (يارب يجي احد وينقذني من ذا الموقف) : ءءء شسمه تاخرت برجع
فهد مسكها : جاوبيني ؟
دانه : ايي احبك
فهد : خلاص ماعليك من اي احد ، انا انتي ، انتي انا ، خليني اعوضك !
دانه ابتسمت : ان شالله
...........
سعود : مو كانها ذي اللي مساعه مع دانه؟
نايف : الا ، وش فيها تبكي !!
سعود راح لها : لو سمحتي ؟
لمى : بعد عني انققللعع .
سعود : لا تخافين انا صديق فهد بس شفتك تبكين؟
لمى ارتاحت : ضعت !!
سعو فيه الضحكه : وشو ؟
لمى : فتحت جوالي مالقيت رصيد ابي اتصل على البنات ماني قادره !
سعود : خلاص طيب امسحي دموعك و خذي جوالي دقي عليهم !
لمى خذت الجوال و دقت : اللوو
جواهر : نعم ؟ ماعندي ذا الحركات ومااقبل شباب
لمى بعصبيه : على زق انا لمى ، وينكم؟
جواهر : عند كارفور (وسكرت)
سعود يضحك : وينهم ؟
لمى : عند كارفور ، خلاص بروح لهم شكرا؛
سعود : العفو شدعوه ،خليني اوصلك ؟
لمى : لا لا اخاف تشوفك المشرفه ولا شي وتصير سالفه ، خلاص شكراً
سعود : طيب براحتك العفو !
نايف : كنك صرت خروف؟
سعود : هاه لا شدخل اقول جب بس جب خلنا نروح نشوف فهيد .
نايف : يلا
............
فهد : يصير اعزمك على القهوه ؟ شكلك ماشربتي شي!
دانه : لا
فهد : ونتي كل شي لا !!
دانه : بقوم تاخرت انا ؟
فهد وقف : لحظه خذي؟
دانه : وش ذا !
فهد : سماعات وش ماتعرفينها ؟
دانه : الا بس عندي !
فهد : هذي فيها مايك دقي علي وحطيها بااذنك ودخليها تحت حجابك وكلميني محد بيدري !!
دانه تضحك : ههههههه شدعوه ؟
فهد : اخذيها بس يلا (خذتها)
دانه : طيب شي ثاني؟
فهد : ايه ، الروج العنابي ذا ؟ امسحيه!
دانه : ياليل بس طيب اوامر ثانيه دكتور فهد؟
فهد : ههههههههههه لا خلاص ، مع السلامه
دانه : الله معك !
(راحت لهم وفهد لحقها لين وصلت عندهم ، رجعوا الدار ع الساعه ٧:٣٠ المغرب)
ببيت فهد اعرفكم عليهم ، عنده ام و اب واخو يصير توأم فهد اسمه فارس واخت اسمها فاتن .
ابو فهد : فهد سالت غرام متى تبون العرس ؟
فهد : يبه ؟ انا مااحب البنت ولا هي تحبني لازم يعني؟
ابو فهد صرخ : ففههدد الموضوع سكرناه من زمان !!
فهد : استغفرالله (قام)
ام فهد : الله يهداك قومته ماصدقت نجتمع كلنا مع بعض؟
فاتن : يمه ، ليش تغصبونه حسيت انه بنت؟
ابو فهد : انتي اسكتي لايجيك الدور!
فاتن : لا لا تكفى بخلص دراستي بعدين اتزوج !
فارس : يبه انا ابي اتزوج؟
ابو فهد : انت توظف قبل يالفاشل
..........
في غرفة فهد دق على دانه :
دانه : الو
فهد بصوت مخنوق : هلا بهالصوت؛
دانه : هلا فيك ، شفي صوتك كنك تعبان؟
فهد ياخذ نفس : لا ، مافيني شي بس حبيت اسمع صوتك !
دانه : وش تسوي؟
فهد : ابد والله جالس في غرفتي ، ونتي؟
دانه : جالسه مع البنات ندور فلم نسهر عليه مادام انه ويكند .
فهد : انبسطي طيب !
دانه : اوكي ، بس انت وش فيك ترا واضح؟
فهد : حبيبتي صدقيني مافي شي اهم شي انتي مبسوطه!
دانه : اكيد دام اني اسمع صوتك ؟ طيب يلا اخليك شكلهم لقوا فلم !
فهد : طيب ، الله معك .
دانه : انتبههلك يلا ، باي !
فهد : لحظه ، لاتقولين باي !
دانه : ليه؟
فهد : مدري احس كانها وداع تنرفزني يعني؟
دانه : طيب ، مع السلامه (سكرت)