اللهم صلِّ على محمد وآل محمد ﷺ
بسم الله الرحمن الرحيم
__________________________________. ♡
الله اكبر الله اكبر
: الهم صلى على محمد واله محمد
كمت حتى اصلي صلاء الفجر وادعي
طلعت من الغرفه ومتوجهه الغرفه امي حتى اكعدها وتصلي وياي
دكيت على الباب وطلعتي وجه منفوخ احمر انصدمت بشكلها
:ماما شبيج؟
:مابيه شي يلا روحي صلي اني راح اصلي هنا
عفتها ورجعت للغرفه مصدومه ليش تبجي؟معقوله بسبب بابا لا مستحيل ميسويها شويه وانتبهت بابا مو بالبيت اليوم احتاريت شسوي ضليت كاعده حتى ماصليت اختي نايمه كدامي كمت غطيته ورجعت كعدت لحد ما صليت ونمت ساعه سته الصبح اجتي ماما تكعدني على الساعه عشره وخبصتني خبص وكلشي ممفتهمه
:شكو شبيج؟
:كومي عمامج اجو يردوج بره
: وشكو هل هوسه كله؟
:اطلعي وراح تعرفين
طلعت ولكيت عمامي السبعة موجودين خفت منهم ليش موجودين هنا وشكووو؟.ضليت صافنه الا ان عمي الجبير وابنه بدون يحجون
فهد :تعالي عمو تعالي نحجي وياج بموضوع خاص
اسينات :جمدت بمكاني ليش يحجي وياي وشيريد مني
رحت للستقبال واجو كلهم ورايه وكعدنه كلنا وبدا عمي يحجي واني جمدت بـ مكاني من الصدمه.
فزيت على صوت صياح وعياط بالبيت وطلعت اركض ورجليه ماشايلتني فتحت الباب واريد بس انزل الدرج ماكدر
.شكوووووووووووو شكووووووو شصايررر؟
.ولج ابوجججججج ابوججججج استشهد مات ابوج مات عمت عيني عليججججج
:شهكت والنفس وكف ببلعومي واريد بس اجر نفس ماكدر مادري اشصار واحس كلشي صار اسود بعيني واغمى عليه
.كعدت واني بنص الستقبال والنسوان ملتمات عليه ويحاولن يكعدني كمت واحس راسي راح ينفجر طلعت اركض اركض وافتر بالبيت واصيح
:شمعت بيتنا وينككككك صار الضهر وانتَ ماكووووووو انتَ ممتاخر بهيج وقت ومتجي وينككككككككك وينككككك بويه ماعندي احد وينكك
افتر وادور عليه وعلى امل اشوفه بس قفدت الامل من شفت جادر بالباب مال البيت ولد عمامي وخوالي موجودين رحت اركض واتوسل بيهم لا يسون شي لان ابوي عايش وهسه يجي
: والله هسه يجي الله عليكم لا تسون شيييي تره والله من يشوف الجادر يزعل عليكم والله
باوعت على الشارع على اليمين وشفت تابوت على السياره ومشدود بعلم العراق ومتروس دم
اسينات :ايليا من شافت التابوت ما خلت دشداشه ولا شعر ولا صدر دك وتلطم حيل حيل والدموع عشره عشره وتعيط
:يابويههه يا لحبيب يا بويههههه ياروحي يا قطعه كلبييي ولك وين عفتنييييي ورحت يابههههههههه والله بعمرك ما كلت ايليا بس تكلول حبيبه كلبييييي وينننن عفت حبيبته قلبككككككك ولك بويههههه.
اسينات:احاول الزمها ماكو البنيه مفرفحه شكت دشداشته وبنص الشارع احاول الم الدشداشه ماكو متخليتي لحد ما اجه واحد من الولد لزمها حيل وسحبها للبيت ويجر بيها والبنيه فاقده تريد بس تابوت ابوها ينزل
