ﷺ
بسم الله الرحمن الرحيم
__________________________________. ♡
الله اكبر الله اكبر
: الهم صلى على محمد واله محمد
_______________________________. ♡
اسينات:-الضربه صارت قويه حيل لدرجه اكو اشياء تكسر
رحت اشوف شنو وملكبت شي ولا شفت احد
درت وجهي ع ايفا وكلتها ماكو شي
ايفا:-شبيج عادي يجوز احد من الجهال ضربوا الشباك
:-صدك
:-يي اكيد
سحبتني ايفا خلتني اغير ملابسي بسرعههه حيل وحطتلي مكياج واني صافنه عليها هاي شدسوي من كل عقلها؟
رحت دخلت للاستقبال والكيتهم الكل كاعد كعدت وياهم وفتحوا الف موضوع يلا فتحوا الموضوع مال خطوبه
اكو حجيه جبيره بالعمره كاعده وكالت
:-والله ابني يشتغل تكسي بس الحمدلله
يحصل باليوم 300الف
باوعت الـ ايفا وكالتلي بصوت ناصي
:-قصدها يشتغل راكوصه
ضربتها ورجعت استمع للحجيه
:-وعمره34وهوه مزوج ومطلك ويريد وحده وياه بالبيت والحمدلله هوه خلقه واخلاق .
ايفا:-اليوم تنامين على السجاده من الجذب مالتج تحجي بصوت ناصي
رجعت ضربتها
ورجعت تمدح بـ ابنها وطلعته اميرر
اخير شي طكت روحي كتلها خاله تره اني مزوجه وحامل تردين تهجمين بيتي؟
الكل مصدوم ومحد حجه ابدد
عفتهم وطلعت بسرعههه
اجتي ايفا وراي تغم بيه وتحجي
ايفا:-تريدلج واحد بي خير يجي ماكو وين السكراب واخوو يجي
سجى:حضي هذا
:-حض مال مطلكه
:-لا والله المطلكه عايشه
:-لا والله المطلكه عايشه احسن مني ومنج
:-يلا تهون
رحت كعدت بغرفتي وضليت صافنه لحد ما غفيت وكعدت الصبح
جهزت روحي للدوام وانصدمت من ايفا اجتي وياي
سجى:شعندج جايه!
ايفا:-معليج اريد اجي
:-لزمت كلبي بـ ايدي لان هاي ام لسان وتحجي 24س
:-طلعت وطلعت وياي واجتي وصلنا للدوام ونزلت ودخلت ع مكتب
وشفت ايفا دخلت المكتب ليث
ضليت خايفه لا تتعارك وياه
ايفا:-دخلت للمكتب مال ليث وشفت يمه وحده يكرم طاري الله ك.... برو ماكس سلمت وكعدت يمهم
ليث:تفضلي أمر خدمه؟
ايفا:-اجيت اسلم ع نسيبي لو هاي بيها عيب؟
:-لا عادي
:-يي طبعاً عادي .اكلك هم تعرف اذا انطيك حساب شخص تطلع معلوماته
:-يي اكدر انطيني
:-لا لا هيج خليها .عفته وكمت وصلت يم الباب
:-ليش منو تردين تطلعين؟
:-خطيب سجى الجديد
:-شنوووووو
:-افففف زلت لساني .ليش متعرف انتَ؟
:-شعرف احجي .
:-باوعت ع فردوس عود معناها خل تطلع يلا احجي
ليث:اطلعي فردوس
:-طلعت وبديت احجي .
:-ليش متدري سجى البارحه اجاها خطيب طياررر وعايش بالخارج وعنده ورث 10مليون دولار وحيل حلووو
:-فتح عيونه من الصدمه .
ليث :-تحجين صدك؟
:-يي والله صدك وبكلبي حجيت اجاها سايق تكسي .
عفته وطلعت رحت يم سجى وشويه وشفت اجه ليث وكف يم مكتب سجى وحجه
ليث:-الف مبروك يكولون جايج طيار؟
سجى:طيار؟
ايفا:-يي شبيج البارحه الخطبج!
:-هاا طيار؟
ليث :-ليش متدرين طيار هوه؟
سجى:-هاا لا شسمه ادري بي طيار
:-يي ويكولن عنده 10 مليون دولار وملك طاك حيل
:-منو كلك انتَ؟.اشر على ايفا
تقربت منها وكرصتها وحجيت بصوت ناصي
:-يا طيار الي يكلب خلقتي نوب عنده 10مليون دولار والله لو صدك اله اجلب بي
ايفا:صيري ثكيله فشلتينا
:-ولج اكو واحد هيج يجذب؟
:-اششششششس
ليث :وانتي وافقتي؟
ايفا:-بعدها دتفكرر
:-بس انتي بعدج ع ذمتي
ايفا:-اكو شي اسمه خلع ضلعي
:-دار وجهه وطلع بره الشركه
لزمت ايدي وتفلت بيها وغميت ايفا وجريت الملفات وطلعت اركض للبيت
بعدني ما وصلت للبيت مااشوف اله نحطت شي ع خشمي ورحت الغير عالم وفجئه كعدت بس صار؟؟!!!!!!
stop
تتوقعون ليث يسويها لو احد غيره؟
كتبولي توقعاتكو منو تتوقعون ليث لو شخص ثاني؟! وشنو رح يصير بالبارت جاي؟ 🤫
مع سلامه عصفوراتي.
